𝗦𝗮𝗯𝗼𝘁𝗮𝗴𝗲..!! (U+Z) Completed

💥 2 💥

Part - 2

ပင်လယ်ပြင်ရဲ့ လှိုင်းခတ်သံက သဲသောင်ဖုံးတဲ့ ကမ်းခြေအနီး ကျယ်လောင်စွာထွက်ပေါ်လို့..!

လေအဝှေ့တစ်ချက်မှာတောင် လွင့်သွားခြင်းမရှိတဲ့ ပန်းရောင် ဆံနွယ်တွေက ဂျယ်နဲ့ သပ်ရပ်စွာ လှန်တင်ထားလို့ဖြစ်ပါလိမ့်မည်။ သို့သော် အနားက ကောင်လေးတစ်ယောက်ရဲ့ ဆံနွယ် နက်နက်တွေကတော့ လှုပ်ခါလို့ပေါ့...

“ မင်းအထက်တန်းအောင်ပြီဆိုတော့ ဘာလုပ်ဖို့ စိတ်ကူးထားလဲ ”

Chanyeol ရဲ့ အမေးကြောင့် ဘေးနားက Luhan က ခပ်ရဲ့ရဲ့လေးပြုံးလိုက်သည်။

“ ကျတော့် စိတ်ကူးဆိုရင်တော့ တက္ကသိုလ် တတ်ချင်တာပေါ့။ ဒါပေမယ့်လည်း ကျတော့်လို မိဘမဲ့တစ်ယောက်က ဘယ်ကအထောက်အပံ့နဲ့ များ ကျောင်းတတ်ရမှာလဲ။ အထက်တန်းအောင်ဖို့အတွက် ဂေဟာကနေ ယူတဲ့ အကူညီတောင် တော်တော် များနေပြီမလား ..! ဟူးးး မွေးစားမယ့်သူကလည်း မရှိတော့....”

ရှည်လျားတဲ့ စကားတစ်ခွန်းကို သက်ပြင်းချ ညည်းတွားသံ တချို့နဲ့ အဆုံးသတ်လိုက်တဲ့ Luhan က ဂျယ်ဂျူဒိုရဲ့ ချို့တဲ့ တဲ့မိဘမဲ့ဂေဟာက ကောင်လေးတစ်ယောက်ပါပင်..!

“ အဲ့တော့ မင်းက ဘာဆက်လုပ်မှာလဲ ”

ကမ်းစပ်ရဲ့ သဲသောင်ပြင်တွေကို တိုက်စားသွားတဲ့ ပင်လယ်ရေတွေအား တစ်ချက် ကြည့်ရင်း Chanyeol ထပ်မေးလိုက်သည်။

“ ဂေဟာကနေ ထွက်ဖို့လုပ်မယ် ပြီးရင် အလုပ်၀င်လုပ်မယ် ရတဲ့ ပိုက်ဆံနဲ့ ဂေဟာကို နိုင်သလောက် ပြန်ထောက်ပံ့မယ်... စစချင်းတော့ မတတ်နိုင်ပေမယ့် အချိန်တစ်ခုကြာရင်တော့ တတ်နိုင်မယ်ထင်တာပဲ ”

ထိုကောင်လေးရဲ့ အဖြေကို သိပ်သဘောမကျဟန် မျက်မှောင်ကျုံ့လိုက်ပြီးတော့မှ Chanyeol ထပ်မေးလိုက်သည်။

“ မင်းရဲ့ ရည်မှန်းချက်ကရော ဘာလဲ ”

“ ရည်မှန်းချက်ကတော့ ကိုရီးယားတက္ကသိုလ် မှာ ကျွမ်းကျင်အောင် သင်ယူတတ်မြောက်ပြီး ကိုရီးယား ဘာသာကို နိုင်ငံခြားအထိ သူများတွေကို သင်ပေးချင်တာ..! ဒါမယ့်လည်း ကျတော့်အခြေအနေက မဖြစ်နိုင်ပါဘူးလေ ”