The Red Thread: Until We Meet Again (မြန်မာဘာသာပြန်)

ရွေးချယ်မှု

အပိုင်း ၂၀

'အင်း အမေ... အမေ ထိုင်းကို ပြန်လာမှာလား'

Video Callပြောနေတဲ့အချိန်မှာတောင် သူ့ရဲ့အသံက လုံးထွေးနေသည်။ ဘာလို့လဲဆိုတော့ သူက တက်ပလက်ကို အိပ်ယာဘေးနားမှာထားပြီး ခေါင်းအုံးထဲသို့ သူ့ရဲ့မျက်နှာကို နှစ်ထားကာ စကားပြောနေတာကြောင့် ဖြစ်သည်။ အခုက တော်တော်ညနက်နေပြီဖြစ်တာကြောင့် Phamသန်းလိုက်မိသည်။ မျက်လုံးတွေက အိပ်ချင်မူးတူးဖြစ်နေကာ အိပ်ယာတွေကို ပွသွားအောင် ဖွလိုက်သည်။

'အမေလာမှာလေ... New Yearပြီးသွားရင်ပေါ့... ဘယ်လဖြစ်မလဲဆိုတာတော့ အမေ မသေချာသေးဘူး'

အမေက ပြောနေရင်းနဲ့ဘဲ ရှာနေတဲ့အရာကို ရှာမတွေ့နိူင်ဖြစ်နေတဲ့ သူမရဲ့သားငယ်လေးအတွက် အဝတ်တွေကို ဖယ်ပေးလိုက်သည်။

'သားတို့ရဲ့အဘိုးက နေမကောင်းဘူးလို့ အမေကြားတယ်။ နောက်တစ်ခေါက်လောက်တော့ သွားလည်ချင်သေးတယ်'

'ဟင်... အဘိုး...'

ဒီအချိန်မှာတော့ ကောင်ငယ်လေးရဲ့မျက်လုံးတွေက ပြူးကျယ်သွားသည်။ တကယ်တော့ သူ့မှာ အဘိုးရှိတယ်ဆိုတာ သူ သိနေပြီးသား...

'ဟုတ်တယ်လေ... သားရဲ့ဦးလေး ခေါ်နေတာ... စိတ်ရှုပ်ခံမနေနဲ့ သား... သားအဘိုးနဲ့ သားနဲ့ နောက်ဆုံးအကြိမ်တွေ့တုန်းက သားက နှစ်နှစ်ဘဲရှိသေးတယ်လေ... Phoomတောင် မမွေးရသေးဘူး'

ဟင်... Phamက မျက်ခုံးတွေကို ကြုတ်လိုက်မိသည်။ သူ့ရဲ့ သွေးတော်သားစပ်တဲ့ဆွေမျိုးတွေက ထိုင်းနိူင်ငံမှာ ရှိနေသေးတယ်ဆိုတာကို သိလိုက်ရတဲ့အခါမှာ ထူးဆန်းနေသလို ခံစားလိုက်ရသည်။ သူ သူ့အဖေဘက်က ဆွေမျိုးတွေနဲ့ တစ်ကြိမ်တစ်ခါတောင် မတွေ့ခဲ့ရတာကြောင့် သူတို့က အဖေ့ဘက်က ဆွေမျိုးတွေဖြစ်လိမ့်မယ်လို့ မတွေးထင်ခဲ့တာ... အဖေ့ရဲ့ဈာပနာကိုတောင် တစ်ယောက်မှ ရောက်မလာတာကြောင့် အဖေ့ဘက်မှာ ဆွေမျိုးတွေ မရှိဘူးလို့ သူ့ကို ထင်အောင်လုပ်နေသည်။

(ထိုင်းဘာသာမှာ 'အဖေ့ဘက်က အဘိုး'(ปู่)နဲ့ 'အမေ့ဘက်က အဘိုး'(ตา)ဆိုပြီး နှစ်မျိုးကွဲပါတယ်။ အခု Phamအမေပြောသွားတာက 'အဖေ့ဘက်က အဘိုး'(ปู่)အသုံးကို သုံးသွားတာပါ။ အဲ့ဒါကြောင့် Phamက အဖေ့ဘက်က အဘိုးမှန်း တန်းသိသွားတာပါ)