اسفين على القطعه بس راجعه وبقوه🌚.
وصلو بعد نص ساعه والكل يرحب فيهم كالعاده
الجده وهي تدخل : بيتي ذا المره نظيف
ام مشعل : اي يايمه يوم جينا نروح سكرنا كل شي
ام الواليد : الوطايات فادت والله
ام بندر : اي والله وانا اختس صار لها فايده
الجده : الله يجزاكم خير يابنياتي
روان وهي داخله وماسكه قلبها تبي تتنفس
الجده بخوف وبفجعه : وشفيتس يالمطيوره
روان بتقطع بالكلام : مناف معه حشره
الجده وهي بترفع عصاتها الا روان تجي وراها ومناف قدام الجده
روان : يييممه نوره شوفييه تكفيينن
الجده : الله يجدعكم
مناف : يمه هي الي جاتني اول
روان : لاا والله من الي يقول جيبي لي مويه
مناف : مويه منها تكسبين اجر ومنها تنحفين
روان وهي تتهزء فيه : تنحفيينن اقول بس روح مناك
الجده : خذو عيالكم لا اتوطى فيهم
ام الواليد : روان يالخبله وخري عن جدتس
مناف : ههههههههههه يلا يالخبله وخري
روان وهي ترمي عليه شبشبها : يلا رح لا يكرشك جدي
مناف : روانوه
روان : اولاً اسمي روان ثانياً نعم
مناف : نعامه ترفستس يالخبله
الجده وهي ترمي عليه المنديل : انقلع عاد كل شي ولا روان يلا طس
مناف : افا يا ام طلال
الجده : بيرفع ضغطي هو
مناف : هههههههههههه يلا مع السلامه
روان : كفو ماما نوره عليتس فيه
الجده : وانتِ بتنجلدين بس خلني ارتاح
روان راحت وهي تضحك ودخل بعدها بهاج بعد ماراحو حريم اخوانه
الجده : ياهلا بوليدي
بهاج ببتسامه : هلابتس يايمه وانسدح على رجلها
الجده : شفيك يابعد روح امك
بهاج : راحت مني
الجده : النصيب يايمه النصيب وانت بتتزوج بعد كلن بيشوف نصيبه
جاء الجد : علامك
بهاج فز : مابوه شي
الجد : وراك مارحت المحل
بهاج : بروح الحين
الجد : واذا جيت ترجع مر عمك شف وش ناقصه
بهاج : ابشر
طلع بهاج وراح المحل وبطريقه قابل ضاحي واحد من عيال الحاره
ضاحي : يامرحبا بالقاطع
بهاج بضحكه : ههههههههههههه ياخوي اشغال الدنيا انت الي وينك بعرس يزيد
ضاحي : صارت مشاكل مع الاهل ولا قدرت والله
بهاج : افا سلامات
ضاحي : يسلمك
بهاج : تساريني المحل
ضاحي : لا والله ياخوك بروح لا ابوي بشوف اغراضه ويمكن بعد اذان المغرب بمرك
بهاج : الله يحيك بأي وقت
ضاحي ابتسم له وكمل طريقه
قصي وهو يركض لا بهاج
قصي : عمو بهاج وقفف
بهاج لف بروعه : وشبك ياورع
قصي وهو يلتقط انفاسه : بجي معك
بهاج : خبل انت ليه تركض كذا
قصي : هههههههههه عشان اوقفك
بهاج : لاعاد تسويها
قصي : عمو بهاج تكفى تكفى
بهاج : ها حبيبي ايش تبي؟
قصي : ابي البقاله بشتري لي ولـ ميرال
بهاج : وتشتري لميلا وليان وليليان؟
قصي : لا بس لميرال
بهاج بصوت مبحوح يتميز بهبّيته : قصي!
قصي : بس عمو
بهاج : لا بس ولا شي
مناف وهو جاي : ارحب
بهاج : البقى
مناف : على وين
بهاج : اتسوق يعني ذا طريق ويش
مناف : هههههههههههههههههههههه شكل النفسيه مُش ولا بد
بهاج : يرجال وخر
مناف : عمي ويينن طاييش مره
بهاج : اي مشاءالله الله يهنيهم
مناف : عاد اديم تستاهل
بهاج : ماخذت الا ذا النعيمه
مناف : صادق ابراهيم خبل بس عسى الله يسخره لها
بهاج : امسك المفتاح افتح المحل وبروح اشوف ابو عواد
مناف : وش عنده
بهاج : يقول قصي يناديك اليوم وكان ضايق
مناف : اجل رح له وبجلس لين تجي
بهاج : تمام وراح
ابو عواد : ياهلا بوليدي
بهاج ببتسامه : ياهلا ياعم امر
ابو عواد : ناديتك يابوي ابيك تحمل معي طاح كتفي والله
بهاج : ابشر ياعم ماطلبت شي بس غريبه ماقلت لقصي
ابو عواد : يابوك شفته ياكل ومعه بزرين مابيه اتعبه
بهاج : افا عليك ياعم انت بحسبه ابوه كان ناديته
ابو عواد بضحكه : معليه يابو رعد
بهاج بدا يشيل الاغراض : الايقول لي قصي ان وجهك الظهر ضايق علامك ياعم
ابو عواد : والله يابوك تعرف اشغال الدنيا وانا كبير والمره كبيره ومحد بالبيت ومحد ينضفه وانت تعرف مابه شغالات بالديره
بهاج : افا ياعمي وبنات اخواني وين راحو
ابو عواد : لا والله ياوليدي اشغلهم بعد
بهاج : ياعم مابه شي وانت ابوي ولو تبي عيوني فداك
ابو عواد : الله يخليك لي ولا يحرمني من زولك
"(ملاحظه ابو عواد من شياب الديره وقريب من بهاج مره وبهاج قريب منه كثير ويعرف كل شي عنه وعنده بنت وحده ومتزوجه وساكنه برا السعوديه ")
بهاج : امين يابوي
ابو عواد : وانت علام وجهك متغير
بهاج : لي عدة ايام متعُومس ولانمت زين
وليا اقبل الليل زاد الهم بين الضلوعَ
في خاطِري شي مدري شوق ولاحَنين
ماباقي الا اردِف الونه واهل الدموع
الانتظار المطوّل يتعب العاشقين
والبعد قتال وظروف الليالي ترَوع
ماني بخايف من العَذال والحاسدين
خايف من الغيبه اللي مابعدها رجُوع "
ابو عواد : افا يابوي علامك
بهاج : مادريت ياعمي
ابو عواد : لا بس انه باين انه شي كايد
بهاج : ادخل ياعم الشمس ذبحتك
ابو عواد : ماراح تمرح الا لما اخذ علومك
بهاج : ابشر بس ادخل وبكمل عزبتك وبجيك
ابو عواد : انتبه عن الشوك يابوي
بهاج : ابشر
قصي وهو جاي : بهااج
بهاج : سم
قصي : ابوي رعد يقول بنطلع العزبه
بهاج : متى
قصي : المغرب ويقول ناد ابو عواد وعمي ابو اديم
بهاج : قم قل عمي وابو عواد بقوله وعطاه عشره جب من البقاله بسكوت لميلا وليان وليليان والباقي خله معك
قصي : عمو بس عشره وش باقي
ابو عواد وهو يضحك : تعال ياوليدي وعطاه عشرين
قصي باس راس وراح يركض
بهاج وهو ينفض يده : ياعم بنروح الخيمه وتراك معنا
ابو عواد : بس مو كانه سحاب
بهاج : شسوي بابوي من اليوم اقوله سحاب واضح انه بيجي مطر قوي بس تعرف ابوي
ابو عواد : ان شاء الله ياوليدي وتعال قل لي وش علامك
بهاج وهو يجلس جمب ابو عواد : مادريت ياعمي عن محبوبه بهاج بتتزوج؟
ابو عواد : الا والله يابوي دريت من وقبل شايل همك بس صدقني النصيب وانت الله بيكتب لك النصيب مع غيرها وماتدري وش خيره ربي فيه كل شي وفيه خيره وانا عمك هذاني كنت احب ام عواد يابوك واخذتها بعد ماتزوجت وتطلقت مرتين بسبب ابوها
بهاج وهو يمسح وجهه بشماغه : الله يكتب الخير
ابو عواد : بروح اشوف ام عواد ولا اذن المغرب جيتكم
بهاج : جب امي ام عواد معك
ابو عواد : ان شاء الله ودعتك الله وراح
رجع قصي : عمو انت زعلان مني
بهاج وهو يداعب شعره : وليه ازعل يابابا
قصي : ماعرف مد يده وعطاه بسكوت
بهاج باسه بخده : يزين الي يعرف وش احب
قصي وهو يضحك : يلا بنروح البيت
بهاج : رح شف اذا عند مناف زباين اشر لي وانا بجيك واذا ماعنده رحنا
قصي : ابشر وراح يركض وبيده كيسته وبعد اقل من خمس دقايق اشر لبهاج وجاه
مناف : وين الي بيجيني صارلك ساعتين
بهاج وهو يضحك : اذا رحت لا ابو عواد مستحيل ارجع
مناف : ياحليله شفيه ضايق
بهاج : يقول اشغال الدنيا
مناف : الله يسهل له
بهاج : جاك احد
مناف : اي جوني ماعرفت احاسب
بهاج : ماش وين العيال
مناف : جدي ماسكهم يجهزون العزبه
بهاج : اجل نطلع ماعاد باقي الا يمكن ربع ساعه وياذن المغرب
مناف : يلا
