بهاج : مابمنعتس بس مو انتِ الي اخترتي نفترق!
اديم : اي ومقتنعه انا بتزوج وانت تزوج وانتهينا وكان حب مُراهقه
بهاج بشبه صراخ مكتوم : ادييمم انتِ مستوعبهه شتقولييننن وشووو حب مراهقه؟؟؟؟
اديم ببرود : اي شي ثاني اخ بهاج؟
بهاج : امانه اديم انتِ مستوعبه شتقوليينن؟
اديم : اي لاتجيني ولا اجيك وابتعد عن طريقي وخلني اشوف نصيبي
بهاج بغصه :
"ماعاد له داعي تجيني ولا اجيتس
مادام رحتي وخاطرتس طاب مني
قلبي ترا اليوم مابينساتس
خاب الرجاء منتس وخيبتي ضني
غدرتي قلب كان بالحيل يغليتس
غرتس كلامي العذب مع صغر سني
كنت احسبك سيفي اذا ضقت اناديتس
اثر البلا سيفي هو الي طعني "
اديم صدت بدموع : الله يوفقك وراحت
الريم جات بهاج : شصار؟
بهاج: ودعت خلي
يزيد وهو يسمح على ظهره : الله يعوضك
الريم : معلييه خيره والله
بهاج بغصه : "يايزيد راح الي نوده ونغليه واخذ معه حلو الونس والحبابه "
يزيد : لاتضايق نفسك وانا اخوك الي جابها يجيب غيرها
الريم بدموع : ولا تنزل دموعك
بهاج بضحكه مع دموعه : يزين المعاريس الي يواسون
يزيد : شرايك بس
بهاج: حلوييينن هههههههههههههه
الريم ببتسامه : انت الحلو
يزيد : هيه اغار
الريم : اعقل
بهاج : انا بدخل وانتو لاتتاخرون ونامو ماعاد به وقت
يزيد : ابشر وراح بهاج
يزيد : شلون بطنتس؟
الريم وهي تنزل دموعها : بخير
يزيد : ليه ليه الدموع
الريم : خفت عليك حسبت فيك شي
يزيد وهو يحضنها : يزييين الي يخاف علي ياناس
الريم : بلا سماجه
يزيد : خلاص اص مشتاق لتس
الريم وهي تدفن راسها بصدره : الي يشتاق مايخوف
يزيد : والي يخاف يتطمن
الريم : اساسا ماتحبني
يزيد وهو يمسح على شعرها : من قال؟ الا احبتس واموت فيتس بعد
الريم بشهقات : اخاف من حنيتك اخاف
يزيد وهو يرفع راسها : لاتخافين مني مو اتفقنا ماتخافين مني واذا عصبت عصبي علي وعاتبيني وسوي فيني الي تبين مو اتفقنا اكون ابوك مو اتفقنا نشييل الخوف؟
الريم : الا
يزيد : اجل
الريم : يزيد
يزيد : يعييونه
الريم برجفه : خل ندخل
يزيد : بردانه؟
الريم : لا
يزيد : شفيتس ترجفين؟
الريم : مافيني شي
يزيد : تكذبين علي؟
الريم : لا
يزيد : قولي شفيتس؟
الريم ببكاء وشهقات : خايفه مابي انام هنا دايم احلم بحلام تخوف
يزيد : تبين نرجع البيت؟
الريم : بيعصب جدي
يزيد : معليتس
الريم : لا خلاص مابنام
يزيد وهو يحط يده على جبهتها : حرارتس مرتفعه ولا تنقاشيني هاتي اغراضتس والبسي وتعالي
الريم : يزيد
يزيد : انتظرتس بالسياره يلا
