يزيد : والله بياخذ حقتس من كل شخص اذاتس عاني حلفت لتس والله ماتبكين بعد اليوم ولا تنزلين دمعه منتس
الريم كانت ساكته وتشاهق
يزيد وهو يرفع راسها ويضمه بيده : شوفيني ماتثقين فيني؟
الريم وهي تهز راسه بـ اي وبعيون دامعه
يزيد : خلاص يكفي دموع امسحيها وتعالي اوريتس شي
الريم مسحت دموعها وعدلت وراحت وقفت جمبها
يزيد وهو يأشر على حضنه : تعالي
الريم : مرتاحه كذا
يزيد : انا ماشاورك تعالي
الريم : تمام وجلست بحضنه
يزيد وهو يوريها ساعه طلعها من الدرج : شوفي هذي هديه من حبيبتي القديمه
الريم بستغراب : ليه
يزيد : حبيبتي وحبت تهديني وشو ليه؟
الريم : اها
يزيد وهو يحس انها بتبكي : امزح من بهاج
الريم : انننن سااممج يابزر
يزيد وهو يضحك : فدييتت الزعلاننن ياناس
الريم : اقول اصص
يزيد : سمي بس عطيني الاوارق عشان نخلص ونطلع
عطته الريم وبدا يزيد يشتغل والريم تلعب باغراضه الي بالمكتب طاحت فازه كان فيها ورد وانكسرت بحكم انه قزاز
يزيد بدا يعصبب : ليييييههه؟؟؟؟
الريم بخوف : اسفه بالغلط
يزيد : يالله عميانهه انتي ماتشوفين الي قدامتس عميااانننههه؟؟؟
الريم وهي تسكر اذنها تمنع صراخه : اسفه
يزيد : بزر والله بزز
الريم بدت تبكي بصمت وبخوف من صراخه
يزيد بدا يهدا : خلاص اسكتي
الريم كانت تبكي وترجع بخوف كل ماقرب
يزيد بصراخ : خخللاااااصصصصص
الريم كتمت نفسها ويزيد رجع يكمل شغله وجهه احمر من العصبيه والعرق يطلع من جبينه وانفاسه تتسابق
"الديره"
الجد : يستهبلل ذا كيفف ياخذ البنت بدون شوري ويروح؟
بهاج: يبه كانت تعباانه وراح فيها المشفى موب حرام ولا عيب
الجد : انت اسكت
بهاج : ابشر
الجد : دق على ولدك انتت
ابو بندر : ان شاء الله ودق على يزيد
يزيد : سم يبه
ابو بندر : وينك فيه الجد سحب الجوال وبعصبيه
الجد : وينك فييه يالسلوقي؟
يزيد : بالمشفى ياجدي
الجد : من الفجر بالمشفى
يزيد : اخلص مواعيد العالم
الجد : وسلوقيه الي معك؟
يزيد بكذب : نايمه
الجد : خل ترجع والله ماخلي فيك عظم سالم ويلا طس وانتبه للي معك لانه بتنجلد معك
يزيد : ان شاء الله وقفل
الريم برجفه وكلام متقطع : مين
يزيد : جدي
الريم سكتت ورجعت تدفن راسها بحضنها : وبكلام بنفسها لييه ليهه حبيته ليه شفت حنيته ليه يصارخ علييي لييه انا حبييتتهه اصلااا لليييه؟؟ اكرهه والله اكرهه مريضضض
يزيد : الريم
الريم : ......
يزيد : اااللرررييييمممم
الريم برضو ساكته وبخوف
يزيد قام وهو يرتب مكتبه وينادي العامله تمسح القزاز الي بالارض وسحب يد الريم بالغصب قفل الانوار وقفل المكتب وطلع وباقي اديم ترتجف وخايفه منه
طلعو للسياره وركبو
يزيد : اول شي انا اسف والله بس كانت هديه من صاحبي الي سافر
الريم كانت تمنع دموعها وساكته
يزيد : اسف
الريم بعد ساكته
قرب يزيد وهو يبوسها بخدها : وهذي بوسه
الريم ماكانت ترد عليه
رجع يبوسها بطرف شفايفها : كذا احلى؟
الريم :........
يزيد : اوك فهمت وقرب ثانيه وبعدته الريم
الريم : اكرهك
يزيد : وانا احبتس
الريم : ااااككرررهكككك
يزيد : وانا احبتسسس
الريم بدموع : توريني حنيتك بعدين تعصب علي وتخوفني
يزيد : اسف وسحبها لحضنه
الريم : وخرر ماابييي
يزيد : اششش
الريم كانت تبعده بس قوته كانت اقوى بكثيييير منها واستسلمت
يزيد شغل السياره ومشى والريم باقي بحضنه ومقفله عيونها ونامت بخوف منه
يزيد وقف عند بيته وكان عباره فيلا كبيره شالها بخفيف عشان ماتصحى ويأشر للحارس يدخل السياره
دخل الغرفه وبدل ملابسه وفرش بالارض ونام
كانت الرييم داخله بنومها ولا حست ويزيد دخل بنومه معها
"بالديره "
امل : الريم راحت وحنا كنا نبي نروح اليوم
داليا : ياذكيه عادي هي بالرياض نمرها ونروح
ريفان : العبب ياتفكييرر
داليا وهي تهز كتفها : عشان تعرفيين بسس
"نجي عند مكان اول مره نزوره"
"فرنسا"
بين حواري فرنسا وبيتوها الصغيره الدافيه
الساعه 8 الصباح
لبست لبسها والي هو بنطلون ماسك مع تشييرت داخله وفوقه البالطو الاسود يوصل لتحت ركبتها وشوزها لبست حجابها بأتقان واخذت قهوتها وكتبها وطلعت وهي تطالع جوالها شدت على البالطو حقها من قوه البرد والمطر الخفيف والي يزين شوار فرنسا الهاديه مشت للجامعه والي ماكانت تبعد كثيير وصلت وهي تشوف عيال وبنات ونوعاً ما تعودت على ذا الجو وماكنت تختلط كثيير بالناس وماعندها احد تعرفه هنا
دخلت المحاظره حقتها وكان الدكتور توه داخل
غلا باللغه الفرنسيه : اعتذر عن التأخير
الدكتور خالد بنفس اللغه : تفضلي برا اعتذارك مو مقبول
غلا : بس كان مطر وصعب امشي بالجو
خالد : اعتذر لاكن تفضلي برا
غلا عسبت وجها الفاتن وعيونها الناعسه كانت تجذب جداً وطلعت
غلا : من اول محاظره له طردني ياخي يزين السعوديه هناك لطيفين لو اجيب لهم اصغر عذر ماقالو شي وذا طردني بدون مايسمع مني تبرير حتى بدت تشرب قهوتها وتراجع محاظراتها وترتب الوقت عشان تطلع مبكر
خلصت المحاظره الاولى والي فاتتها
طلع الدكتور خالد وشافها وهي تكشر بوجهه :
هههههههههه وشفيك تكشرين عشان طردتك تستاهلين عشان ماتتاخرين مره ثانيه
غلا وهي تلعن وتسب فيه بالسعودي وعلى باله انه مايفهم : معلييه
خالد وهو يرد عليها بالسعودي : تسبيني بعد
غلا انصدمت وكان مويه بارده انكبت عليها : سعودي؟
خالد : على بالك محد سعودي غيرك هنا؟
غلا بغرور : يمكن وراحت تركته وراها
خالد : مغروره بعد
