الريم : خير شفيكم على روانتي
دالياا : هيه اغار
الريم : كلكم بناتي
ميرال وهي جايه تركض وبيدها ورده صغيره مدتها لريم : يزيد يقول خذيها وحطيها بشعرتس ومدت يدها وهي تعطيها ورقه صغيره فتحت الريم وكلهم جو جمبها
الريم : خير شفيكم
ريفان : اقريها يلا
الريم فتحت : "يزين الورد بين خصلات شعرها ويزين شعرها لا منه تمايل وبين قوسين "( احبتس )
اديم : الله طيور الحب
ريفان : ميرال متوقعه ذي من يزيد؟
ميرال : ايي هو
داليا : يحلوه يزيد
الريم لفت وبمزح : ورعه هدييي
داليا والبنات : ههههههههههههههههه
ام بندر : يبنات يلا تعالو
نزلو البنات كلهم وبدو يصبون القهوه والي يقدم ومنها وروان وداليا يستهبلون بين حين وحين
اذن المغرب والكل صلو ورجعو لقهوتهم واذن العشاءوصلو وبدو يجهزون للعشاء
فيصل وهو رابط الثوب بخصره والعيال كلهم : ييممه
ابو مشعل : عيون امك تعال
فيصل : العشاء بالحوش يالغاليه
ام بندر : وراكم مو قلتو بالمجلس
فيصل : تعرفين ياعمه جدي مايحب ياكل بالمجالس
ام الواليد : الله يهديه ويلا ناد لي البنات وانا امك
فيصل : ابشري وطلع
( ملاحظه فيصل ولد ام مشعل من قوه علاقتهم احيان ينادونهم ياولدي وانا امك ومثل كذا )
فيصل : بنااتتت روح للمطبخ يلا
داليا : قول تبي تشوفها
فيصل : هدي هدي يالقفطه
داليا : هههههههههههههههههه
فيصل : ههههههههه يلا روحي وناديهم
اجتمعو كل البنات بالمطبخ وينكبون العشاء والي يصف المويه والمشروبات ومنها
اجتمعو كل الرجال كان اكثر من خمسين رجال والحوش كبيير وفرشات كثيره وصحون العشاء كثيره والعيال بصحن ومنها من الرجال الكثير وهذي تتسمى من عاداتهم وتقاليدهم والي هو ليله عشاء العرس
تعشو ولانهم كلهم من رجال الديره نامو بقصر ابو طلال
الساعه عشر الليل والكل نايم الا الريم ويزيد كالعاده والي تجمعهم الليالي بس هاليله غير! هاليله ماراح يجلسون مع بعض وراح يجمعهم بكرا زواجهم ! وهي ليله العمر بالنسبه ليزيد والريم الليله الي ينتظرونها كثييرر الليله الي ماكانو حاسبين حسابها والليله الي كانت بتجمع يزيد وجود بس النصيب جمع يزيد والريم هل بتكون حياتهم حلوه وصافيه دون مشاكل او بتكون العكس بس ماتوقع مع هذا الحُب الكبير الي كبر بفتره قصيره كانت الريم متوتره وكثير تروح وتجي بين البنات الي غارقين بنومهم كانت كل شوي تشوف جوالها اذا بيدق او خلاص! هو وعدها انه بيدق وبيكون معها بس توقعته نايم نزلت دموعها من تذكرت انو امها ماراح تكون فيها بكت ابوها الي كان دايم يدعي ربي يبلغه فيها ويشوفها عروس بس ربي ماكتب يشوفها عروس مسحت دموعها وراحت توضت وصلت الوتر لجل تخفف من ضيقتها وتدعي لهم توضت ولبست جلال الصلاه وصلت وبدت تدعي بكل قلبها ربي يرحمهم ويجمعهم معها بالجنه دعت ربي يوفقها ويتمم عرسها على خير دعت ربي يكفيها شر جود وتوعدها لها عند معرسنا "يزيد "
كان يفكر بحياته كيف بتصير وهل الحُب هذا بيتغير يوم من الايام ! او بيكبر معاهم فكّر كيف راح يبدا حياته وكيف يكون اسّره ومسؤوليه وكيف يعدل بين الشغل والريم تعوذ من ابليس ورفع جواله بيدق بس شاف الساعه 11 الليل توقعها نايمه بس شافها منزله ستوري تدعي لا ابوها وامها بالرحمه قبل دقيقه وحده بالضبط خنقته العبره بس دعاء لهم دق عليها وفزت وهي ترد
يزيد : عروستي؟
الريم : لبيه
يزيد : وكيفها حبيبه يزيد؟
الريم : بخير دامك بخير
بدو يسولفون بخصوص الزواج وكيف بيكون وخذت السوالف لما نامت الريم والجوال بأذنها
يزيد : الريم
الريم : ........
يزيد : استودعتك الله وبحفظ الرحمن وقفل قرا اذكره وسمى بالله ودخل بنومته بس هالمره نومه وينتظر الصباح يطلع بسرعه ! اذن الفجر وبدا البيت يصحى ويحيى والكل يرقص من جهه ويرتب والعيال كلهم مشغولين بالخيمه كانت الريم متوتره جداً بس وجود البنات حولها تقريباً يريحها بدو يخلصون اغلب شغلهم بوقت كبيييررر وغير طلبات الجد وتعديلاته وتدقيقه الدقيق والراقي جداً وكان الكل متحمس لعرس حفيد ابو طلال كان الكل يتكلم عليه والكل وده يحضره ومشهور ابو طلال بعروسه وزواجات العائله اذن الظهر وحطو الغداء وتغدو كلهم وشربو الشاهي ( امشي الاحداث لن مافيه شي مهم حلويني ) اذن العصر وركبو العيال كلهم بسياره وراحو الحلاق ويرقصون ويغنون ويستهبلون كانت فرحتهم جداً كبيييررره بيزيد
مناف بعد ماحلق : وخرو عن اخو المعرس ييااهوو
نايف : الدقنن ماقال شييي
بهاج : اي والله العبب يادقننن
الواليد : ماعرفته ماعرفته زوجوه
فيصل : خلاص اشر بس وماعليك عندي
مناف : لاتخلوني اصدق
مشعل : اهجد توك بزر
مناف : عيببب عليييكك
العيال : هههههههههههههههههههه
"نجي للبنات "
كان الكل بغرفه الريم
الكوفيره : تبين ميكب ثقيل؟
الريم : لا يعيني خفيف مره
روان : فدييتت الحلوين مايحتاج لسس وقسم
الكوفيره : بسم الله عليها ياحظ زوجها
حنان بمزح : لاتعطين بنتنا عين ههههههههه
الكوفيره : ههههههه يخليهاا لكم وتشوفون عيال عيالها يارب
الكل : امين
بدت يشتغلون بالريم والباقي بالبنات والحريم
كانت الجده بكامل زينتها ورزتها على انها حرمه كبيره الا انو كششخه وكثير وكان الجد لابس بشت سكري وشماغ ابيض وكان فخم بششكلل
اذن المغرب والعيال رجعو كلهم بما انهم عيال طبعاً ماخذو وقت بالتجهيز ولا بالبس كلهم لبسو وكانو لابسين بشت اسود كلهم وشماغ ابيض وكانو بكامل فخامتهم استقبلتهم العرضه باب القصر وكانو يرقصون ويستهبلون وخاصه نايف ومناف وفيصل
روان من الشباك : يلببيييهه شوفو وربي عرسهمم يونسس مره
داليا : تكفينن بصير ولد وربي يجنن هذا وهم باقي بالبيت
روان : فديت ولد العم الي يرقص
داليا وهي تغمز : فدييتته اجلل هاه
روان : يابنت الحلال نمزح
داليا : هههههههههههههههههه
روان : لاتعلمين احد ههههههههههههههه
داليا : ابشري ماطلبتي شي
روان : كفوو عزز
الريم بتوتر وهي وراهم وجالسه فوق السرير : بنات
البنات : لبيه وبعضها من الردو المختلفه
الريم : متوتره والله
رباب : عادي يعيوني انتِ اقري معوذاتس ولا تشيلين هم يروحي كلنا معتس وعندتس
حنان : وكلنا نمر بذا الشعور وشلون تخافين وانتِ ماخذهه احن شخص بالعالم
الريم : يارب وربي خايفه بشكل
امل : يعيني انتِ معليتس ومثل ماقالت رباب كلنا معتس
ريفان وهي جايه : قاييززز
لفو البنات كلهم وانبهرو بفستان ريفان كان جميل جميل جداً مخصر وذهبي ومنن تحت فتحه لركبتها ومع شعرها كان ستريت وحاطته على ورا ولابسه كعب طويل وناعم وطالعه جميله بمعنى الكلمه
الريم : مشاءالله تهبلين
ميرال وهي جايه تركض وكانت لابسه فستان ابيض ومنفوش وبقصه من تحت وشعرها كله مفير وكعب صغير ابيض : وانااا حلوه
رباب : لا لا كذا خوات المعرس غطو علينا ام بندر وهي جايه وفستانها اسود وطويل ورافعه شعرها فوق بتسريحه ناعمه وشنطه ذهبيه وكعب فضي يميزه كرستاله صغيره : وخرو جاتت ام المعرس
روان : لا كذا كثير ياخاله زوجني واحد من عيالس
ام بندر : يالي ماتستحين ، بدون مبالغه بس كانو انيقيين جداً
الريم : يحلوكم والله عمي عرف يختار
ام بندر : حبيبتي انتِ وبتجي وحده بعائلتنا بتغطي عليها كلنا
الريم : مع هذا الجمال ماقدر والله
ريفان بمزح : باقي اخواني وابوي صبر وتكمل عائله الجمال
روان وهي جايه وتهز كتفها : لاتصدقين ترا نجامل
ام بندر وهي تصفق كتفها بخفيف ومزح : ياقليله الادب
البنات : ههههههههههههههههههههه
ليان وليليان كانو مطقمين مع ميرال بالضبط وكانو لطيفين شعورهم كانت بوي ومناسبهم كثييرر
ابو بندر : ولاننسى مرت ولدي حنان وبناتي عاد
كانت حنان لابسه فستان وردي بدرجه ناعمه جداً وكانت رافعه شعرها بتسريحه هاديه ونعومه وكانت انييقييه جداً
داليا : خالتي تدخليني بكرت العائله عادي؟
ام بندر : كلكم بناتي والله بتغطون علي انا متاكده
ام الواليد وام مشعل وهم جاين : وخرو جو الحلوات صدق
روان : ماعرفتس يايمه
امل : لا لا ماما شوهيداا الجمال
داليا : مامي نتزوج؟
ام مشعل : ههههههه يعيون مامي انتِ
ام الواليد وهي تدور : شرايكمم
الريم خنتقتها العبره وهم يمدحون امهاتهم
اديم مسكت يدها وهي حاسه فيها وشدت عليها الريم
