البارت قليل بس كان ودي اكمله ونزلته وبكمله اذا صحيت ان شاء الله
قراه ممتعه واعتذر اذا فيه جراء..
-
وصلو ودخلو يزيد والجد وابو اديم وابو بندر وبهاج على الريم سلمو عليها واخذو صوره معها
الجد : بسم الله مشاءالله عليتس يابنيتي
الريم ابتسمت بتوتر
بهاج : العبب يالكشخه ماعرفتس
الريم : هههههه يابعد قلبي والله
ابو بندر : عرف يختار وليدي والله
ابو اديم : ذوييق الورع
الكل : ههههههههههههههههه
صورو معها وطلعو وباقي يزيد بس باس راسها وراس امه والجده وباركو له وطلعو ودخلت ريفان وميرال
ريفان : اطلق عرسان والله
يزيد وهو يحضنها : يعيون اخواتس انتِ
ميرال : الريم حلوه مره
يزيد : شفتي مزه
ميرال : تجي بيتنا وتنام عندي صح
يزيد : هيه ذي تبي تحجزها من الحين حبيبتي ذي زوجتي لحالي
ميرال : لا الريم تنام معي وبغرفتي
يزيد : لا لا حقتي
ميرال : الريم شوفيه
الريم : يعيون الريم انام عندتس واجيب لتس شوكلت واخذتس معي ونسحب عليه معليتس منه يقول كلام بس
ريفان : عطتك سكب من الحيينن هههههههههههه
دخلت جود بفستانها القصيره والفاتن جداً والميكب حقها ثقيلل مره شهقت ريفان لما شافتها تحضن يزيد
يزيد بعدها عنه بدون ماتنتبه الريم انه بعدها تجمعت الدموع بعيونها
جود بدلع وتصنع : كاشخ حبيبي مبروك وعقبال الثانيه وغمزت باسته بخده وطلعت
ميرال يوم جات تطلع جود مسكت فستانها وانشق نصه عطته نظره وطلعت
يزيد توتر من دموع الريم جات المصوره وطلعو ميرال وريفان بعد ماحضنو اخوهم
صورتهم المصوره وكانت تطلب من الريم حركات تنرفزها
همس يزيد : هشش بلا دموع وكملي
بعدت الريم : خلاص شكرا تكفي
المصوره : تبين ثمان صور؟
الريم بعصبيه : ماتفهمين خلاص
المصوره: ماخذه هالزين ومعصبه؟
يزيد : من ذوقتس شكرا وماقصرتي وطلعت المصوره
انتظرتس بالسياره وطلع
جو البنات يودعونها بدموع ويلبسونها ودعتهم وطلعت وهي ماسكه العبره وبتموت من جهه امها وابوها وجود والحين المصوره ساعدتها العامله وهي تركبها ومشى يزيد
يزيد : ادري ماسكه نفستس كثير بس لاتبكين الحين خليني استفرد فيتس وخذي راحتس بعدين
الريم : سااممج بزر
يزيد انفجر ضحك عليها وهي تبكي وصلو الفندق ونزلو
كانت الريم تحاول تفتح سحاب الفستان بس ماقدرت جاء يزيد: شفيتس
الريم بتوتر : مافيني شي
يزيد قرب وهو يلفها : اعرف ترا
توترت الريم واحمر وجها وهي ترجف
فتحه وهو يمّرر يده بكتفها بتدقيق ومركز بلونها الحلو مره باسها برقبتها وهو يدفن وجهه بشعرها ويستنشقه بحُب كبير رفع وجه وهو يناظر وجها المصدوم وهي واقفه بمكانها بدون اي حركه ضحك وهو يقول : خذي راحتس وطلع تنفست بقوه : الحمدالله يارب
غيرت فستانها ولبست قميص نوم بلون وردي فاتح ونعوم ومناسب عيونها الخضرا وبشرتها البيضاء الناعمه وعليه روب بنفس الون وقصير رفعت شعرها الطويل البني غامق بشكل عشوائي كانت نعسااانه بشكل وباقي كاتمه البكيه طلعت وكان يزيد لابس شورت وتشيرت ومنسدح ينتظرها جلست بالسرير بمسافه بعييدده عنه
يزيد : تراني ماكل
الريم : اسكت يابزر
يزيد : خلاص اسف
الريم بدموع : مشاءالله عاجبك حضنها صح؟
يزيد : حضن مافيه منه حضنن
الريم بكت وهي تشاهق وفز يزيد : امزح وربي امزح
الريم بشهقاتها : كذاب تحبها هي قالت يزيد بيتزوجوني بس لانه مغصوب
انصدم منها وحضنها وهو يشد عليها وهي تحاول تدفه : والله كل شي تقوله كذب وانا احبتس ومتزوجتس برضاي وقسم بالله الريم والله مابي غيرتس والله انتِ خبله مستحيل اتزوج غيرس
سندت راسها على صدره وشد عليها : امي ماشافتني بالفستان ابوي ماحققت له امنيته وشافني عروسه يزيد ماكانو معي والله اهخخ وقسم ابييييهممم معي وبجمبي وبحولي وشهقت
يزيد : يعيونه والله خلاص هدي تكفين بدا يمسح على شعرها ويقرا قران لما شافها هدت رفعها وكان جميله جميله جداً خشمها احمر وخدودها وعيونها المدمعه وشفايفها الي ترجف مسك يزيد وجها وهي يبوس********** حضنها كانت الريم ترجف بشكل مرعب وخايفه منه اول مره تشوفه كذا وكان وحش بالنسبه لها شد عليها يزيد : اسف بس فمك حلو شسوي؟ بكت الريم وهي خايفه اشش خلاصص اسف والله نامت بدون ماتحس ومسح دموعها وهو يثبتها بحضنه ودفن وجه برقبتها ودخل بنومه عميييققه جداً
