كل مازاد التفاعل نزلت بارت ( توقعو الاحدا ث الجايه وعطوني رايكم بالشخصيات الجديده )
قدام البحر وهي منسدحه على رجله
غلا : خالد تتوقع سياف حي؟
خالد : اي ليه يموت؟
(تعالو اعرفكم على سيياف
سياف اخو خالد من توفت امها سافر ولا عاد له تواصل معها ولا مع احد من اخوانه قريب منها مره ومن يوم سافر وهي تنتظر رجعوه وصار له سنتين مختفي ومحد يعرف عنه )
غلا : خالد سنتين محد يدري عنه
خالد : باذن الله بلقاه بس انتِ لا تفكرين كثير
غلا : بس خالد
خالد : يعيون خالد لا بس ولا شي ووعدك بلقاه لك واجيبه
غلا : اممم واذا مالقيته
خالد : بلقاه والله
غلا ابتسمت بطفوله
دق جوال خالد وفز من شاف الاسم : لاتطلعين صوت
غلا : تمام وسكتت
خالد : هلا والله
ام خالد : وينك يايمه من سافرت ماعاد دقيت
خالد : والله يايمه تعرفين مافضى لجوالي كثير واعذريني ادري اني مقصر معك
ام خالد والدمعه بطرف عينها : ياخالد تعال يامك
خالد خاف وقام : شفيك يايمه؟
ام خالد : البندري تعبتني معها
خالد : وين راشد؟
ام خالد : يامك راشد مو متفهم بيضربها وانت تعرفها
خالد : معليك يايمه خليها وانا ماعاد باقي الا شهرين ويتم نقلي وابوي ليه مايجيها؟
ام خالد : ابوك اييه بس ابوك لاهي بسفرياته وحريمه تبيه يجي للبندري بعد
خالد : اي يجي مو بنته؟
ام خالد : مالقيت الا البندري
خالد : خلاص يمه انا بكلم مازن ويتفاهم معها
ام خالد : لا لا مازن بيكفر فيها تعرفه مو متفهم ابداً انا ماكلمتك الا ابيك انت
خالد : بحاول يايمه بحاول اقدم نقلي
ام خالد : لاتطول علي
خالد : ابشري وانتبهي لك ولا تهتمين للبندري كثير يايمه هذي هي
ام خالد: استودعتك الله وقفلت
غلا : ليه قمت بدون ماتبعدني؟
خالد : اكلم امي
غلا : انجرح راسي من الحجر!
خالد وهو يطل براسها ويشوفه كان جرح صغييير مو باين : يالدلوعه صغير مره
غلا : خالد ياخي
خالد ضحك بوسط ضيقه : عيونه
غلا : الحينن صدق بتروح
خالد : واذا رحت بخليكك؟
غلا : اجل بتوديني وين
خالد : معليك لاتفكرين الحين بشي
"رباب مشعل بالمستشفى "
طلعتت الدكتور من غرفه العمليات : وش تقرب لها
مشعل : زوجها ليه فيها شي؟
الدكتوره بضيق : فقدنا الطفل
مشعل بستغراب وصدمه : كيف يعني هي ماكانت حامل
الدكتوره : حامل من ثلاث شهور بس مابان عليه والله يعوضك
مشعل ابتسم بضيق بس بنفس الوقت تطمن ان مافيها شي ودق على امه : هلا يمه
ام مشعل : يعيون امك شصار لكم؟
مشعل : لاتخافين يايمه رباب بخير بس كانت حامل وطاح بس اهم شي انها بخير الحمدالله
ام مشعل بدموع : الله يعوضك يايمه واهم شي صحتها هي ,مشعل : امين طمنيهم واهم شي جدي لايكون يعصب على البنات
ام مشعل : لاتشيل همهم وطمني كل شوي على رباب واذا صحت دق علي
مشعل : ابشري يلا ماطول عليك وقفل
الجده ام طلال : بشري يابنيتي كيفها
ام مشعل : بخير الحمدالله بس كانت حامل و الي فيها طاح
ام طلال : الله يعوضهم بس اهم شي صحتها
ام بندر : اي والله اهم شي صحتها
ام الواليد : عسى مشعل صوته زين؟
ام مشعل ببتسامه على خوفهم وكانه ولدهم : اي الحمدالله
ام اديم : الله لايعفسنا بشر ياربي
ام طلال : هذاني اتوعدكم لو تطلعون والدنيا كذا
البنات هزو روسهم وتانيب الضميييير يلعب فيهم لعب
ام عواد : مابلا الا الزين ان شاء الله وهذولي البنات دايم كذا الله يصلحهم
ام طلال : الله يهديهم ياربي
نجي لدور اول مره نزوره !
البندري وهي تمشط شعرها البوي المقصوص كلها مافيه الا شعر فوق خفيف وعلى الجوانب محلق كله !
ام خالد : يابنيتي ارحميني
البندري : مثل ماترك بنته يتحمل الي يجيه!
ام خالد ببكاء : لاتبكيني عليك لاتخليني افقدك
البندري وهي تلبس شوزها : لاتخافين حيه ترزق
ام خالد مسكتت وجها بضيق وبكاء : تكفين
البندري برحمه لا امها مسكت يدها وهي تبوسها : اوعدك اني ارجع ومايصبني شي والله مايصيبني شي يايمه والله معي
ام خالد ضمت البندري وهي ودها تدخل بضلوعها : الله يهديك يارب ويفتح على قلبك
البندري عدلت السواره حقتها ولبست جاكيتها وعبايتها اللي باللون السماوي الفااااتح وبدون طرحه وكان شعرها من فوق كيرلي نزلت وهي تركض وفتحت سيارتها وركبت وطلعت من البوابه وانطلقت بسرعتها المعتاده وهي تفتح جوالها وتتبع موقع ابوها ! شافته بفندق *** ابتسمت بخبث وهي تضحك على الي بتسويه فيه دعست وبكل قوتها كانت تمشي بسرعه البرق وتغني اجنبي وبصوت عالي وبكامل روقانها
("عائله خالد "
الاب غازي متزوج ثتنين وام خالد الثالثه يملك اكبر مستشفى بالرياض وجامعات بس مع ذالك بخيل على عياله ! تارك ام خالد وعياله الثلاثه .
الابن الكبير راشد عمره 35 متزوج وعنده بنتين وولد
عايش بالرياض ببيت قريب من بيت اهله همه عياله وزوجته وامه وبس يشتغل فاتح له شركه ومحلات كثيره ومايقصر مع عياله واخته وامه لو طلبت عيونه عطاها
الابن الثاني خالد تم التعريف
الابن الثالث مازن عمره 22 يدرس بالجامعه بتخصص القانون وعصبي بشكل ماتتصورنه! همه الوحيد امه واخته واخوانه ويكره ابوه بشّده .
البنت الاولى والوحيده البندري عمرها 18 تعاني بحياتها ومسترجله همها الوحيد امها بس ماتبين اهتمامها لحد تضرب الرايح والجاي ومسيطره والكل يخاف منها ! بثالث ثانوي بس ماتهتم بدراستها تكره ابوها وتتمنى موته )
قربت من اشاره وتعدتها بسبب سرعتها وكانت تضحك من استهتارها !
وقفت على اللوكيشن ونزلت بالفندق شدت على عبايتها ودخلت وهي تتبسم بخبث وتضحك على الي بتسويه وكيف خططت له ! وقفت عن الاستقبال
الموضف بتسغراب من شكلها : تفضلي كيف تحبين اخدمك؟
البندري بدفاشه وبصوتها الي مايدل انها بنت : في واحد قبل كم يوم جاي هنا اسمه غازي بن *****
الموضف : اي اي السيد غازي
البندري : كم رقم غرفته
الموضف بعدم اهتمام من سوالها : 405
البندري بضحكه : نشكرك يالبى
الموضف : شذا المسترجله الحلوه وضحك معها
البندري مشت وهي تركب الاصنصير ووقفت على الدور الي ابوها فيه ومشت لما غرفته دقت الباب
ابو خالد فتح الباب وانصدم من وجود البندري وايش عرفها انه هنا ! : شتبين نعم؟
البندري بضحكه مستفزه وهي تدفه وتدخل : جيت اسلم على مرت غازي الجديده هههههههههه ( ملاحظه ماتسميه ابوي )
ابو خالد : احترمي نفسك وناديني عدل !
البندري وهي تجلس على الكنب وتحط رجل على رجل : من وين عشان اعرف اناديها !
ابو خالد : قومي واطلعي
البندري : لازم اعرفها علي
ابو خالد : الله ياخذك ويفكني منك قومي اخلصي
البندري : شسمها بالله !
جوليا وهي جايه بتسغراب من منظر البنت الي قدامه !
وبلغه الامريكيه : من ذي ؟
البندري : اوهه حلو امريكيه بعد جويي قربت وهي تمد يدها وسلمت عليها جوليا
البندري : انا بنته تدرين ولا لاعب كالعاده !
جوليا بصدمه وبلغتها : كيف بنته؟ هو قال ماتزوج
البندري ضحكت بقوه من كذب ابوها المعتاد : هههههههههه لا متزوج ثلاث بعد
جوليا بكت وابو خالد قرب وكان بيعطي البندري كف بس مسكت يده وهي تقول : امه ماجابته اللي يمد يده علي ويلا ابتلش فيها اجل فرحان فيها يومين هههههههههه طلعت وهي تضحك بس كلمته بقت بقلبها سكانين بس متجاهله هالشي وتحسه شي عادي ومتعوده عليه ركبت سيارتها وشغلت وهي تمشي بكل سرعتها مرت من بقاله من تذكرت انها واعده عيال اخوه تشتري لهم شافت مامعهاا الا عشرين نزلت اخذت لهم والكل يرمي نظاراته عليهاا ! ماهتمت وركبت سيارتها وكملت طريقها شافت ماعاد باقي على اذان الفجر شي واستغربت من سرعه الوقت بس ماهتمت وافتحت جوالها وشافت رساله خالد وهو كاتب { اذا خلصتي من دشارتك دقي علي } ضحكت وهي تدق عليه
خالد : ولك وجه تدقين ذا الوقت؟
البندري بضحكه : شسوي تعرف غازي لازم ياخذ جزاته
خالد : قولي ابوي وبعدين شمسوي بعد
البندري : يخسي اسميه ابوي متزوج وحده ترطن انقليزي وقايل لها ماتزوج هههههههههه
خالد : وش عرفك انتِ؟
البندري : هاو خالد نسيت نواف؟
خالد : البندري كم مره قلت لك ابعدي عنه ماتفهمييين بعدين نواف ذا ماعنده شغله غير انه يبعد لك عطيه فلوسه وخليه خلاص الولد واضح محتاج ويدور شغله وعزتي له ماطاح الا عليك
البندري بضحكه : طيب طيب يلا مع السلامه
خالد : اصبري انتِ مارجعتي البيت؟
البندري : لا توني بالطريق
خالد : وبالنهايه الليل كالعاده طالعه !
البندري : خالد تكلمنا قبل بالموضوع حلو
خالد : ارجع ونشوف بعدين
البندري : وكيف الحب
خالد : معليك كويسه وياني وياك لو تعلمين احد علمتك عشان ماتاكليني بلسانك بعدين
البندري : هههههههههه يلا سلام بدخل البيت
خالد : يلا انتبهي لك ولـ امي وتراها تتشكى من اليوم منك
البندري : زين زين وقفلت رمت عبايتها على الكنب واخذت من الكيس اللي معها كوددر وتقلب بجوالها ومتجاهله الي يراقب وراها
