အပိုင်း ၃၃၃ : ကျုပ်က ရင်ဆိုင်ချင်တဲ့ အချိန်မှာ ကပ်ဘေးနဲ့ ရင်ဆိုင်မယ်
ရှောင်ပုတန်လေး၏ အကြံပြုချက်အား၊ ဇူရီသည် ပြုံး၍ပင် လျှစ်လျှူရှုထားခဲ့လိုက်သည်။ မဟာချင် အင်ပါယာမှ ကျင့်ကြံသူ အားလုံးကလည်း နှုတ်ဆိတ်နေခဲ့သည်။
"ရဲဘော်ရှီ၊ ကျေးဇူးပြုပြီး ကြွပါ" ဇူရီသည် လက်နှစ်ဘက်အား ဆုပ်လိုက်ကာ ရှီရှင်းယွမ်အား အနည်းငယ် ဦးညွှတ်လိုက်သည်။ ပြီးတာနှင့် ပုန်းကွယ်နေသော နဂါးချောက် အတွင်းသို့ ဖြည်းညင်းစွာ လျှောက်သွားခဲ့လေသည်။
ရှီရှင်းယွမ်၏ အကြည့်တို့မှာ ရှောင်ပုတန်နှင့် သူ၏အကြားတွင် ရွှေ့ပြောင်းနေ၏။ ချက်ချင်းဆိုသလိုပင် သူမ၏ မျက်နှာတွင် အပြုံးတစ်ခု ဖူးပွင့်လာခဲ့၏။ သူမ၏ခေါင်းကို ခါလိုက်ကာ ပြောလိုက်သည်။ "ဒီအဆင့်မှာ ကျွန်မ အရှုံးပေးပါတယ်"
ထိုစကားများအား ကြားရသောအခါ၊ ပရိသတ်များ အားလုံးတို့သည် အံ့အားသင့်သွားကြသည်။
ဇူရီသည် အလွန့်ကို အစွမ်းထက်မှန်းကို အားလုံးက သိထားကြသည်။ သို့သော်လည်း ရှီရှင်းယွမ်၏ စွမ်းအားများနှင့် ဆိုလျှင်လည်း၊ သူမတွင် အခွင့်အရေး ရှိသည် ဖြစ်၏။ သူ့အား အလွယ်တကူ အရှုံးပေးလိုက်ခြင်းမှာ အံ့ဩတုန်လှုပ်ဖွယ် ကောင်းလှ၏။
အားလုံးကို ပို၍ခံရခက်စေသည့် အချက်မှာ၊ ရှီရှင်းယွမ်၏ အရှုံးပေးလိုက်ခြင်းသည် ဇူရီအား ဖိုင်နယ်သို့ ပို့ပေးလိုက်သည်နှင့် တူနေ၏။ ဖိုင်နယ်တွင် သူနှင့်ပြိုင်ရမည့် ပြိုင်ဘက်မှာ ရှောင်ပုတန်ပင် ဖြစ်၏။ အခြေခံအုတ်မြစ် အဆင့်မှ ပြိုင်ပွဲကဲ့သို့ပင်၊ အံ့ဖွယ် ကောင်းကင်ဘုံဂိုဏ်းသည် ချန်ပီယံ ဆွတ်ခူးနိုင်မည်မှာ သေချာနေပေသည်။
ရှောင်ပုတန်နှင့် ဇူရီ မည်သူပင် နိုင်သည်ဖြစ်စေ၊ အံ့ဖွယ် ကောင်းကင်ဘုံဂိုဏ်းသည် ဗိုလ်စွဲမည် ဖြစ်သည်။ နောက်ထပ်တစ်ခါ အံ့ဖွယ် ကောင်းကင်ဘုံဂိုဏ်းသည် ဤစိတ်ဝိညာဉ် အစည်းအဝေးအား၊ အချင်းချင်း ယှဉ်ပြိုင်သော ပြိုင်ပွဲအသွင် ပြောင်းခဲ့ပြန်ပေပြီ။ အခြေခံအုတ်မြစ် အဆင့်မှ ပြိုင်ပွဲထက် ပို၍ ကသိကအောက် ဖြစ်စေသည့် အချက်မှာ၊ အံ့ဖွယ် ကောင်းကင်ဘုံဂိုဏ်းမှ တပည့်နှစ်ယောက်သာ ဝင်ပြိုင်ပြီး၊ နှစ်ယောက်စလုံးတို့သည် ဖိုင်နယ်သို့ တက်ရောက်နိုင်ခြင်း ဖြစ်သည်။ အခြား ပြိုင်ပွဲဝင်တို့မှာ ခွက်ခွက်လန်အောင် ရှုံးခဲ့ကြပေသည်။
VOUS LISEZ
ဂန္တဝင်ဂိုဏ်းချုပ် အတွဲ(၃) Unicode
Aventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
