𝗦𝗮𝗯𝗼𝘁𝗮𝗴𝗲..!! (U+Z) Completed

💥 6 💥

Part 6

Seoul မြို့ရဲ့ လူသူမဲ့နေတဲ့ လမ်းကြားတစ်ခု..!!

ထိုလမ်းကြားထဲမှ Hoodie အမည်းကို ၀တ်ဆင်ထားပြီး ဦးထုပ်ကို ငိုက်စိုက်ဆောင်း ထားတဲ့ လူတစ်ယောက်ကတော့ လက်ကြားထဲမှာ စီးကရတ် တစ်လိပ်ကို ညှပ်ထားလို့.....!

စူးရှတဲ့ မျက်လုံးများကတော့ နေရာတိုင်းကို လိုက်လံ ကစားလို့နေသည်။

“ Chanyeol ah.. ထွက်လာပြီတဲ့ ”

ထိုစဉ် နားထဲမှာ ထည့်ထားတဲ့ Bluetooth မှ တစ်ဆင့် သတိပေးသံကိုကြားလိုက်ရသည်။

“ အင်း။ ငါရောက်နှင့်နေပြီ ”

Chanyeol ပါးစပ်လေး လှုပ်ရုံပြန်ဖြေလိုက်ပြီး ကုန်ခါနီး ဆေးလိပ်တိုလေးကို တစ်ချက် ဖွာလိုက်ကာ ‌မြေပြင်ပေါ်သို့ ပစ်ချ၍ တတ်နင်းလိုက်သည်။

ထို့နောက် မီးသေသွားသော စီးကရတ်ကို ကြည့်ရင်း အတွေးတချို့ က ခေါင်းထဲ ၀င်ရောက်လာတာကြောင့် တည့်တန်းနေတဲ့ မျက်ခုံးတစ်စုံကို တွန့်ချိုးမိလိုက်သည်။

အပြုံးး...!! အရင်က ချိုမြိန်လွန်းခဲ့တဲ့ ကိုယ့်အတွက် အပြုံးတွေဟာ အခုမှာတော့ သူစိမ်းဆန်သွားခဲ့ပြီ။

သူ့ဆီက အပြုံးပါပဲ.........
ကိုယ့်ကိုယ် ပြုံးပြတဲ့ အပြုံးတွေပါပဲ......
သို့သော်......ကိုယ်နှစ်သက်ခဲ့တဲ့ အပြုံးတွေတော့ မဟုတ်ပါ။

ဘာမှ မဖြစ်ခဲ့သလိုမျိုး နှုတ်ဆက်တဲ့ သူစိမ်း ဆန်‌ဆန် အပြုံးတွေ......
ဒီအပြုံးတွေကို သိပ်မုန်းသည်။

**တောက်**

Chanyeol တောက် တစ်ချက်ခေါက်လိုက်ကာ နောက်ကျောမှီထားသော နံရံကို ခေါင်းနှင့်နောက်ပြန်စောင့်လိုက်သည်။

ထို့နောက် Sehun ပြောဖူးသော စကားကို တဖန်အမှတ်ရမိသေးသည်။

“ မင်းသူ့ကို မှတ်မိအောင် အတင်းလုပ်မယ်ဆိုလည်း ဟိုက မင်းကို ပိုမုန်းသွားဖို့ပဲရှိမယ်။ မမှတ်မိတဲ့အတူတူ မင်းသူ့ကို လူသစ်တစ်ယောက်အနေနဲ့ လိုက်ကြည့်ပါလား ”

အစက Hyuniee ရင်ထဲမှာ ကိုယ်အမြဲရှိနေရ မယ်ဆိုတဲ့ အတ္တကြောင့် Sehunရဲ့ အကြံကို သဘောမတူချင်ခဲ့ပေမယ့် အခုတော့ အဲ့လိုလိုက်လုပ်မှပဲ ရတော့မည်ထင်သည်။