تفاعلو فييه اذا شفت تفاعل نزلت بارت ثاني 💙💙.
"يزيد والريم "
يزيد : سحاب
الريم : قبل شوي رش مطر
يزيد : تبين نطلع؟
الريم : اي
يزيد : وين
الريم : اي مكان
يزيد : قومي اجهزي والبسي لبس دافي
الريم : تم وقامت ويزيد راح يبدل لبسه
جهزو واطلعو بالسياره
يزيد : شوفي اليوم قمرا
الريم وهي تفتح الشباك ودخل عليها الهواء البارد
يزيد : سكري لاتمرضين
الريم : لا
يزيد : شقول
الريم : يزيد ياخي
يزيد وقف : بتمرضين وحنا باتسر بنروح الديره
الريم سكرته وصدت بزعل
يزيد : ياحبيبتي اسف
الريم ضحكت بضحكه مكتومه : تمام
يزيد : اي اضحكي ياصدفتي الحلوه
الريم نزلت راسها بخجل ولفت لشباك
"الديره بالخيمه الساعه 8 العشاء "
عند الرجال وتو بهاج يدخل وهو لابس ثوب كحلي وعليه فروته ولاف الشماغ على وجهه
ابو طلال : ياوليدي تاخرت علينا بالقهوه
بهاج : النار طفت علينا يايبه
ابو طلال : هين وبدا بهاج يدور بالقهوه على الكل
دخل ابو ابراهيم ووراه ابراهيم
ابو طلال : يامرحبا حياكم
بهاج وهو يهمس لبندر : ذا وولده من نادهم
بندر : جدي اكيد وشفيك
بهاج ترك القهوه وطلع
ابو طلال : علامه ذا
بندر قام يصب لا ابراهيم وابوه : راح لدوره المياه ( يكرم القارئ ) وبيجي
ابو اديم : شلونك يابو ابراهيم
ابو ابراهيم : طيب وانت شلونك
ابو اديم : بخير بخير
ابو بندر : عساك والم يا ابراهيم
ابراهيم : اي الحمدالله
ابو مشعل : الله يتمم عليكم على الخير
ابو الواليد : ماودكم نطلع بالثيل
ابو طلال الجد : يابوك ماكانه برد
بندر : ترشش
ابو طلال : قومو فرشو الزوالي خل المطر يطقنا
العيال قامو كلهم باقي بس قصي وجالس ياكل
ابو عواد : بهاج وجهه ماعجبني علامه
ابو طلال : ياخوي ذبحني ذا الولد من بد اخوانه جاي غريب
ابو عواد : انت لاتصير قاسي عليه
ابو طلال : هذول اخوانه قسيت عليهم وشفهم الحين
ابو عواد : زمن اخوانه غير وقتها مافيه نفس الحين
ابو طلال : يابو عواد بهاج غير غير وبس
ابو عواد : الله يعين يلا قومو فرشو
قامو الكل وفضت الخيمه ومافيها الا قصي ومنسدح على المركه
شاف حشره صغيره تمشي واخذها بيده وقام
قصي : ميرالوه تعالي شوفو معي هديه لتس
ميرال جات تركض : الله وريني
قصي فتح يده ونطت الحرشه على يد ميرال
ميرال صرخت وصارت تبكي وتنفض نفسها وقصي طايح بالارض يضحك
فز مناف من صراخ ميرال : ياورعه
ميرال وهي تبكي : عانه عانه
مناف قرب واخذ الحشره من على يدها ورمها على قصي
مناف : ورع انت متى بتعقل
قصي : اختك خوافه بس تبتسي
مناف : قصي اهجد
قصي : والله لا اعلم جدي
مناف : ورعع!!
قصي : مو عشانك عسكري تخوفني
مناف : مسكه من ثوبه وهو يرفعه
قصي : نزلني
ابو طلال من بعيد : مناف نزله يالخبل
مناف : خلّه يتأدب
ابو عواد : الله يهديك
مناف نزله وقصي يضحك وهو يضحك على ضحكه وميرال راحت من قبل
" بنص شوارع فرنسا بين المطر ينزل والهدوء يعم المكان وكان شارع طوييل يتميز بمحلات الورد المفتوحه على الشارع "
خالد لابس هاينك اسود وعلييه جاكيت طويل بُني ومع بنطلون اسود.
غلا لابسه بلوفر موفي ومن قدام مكتوب حرفها ويوم ميلاد اخوها " سياف " ولقنز اسود لتحت الركبه وكان شعرها على كتفها ويتطاير مع الهواء البارد
خالد ماسك يد غلا ويمشي وكل منهم لاهي بتفكيره قرصها خالد بخفيف : اللي شّاغل بالك ينتهنى .
غلا : ههههههههههههههههههه سيافوه
خالد : محظوظ
غلا طالعته : هممم خالد خل نشتري ورد
خالد : بس؟
غلا : اييه
خالد : عيوني لك سحبها وراح لمحل جمبه
غلا : ابي ابيض وموف
خالد بلغه الفرنسيه للموظفه : خمسه ابيض وثلاثه موف
غلا : لا كثير
خالد : انا ابي
غلا : بس كثير خمسه
خالد : لا
غلا : خالد ياخي
خالد بحّده : شقول حاسب واخذ الورد وطلعو
غلا : شوف حلوه
خالد : تشبهك
غلا : انننن وبدت تتمألها
خالد : عجبتك؟
غلا : اي
خالد : تدرين ضيعت بينكم
غلا : واضحه
خالد : ههههههههههههههههههه نروح البيت؟
غلا : لا المطر اول مره يكون كذا خلينا
خالد : بتمرضين
غلا : عادي
خالد : لا مو عادي وخشمك احمر من البرد!
غلا : اففف
خالد مسك يدها ومشى لحد السياره
ركبت وركب
حرك وهو يشغل ابو نوره
"كل مانسنس "
وغلا نايمه على رجولها وبين كل حيّن وحيّن تبكي بس يهديها وتهدا
"بر الرياض "
يزيد فرش الفرشه وحط المركه وعوده وشّب ناره ومعه شاهي جلس والريم جمبه ترجف من قوه البرد
يزيد قرب منها ودخلها بفروته : فدييت البردانين
الريم : يزيد
يزيد : قلبه
الريم : اشتقت للبنات وجدي وجدتي
يزيد : معليش بس زوجتي لي!
الريم : يزيد ياخي
يزيد : بكره نصبح ونروح لن ترا عرس اديم بعد يومين
الريم فزت : بهاج
يزيد : شااايل همّه
الريم : الله يمسح على قلببه
يزيد خله الشاهي جمبه وقرب العود : تغنين؟
الريم بحماس ومن زمان ماغنّت : اي
يزيد : ايش تبين
الريم : في سحابه
يزيد بدا يعزف
الريم بصوتها اللي تميزه بحتها :
"في سحابه على متن التمني
شفت عمري خيال في سحابه
ياذهابه تعدى مارجهني
كن عامه نهار ياذهابه "
ابتسم يزيد ابتسامه وكمل يغني معهم والمطر بدا ينزل ودخل يزيد على اغنيه
"اشوفك مطر هتان لا برق لارعّاد
من الوسم يبعث بالصحارى زهر ودَّي
احبَّك وصل وبعاد واحبَّك رضا وعناد
ولا يختلف وعدي ولاينتقض عهـدي "
