اعتذر حلوينيي على تاخير ومثل ماعودتكم كل يوم اربع بارتات بس مظغوطه والله اعذروني 😔😔.
"الديره"
تحديداً المخيم
بهاج كان متلثم وواضح على وجهه التعبب من قام وهو يشتغل على امل ينسى وينشغل بس مانسى
واديم الي من امس وهي تفكر وسرحانه من قامت واندمت انها تسرعت ووافقت بس بالنهايه نصيبها ولو ربي كاتب لها نصيب معه بتتزوجه صلت الظهر وطلعت معاهم
بخيمه الرجال
ابو مشعل : يبه متى بنرجع
الجد : بنرجع قبل اذن المغرب عشان العيال يمشون الرياض ولا
ابو بندر : الا احسن
ابو الواليد : وملكه بنت عمي متى
ابو اديم : انا اقول ليله عرس يزيد
بهاج : خلوها الاسبوع الجاي احسن
ابو اديم : دام بهاج تكلم ابشرر وانا عمك
بهاج : الله يبشرك بالجنه ياعم
الجد : دق يابهاج على يزيد وشوف متى بيرجع
بهاج : مو اليوم انا والعيال بنروح الرياض خلاص يقعد لين نخلص اغراضنا ونرجع
ابو مشعل : اي صادق يبه احسن له من ذا المشاوير
الجد : ان شاء الله
نايف وهو يهمس لفهد : لا يكون اليوم فيه كرف؟
فهد : تاكد ياحبيبي
نايف : يالله الخيييره
مناف : الا اقول ياجدي ورا مانزوجك الثانيه
الجد وهو يضربه بعصاته : اعقل ياورع
فيصل : بنزوجك بنيه صغيره جدتي خلاص كبرت وانت توك شباب
ابو مشعل : ورا ماتعقلون
الواليد : بزران ياعمي لاتشرهه
ابو مشعل : مسوي طالع منها يالكبير
الكل : ههههههههههههههههههههههههههههههههههه
جات ميرال وقصي وراها يلحقها بحشره
ميرال ببكاء : يبببهه شوف قصييي
ابو الواليد : ياقصي اترك البنت
قصي : يايبه تقول ياحرمه
الجد : وهي صادقه ورا ماتجلس معنا
قصي وهو شوي ويصيح من تعزيز جده لميرال : ايي لن ميرال بنت وانا ولد حتى ميرال تجلس معكم وماتقولون لها ياولد بس انا لما اجلس مع الحريم اصير حرمه
ابو بندر : كل شي ولا قصي عاد
ميرال بغيره : يببببه
ميلا وهي تركض لجدها ابو طلال وتجلس بحضنه
ميرال : من جو ميلا وليان وليليان وجدي ماعاد يحبني
بندر : تعالي بحضني ولا تجين بناتي
مناف : ههههههه يرجال لاتخليهم عندها والله تنتفهم
الواليد : ميرال تهبل ماتسوي شي صح؟
ميرال : وانت شدخلك
نايف : ليتك ساكت ههههههههههههههههههههه
الواليد : الله يهديتس يابنت العم كسرتي الهيبه ههههههههههههههههه
الجد : حطو الغداء يلاا
قامو العيال كلهم وهم يجهزونه ويحطونه وجتمعو كلهم على السفره وكان ابو طلال وابو اديم والعمام على صحن والعيال كلهم على صحن
نايف وفهد ومناف كانو ماسكين الضحكه من الواليد الي ياكل اي شي يحطه بندر
حط له ثوم وكله بدون مايدري وتغيرت ملامح الواليد
ضحك مناف بقوه والواليد الي فز وهو ماسك فمه
ابو طلال بستغراب : علامك انت وياه
مناف : ماقدرر ماقدرر هههههههههههههههههههههههه
ابو طلال وبدا يعصب : ياولد احترم النعمه
مناف قام بالقوه وهو يضحك : اكرمكم الله وطلع
نايف باقي متماسك نفسسه وبهاج الي بعالم ثاني وفهد ياكل ويضحك وبندر ماسك ضحكتها لدرجه وجها صار احمر وهو يدخل الاكل بالغصب
قصي وهو يطالعهم وهو يكشر : يامجانين وقام
قامو العيال كلهم بعد مانتهو من اكلهم والشياب بعد وضفو كل شي وشبو العود وجلسو يتقهونن شاهي
بهاج يصب وهو باقي متلثم كعادته والكل مستغرب هدوءه الغير معتاد
ابو اديم : شاعرنا هات لنا من قصيدك
بهاج وهو يمسك بياله الشاهي وببحته الحلوه الي تميز صوته :
"الله يسامحك ضيعتني من يديك
قلت لك لاتخليني وخليتني
اعتبرني مثل الفرصه وراحت عليك
كم تمسكت فيك وكم هديتني
ايه كانت مشاعر خاطري ترتجيك
واكذب ان قلت في صدك ماهميتني
مت ادور رضاك وصرت منك واليك
جيت لك الف مره بس رديتني
لاتحاول تكذب جعل ربي يهديك
لاتمثل وانا خابر ماحبيتني "
ابو اديم : صح لسانك
والكل بنفس الرد وبردو مختلفه
