ام مشعل : الله يعوضس ياجود
جود بقهر : وشو يالخاله ولدس يخطب ويفصخ بنات الناس موب لعبه عنده
ام بندر : هذا الي كاتبه ربس
جود : دقي على امي بروح
ام بندر : اطلعي برا مابه زود تغطيه
جود اخذت جوالها وطلعت
ريفان وكانه هم ونزاح منها ومحد قد روقانها وفرحتها والبنات موب اقل منها
ريفان : روحه للديره وبدون جود يالبيييهه
الجده : علامس يابنت المفروض انس تضيقين عرس اخوس ماعاد به عرس
ريفان : بنفتك من ام شعر طاير
الجده : عيبب عليس وقومي شوفي شغلتس
ريفان : ابشري وقامت
تغدو وفرشو بوسط المزرعه وميرال وقصي يلعبون بالتراب
الحريم على جمب ومتغطيات كلهم بالجلال والرجال بالجهه الثانيه
ونايف يصب الشاهي والنار قايمه وهواء بارد يروح ويجي
الجد : جعلنا نصبها لك بعرسك
نايف : امينن
الجد : كان مير تبيها من الله
نايف : لا لا ياجد فكني
الجد طالع يزيد وفهمه
يزيد : انا بخطب الريم على سنه الله ورسوله
الكل انصدم وماتوقع يزيد
الحريم يباركون وفرحه ام بندر ماتنوصف والريم تطالع يزيد وتكشر
الجد بصوت عالي شقلتي يالريم
الريم : الشور لك يابوي
الجد : اجل مبروك ياوليدي
البنات يحضنون بعض وفرحتهم ماتنوصف والعيال بعد
الجده : علامس يابنيتي
الريم : مابه شي ياجده
الجد : الملكه هنا والزواج بالديره ولا يايزيد
يزيد : مالنا كلمه عليك ياجد
الجد : قومو جهزو للصلاه يلا بياذن
قامو يتجهزون وتجمعو وكان الجد الي يصلي فيهم
