فور أن أنتهوا جميعا من تناول الطعام، حتى تحدثت "نورسين" بهدوء:
-شكلي نسيت موبايلي في البيت وأنا مستنية مكالمة مهمة أوي، تعالي معايا يا "لينا" أجيبه.
أومأت "لينا" سريعا ناهضة من مكانها، لتنهض "ليان" هي الأخرة سريعا متحدثة:
-خدوني معاكم خلوني أتمشى شوية علشان أهضم الأكل إللي أكلته، لحسن أنا مليت بطني على الآخر ومش عارفة أتنفس.
أنهت "ليان" حديثها متعلقة بيدي كل من "نورسين" ولينا" ليغادر الثلاثة معا تحت أنظار الجميع.
**
فور أن دلف الثلاثة إلى المنزل حتى تحدثت "ليان" سريعا:
-بالله عليكم بلاش خناقات، معلش يا "نورسين" حقك عليا أنا "لينا" أكيد متقصدش.
-أهدي يا "ليان"، أنا جبت "لينا" علشان أعرف هي فيها إيه.
-أكيد متخانقة مع "زين" كالعادة يعني.
صاحت "ليان" وهي تنظر إلى أختها، لتتنهد "نورسين" متحدثة:
-هي أه أكيد متخاقنة مع "زين"، بس المره دي فيه حاجه غلط، المره دي "لينا" بتعيط، يعني معنى كدا إن فيه حاجه كبيرة، وكبيرة أوي كمان.
نظرت "ليان" بصدمة إلى "نورسين" محولة نظرها إلى أختها التي إنهارت في البكاء، لينقبض قلب توأمتها بينما "نورسين" قطبت حاجبيها بإنزعاج شديد بسبب ضعف "لينا".
-أهدي وقولي فيه إيه؟
حاولت "لينا" أن تهدأ نفسها حتى هدأت قليلا، لتتحدث بين شهقاتها:
-"زين"، "زين" قالي أنه هيخطب واحدة تانية علشان هو زهق مني ومش هيستنى أكتر من كدا، هو عايز يكون أسره ويخلف.
-"زين" إللي قالك كدا؟!
تسائلت "نورسين" وهي تنظر إلى "لينا" بغير تصديق، لتومئ لها "لينا" وهي تعاود البكاء مرة أخرى، صائحة بين بكائها:
-أنا محدش قادر يفهمني ولا يحس بيا، محدش مقدر خوفي ولا عايز ياخد باله منه، محدش عارف إني مبعرفش أنام غير بمنوم من كتر التفكير، محدش عارف الصراع إللي جوايا، محدش عارف المأساة إللي أنا عايشة فيها.
تقدمت منها "نورسين" أخذه إياها في حضن لطيف، لتتقدم منهم "ليان" حاضنه إياهم هي أيضا، متحدثة بهدوء:
-قوليلنا عن إللي مخوفك يا "لينا"، إتكلمي يمكن نلاقي معاكي حل، قوليلنا على إللي مخوفك وإللي واخد تفكيرك، قوليلنا على إللي مضايقك ومبيخلكيش تنامي من كتر التفكير.
أنت تقرأ
خطأ محبب
Romanceأخطاء الآباء يقع بها الأبناء، و لكن يبدو أن الخطأ متوارث، فهو خطأ مُحبب. "الجزء الأول" حملت بها والدتها في الوقت الخطأ، كان إنجابها خطأ، حياتها الجنونية مليئة بالأخطاء، حتى عندما وقعت في الحب وقعت مع الشخص الخطأ في الوقت الخطأ ولكنها لم تبالي في نها...
