بعد وقت من التنضيف وكانو مقسمين الشغل عشان يخلصون بسرعه ويجلسون .
داليا : وينها اديم ماجات غريبه
امل : قالت بجي بس بخلص شغل البيت
ريفان : زين وسمو
روان : جايه
الريم كانتت متحمسه تشوف سمو وسمو بعد
بعد نص ساعه دخلت سمو وهي شايله بنتها النايمه على كتفها فزو البنات وهم يسلمون عليها بحراره والريم بعد وكانها تعرفها
"عند الرجال "
ابو اديم : عشاك يابو طلال انت والعيال عندي الليله وقل تم
ابو طلال كان بيحلف بس سبقه ابو اديم ووافق
اذن المغرب وقامو الكل يتجهزون عشان يروحون لا ابو اديم طبعا العيال وكالعاده راحو لبيت ابو اديم وهم يجهزون عنه وهذا كله بأمر من ابو طلال وبدو الرجال يجون وكانت البوابه حقت ابو اديم مفتوحه والكل يرحب بجيه ابو طلال وعياله وعيال عياله الي الكل يتكلم عن تربيتهم وكيف فازعين عن ابو اديم الي ماعنده عيال بس رزقه بعيال واحفاد ابو طلال
جات اديم عند البنات ومعها امها واجتمعو الحريم ببيت ابو طلال اديم دخلت بشوق لهم وهي تحضنهم ومن ضمنهم الريم الي تقبلتها وارتاحت لها
اديم : وينكم ابطيتو اشتقت لكم يالحمير
داليا بضحكه : وثقو وثقو التاريخ اديم تشتاق لنا
امل : اي والله
طنشتهم اديم بتعمد وهي تلف على الريم : شلونتس يابعدهم
روان : الله يالدنيا انسحب علينا الحين؟
اديم : يختي وخري وخالتي وينها
ريفان : اذا قصدتس امي نوره فا هي بالحوش مع الحريم واذا قصدتس امي فا هي بعد بالحوش
اديم وهي تقوم : يليل مطولك دام ريفان مسكت خط واحد ضحكو كلهم وهم يحبون روح اديم الي تضحك الكل ومستحيل تشيل بخاطرها على احد ودايم حركيه والجده تعجبها لانها مو نفس البنات اذا قالت لهم شي تكاسلو ومو كل الوقت بس بعض الاحيان ينكرفون بسبب بيت ابو طلال الي دايم مفتوح والرجال خذوها روتين قهوه العصر عند ابو طلال
