Part (13)
** ဒေါက် ဒေါက် ဒေါက် **
ရေပတ်တိုက်ထားသော ဇလုံကို လာယူသော သူက တံခါးခေါက်လာသည်ကြောင့် တံခါးဖွင့်ကာ လှမ်းပေးလိုက်သည်။
“ နေဦး! စောနက စွပ်ပြုပ်လုပ်ခိုင်းတာ ပြီးပြီလား ”
“ ပြီးပါပြီ ဆရာ ”
“ နွေးနေအောင် လုပ်ထား Byunနိုး လာရင်တိုက်ရ အောင် ”
“ ဟုတ်ကဲ့ ”
မှာစရာရှိတာ မှာပြီးနောက် တံခါးကိုပြန်ပိတ်လိုက်ကာ မွေ့ယာထက်က စောင်ပုံလေးဆီသို့ ပြန်သွားလိုက်သည်။
မှေးစက်နေတဲ့ သူ့ရဲ့ မျက်ခွန်မို့မို့လေးတွေက မျက်တောင်စိပ်စိပ်တွေနဲ့ လိုက်ဖတ်ညီစွာ လှပနေပေမယ့် အိပ်နေရင်းတောင် တွန့်ချိုးထားတဲ့ မျက်ခုံးတွေက အလိုမကျမှုကို ပြသနေပါသည်။
ငိုထားတာကြောင့် ချောင်ကျနေတဲ့ မျက်နှာလေးက ဖြူဖတ်ဖြူရော်နှင့် သွေးရောင်လွှမ်းမနေချေ !
Lee Eunmi...... မင်းကြောင့်နဲ့ ငါ့အချစ်ပင်ပန်းခဲ့တာ တွေ့သလား ?? အချစ်ပင်ပန်းရတန်အောင် မင်းကတော့ ထာ၀ရပျောက်ကွယ်ပေးရမှာပေါ့....
ကိုယ့်ကြောင့်နဲ့တော့ မင်းမပင်ပန်းစေရပါဘူး..... ချစ်သူ...... အင်း......... ကိုယ့်စကားနားထောင်ရင်ပေါ့ !!
“ အင်း........”
အိပ်နေရင်းက တစ်ချက်တစ်ချက် ထွက်လာတဲ့ ညုတုတု အသံလေးကလည်း မပြောင်းလဲစွာပင် အသည်းယားဖို့ကောင်းနေတုန်း ...... !
အရင်အကြောင်းတွေ ပြန်တွေးမိရင် တမလွန်က Lee Eunmi ရဲ့ ဝိဉာဉ်ကိုတောင် ချုပ်နှောင် ထားချင်မိလောက်အောင် ဒေါသထွက်မိပါသည်။
“ အင်း..........အွန်းးးး ”
စောင်ပုံထဲက လှုပ်ရွလာတဲ့ ကောင်လေးကြောင့် Chanyeol ထိုကောင်လေးရဲ့ နဖူးပေါ်က ဆံပင်လေးတချို့ကို သပ်တင်ပေးလိုက်သည်။
“ Byun ! ”
နှုတ်မှ အမြတ်တနိုးခေါ်လိုက်တာကြောင့် ထိုကောင်လေးရဲ့ မှေးမှိတ်ထားတဲ့ မျက်လုံးတွေ ဆတ်ခနဲ့ ပွင့်လာသည်။
“ ဟင်? ခဗျားးး !! ”
“ Byun သက်သာလား ခေါင်းကိုက်နေသေးလား ”
YOU ARE READING
𝗦𝗮𝗯𝗼𝘁𝗮𝗴𝗲..!! (U+Z) Completed
Fanfictionမှင်တစ်စက်စွန်းနေတဲ့ စာရွတ်အဖြူကို လိုက်ပြပြီး ဘာမြင်လဲမေးရင် လူတွေက အမည်းစက်တစ်စက်လို့ပဲ ဖြေကြလိမ့်မယ်...! ဧရိယာများများရှိ နေတဲ့ အဖြူရောင် ကို သူတို့မမြင်ကြဘူး...! အဲ့တော့ စွန်းနေတဲ့ မှင်တစ်စက်ကို လိုက်ပြီး စာလုံးတွေနဲ့ ဖြူနေတဲ့ စာရွက်အနှံ့ ရေးခြ...
