وقفت "نورسين" في منتصف الغرفة بملامح جدية للغاية، هي قررت الحديث الآن وإخبار والدها بكل شئ، هي قررت إخباره بالحقيقة كاملة ولن تتراجع الآن مهما حدث، وليحدث ما يحدث لاحقا، ولكن الأهم الآن أن تخبر والدها بهذا السر الذي يثقل كاهلها بشدة.
تحمحمت "نورسين" بخفة وهي تلعب بأصابعها بتوتر، متحدثة بهدوء وهي تنظر أمامها:
-بابا لو سمحت أنا عايزة أتكلم معاك شوية، فيه حاجة مهمة إنت لازم تعرفها، وأنا مش قادرة أخبيها أكتر من كدا.
أخذت "نورسين" نفسا قويا ذافرة إياه ببطئ متحدثة مرة أخرى:
-حضرتك عارف أنا قطتي كانت عزيزة على قلبي إزاي، وعارف إني كنت مربياها من ساعة ما كانت لسه بترضع، وأكيد حضرتك فاكر هي لما ماتت أنا إنهرت إزاي وزعلت أد أيه، ومن ساعتها وأنا قررت وكان حلمي إني أبقى دكتورة بيطرية، علشان كدا دخلت علمي علوم وأنا في ثانوية عامة.
تنهدت "نورسين" بخفة وهي تغلق عيناها للحظات، لتعاود فتح عيناها مرة أخرى مكملة حديثها:
-منكرش في البداية إني كنت عايزة أدخل طب بيطري بسبب موت قطتي علشان غلطة الدكتورة الحمارة، بس لما هديت وفكرت شوية بقيت عايزة أبقى دكتورة للحيوانات إللي مبتعرفش تعبر عن ألمها وتعبها، إللي مبتعرفش تقول إيه إللي واجعها أو بتشتكي من إيه، أنا مش عايزة حد يخسر حيوانه الأليف زيي، مش عايزة حد يخسر جزء من روحه زيي يا بابا.
أدمعت أعين "نورسين" بتأثر، لتأخذ نفس عميق تحاول تهدأة نفسها قليلا، لتتحدث مرة أخرى:
-أنا كنت لسه هتكلم وهقول لحضرتك على إللي أنا ناوية أعمله، بس "ياسين" سبقني وإتكلم عني وقال إني هدخل طب بشري، وقبل ما حضرتك تقولي وإنتي معترضتيش ليه و متكلمتيش ليه هقول لحضرتك علشان شوفتك متحمس أوي لفكرة إني أبقى دكتورة بشرية، رغم إن "رامين" دكتورة بس حسيت إن أملك فيا أنا كبير أوي، حسيت إنك بتحقق حلمك فيا أنا علشان كدا مقدرتش أتكلم وأقول إن ده مش حلمي.
لانت نبرة "نورسين" كثيرا، وإنخفضت بشكل واضح، لتصمت قليلا قبل أن تعاود إستكمال حديثها مرة أخرى:
-أنا عارفة إني غلطت لما دخلت كلية الطب البيطري من غير ما حد يعرف، وعارفة إني غلطانة إني مخلية الكل فاكر إني في طب بشري لكن أنا مش فيها، بس صدقني يا بابا أنا حاولت أتكلم كتير بس كنت بتراجع في آخر لحظة، صدقني حاولت كتير أتكلم معاك وأقولك بس كنت بخاف على زعلك، مش عايزة أشوف اللمعه إللي في عينك وهي بتنطفي، وبسببي أنا.
اغلقت "نورسين" عيناها، لتكمل حديثها وعيناها مغلقة:
- بس في نفس الوقت مقدرتش أتخلى عن حلمي وأنساه، مقدرتش أنسى حلمي يا بابا، أنا أسفه إني فضلت تحقيق حلمي على تحقيق حلمك وأملك فيا، أنا حقيقي أسفه.
أنت تقرأ
خطأ محبب
Romanceأخطاء الآباء يقع بها الأبناء، و لكن يبدو أن الخطأ متوارث، فهو خطأ مُحبب. "الجزء الأول" حملت بها والدتها في الوقت الخطأ، كان إنجابها خطأ، حياتها الجنونية مليئة بالأخطاء، حتى عندما وقعت في الحب وقعت مع الشخص الخطأ في الوقت الخطأ ولكنها لم تبالي في نها...
