خالد : قومي غيري لبسك بالغرفه وخذي راحتك انا بطلع اجيب اكل وجاي
غلا بخوف : خليك
خالد : تخافين؟
غلا : لا
خالد : اجل
غلا : خلاص روح
خالد : روحي بدلي وتعالي لاتمرضين
غلا قامت بصعوبه وجسمها كله يرجف لبست بجامه وسييعه وثقيله ولبست عليه جاكيت طويل عشان خالد حاولت تنشف شعرها نشف شوي بس باقي فيه مويه خفيفه طلعت لخالد وهي مستحيه بسبب لبسها
خالد : لاتستحين اعتبريني اخوك
غلا : تمام
خالد : تعالي بكلمك بموضوع
غلا جلست وهي ترجف وبتموت من البرد بس سكتت
خالد : وين اهلك؟
غلا صدت بضيقه من ذكرهم
خالد :اعتذر على سؤالي بس وينهم؟
غلا : امي متوفيه وابوي تزوج وتركني عند جدتي ويوم توفت قررت اني اسافر لن ماعندي احد اجلس عنده
خالد : اخوانك؟
غلا : ماعندي الا اثنين واحد من توفت امي اختفى والثاني تزوج وراح
خالد حزن عليها وضاق صدره : طيب ليه طالعه بذا الوقت وبشنطتك !
غلا : طردني حق الشقه عشان الايجار ولا عرفت وين اروح
خالد : معليه اعتبري البيت بيتك
غلا : لا يعطيك العافيه بس ابي المطر يخف وبطلع
خالد : مابتطلعين قلت
غلا : ولي امري!
خالد : لو سمحتي يعني
غلا ودموعها بدت تنرل : لاتطالعني بنظر الشفقه ذي!! اقدر اشيل نفسي بدون احد
خالد : لا والله ماطالعتك كذا ولا بطالعك كذا بس قصدي وين بتروحين بالليل والدنيا برد ومطر
غلا وهي ترجف : مدري
خالد : بردانه؟
غلا بكذب : لا
خالد : ليه تكذبين وانتِ ترجفين كذا
غلا ببكاء : تعودت
خالد : دقايق وراح وهو يصلح حليب ورجع
خالد: اشربيه يلا
غلا: لا مابي
خالد : عشان تدفين
غلا : ماشرب الحليب
خالد : ليه؟
غلا : عندي حساسيه
خالد : تمام فيك حراره
غلا : لا
خالد قرب وهو يلمس جبهتها : ليه الكذب؟
غلا هزت كتفها بمعنى مدري
خالد راح يجيب لها بندول وعطها واكلته : ادخلي نامي بالغرفه وانا بنام هنا
غلا: مابنام
خالد: ليه ؟
غلا: مافيني نوم
خالد: عيونك حمرا وتقولين مافيك نوم!
غلا: اي
خالد : خايفه مني؟
غلا : لا
خالد: اذا خايفه مني تأكدي اني مابسوي شي
غلا: تمام
خالد قام ورجع وهو معه بطانيه ومخده صغيره : هذي حقتك ونامي معليك واستمتعي بنومتك بكره ويكند
غلا ابتسمت : شكرا
خالد كان بيمشي بس سمع صوتها الهادي والمبحوح من قوه البكي
غلا : عادي تجلس لما انام بس
خالد : تخافين؟
غلا: لا
خالد : قولي لي تخافين؟
غلا : قلت لك
خالد راح ورجع وهو شايل له بطانيه ومخده وحطهم بالارض وانسدح
غلا : ليه تنام هنا
خالد: بكيفي ويلا نامي غلا ماحبت تتجادل معه وسكتت وهي تنسدح وتغطي جسمها كله لحد راسها وهي باقي بردانه غمضت عيونها ودخلت بنوم عميييق وبدتت احلامها والكوابيس الي كل ليله تمر عليها بس هالليله غير وبيكون احد معها يوايسها عكس كل لليله تصحى على الكوابيس وتهدي نفسها بنفسها
اما خالد غمض عيونه ودخل بتفكيره وش بيسوي فيها والافكار تجي وتروح فيه ومايصلح يعيش مع وحده ماتحل له ولا هو يحل لها وغير كذا البنت باقي صغييره!
فكر بفكره بس عارف ماراح توافق بعد نص ساعه قطع تفكيره صوتهاوهي تون بكلامات غير مفهومه وكانه بدا يفهم هي وش تقول
غلا : وخر عنيي يرحم امك وخر والله بعطيك كل شي والله بس وخر
خالد : غلا شفيك قومي
غلا صحت وهي تتوهم شخص "مجهول " : وخرر خله يوخر خله يروح ماسويت له شي والله ماسويت خله يروح خللهه يروحح
خالد جلس جمبها وهو يفتح الانوار : شفيك مافيه شي محد فيه
غلا سكرت عيونها وهي تحط راسها بين رجولها وتضم نفسها : روح عني مابييكك روح دايم تضلمني وانا ماسويت شي تحب زوجتك وعيالك وانا لا عشان امي توفت بسببي ليه تضلمني هي الي احرقت البيت حتى انا تضررت حتى ظهري كل حروق ويدي كلها حروق وبشهقات اكرهكك انت مو ابوييي اكرهكك انت شخص همه عياله وانا لا انا مو بنتك بس هم عيالك واناا واناا طيبب؟؟
كل هذا تحت مسامع خالد طاحت عليه وهي تشاهق وتشد التشيرت حقه وتكرر اكرهك انصدم خالد من حركتها بس عذرها لانها بوسط نومها ومو مستوعبه وش هي تسوي احتار يهديها ويشد عليها ولا يخليها ويسكت وبدون شعور شد عليها وهو يمسح على شعرها ويقرا عليها ايات القران وغلا تشاهق وتبكي بكل مافيها كانت تهلوس بالكلام وحرارتها مرتفعه وترجف بس ماكانت تحس بهذا كله اساسا مو بوعيها بدت تخف شهقاتها وبكيها وغفت تركها خالد بخفيف وهو يداريها كانه طفله بين يدينه راح وهو يجيب كمادات ومويه دافيه بدا يحط الكمادات ويسمي عليها ويمسح على راسها بخفيف ويقرا المعوذات عليها بعد اقل من عشرين دقيقه شاف حرارتها بدت تخف وهي غرقاانه بنومها حس انو بجامتها خفيفه والجو بااارد بشكل ماتتصورونها راح يجيب بطانيه ثقيله وحط بطانيه تحت بالارض انجبر انه يشيلها ويحطها بالارض وكانه طفله بيده ماكانه كبيره بس صدق هي طفله بكل شي بحركاته باسلوبها بعفويتها بشكل بوجها بجسمها بكل شي نزلها وحط البطانيه عليها وغطاها لحد راسه حط نص البطانيه عليه وفتح على وجها انسدح جمبها بمسافه قليله فصخ تشيرته وهو مستحييلل ينام بتشيرات لو ايش ولو انه في اعز البرد فصخه وغفى بنومته بس كان كل شوي يقوم يتطمن بس كانت غارقه نومها ولا هي عارفه عن اي شي صار دخل بنومه ولا حس بنفسه ماصحى الا بعد ماقام الصلاه فز من شافها مو موجوده وخاف انها طلعت بس شافها تصلي وابتسم كانت صغيره بجلال الصلاه راح يتوضى وصلى ورجع شافها منسدحه تتامل السقف
انسدح جمبها وهو يتامل السقف : السقف حلو؟
غلا ببتسامه : اي
خالد لف عليها : تذكرين شي؟
غلا : لا وش
خالد : وش كنتي تسوين قبل شوي
غلا : اصلي
خالد : لا قبلها
غلا : نمت
خالد : لا
غلا : ياغبي نسيت جيت انت وانسدحت بالارض ونمنا بس صبر كيف صرت انا بالارض
خالد : اوه اسف طحتي وشكلك ماحسيتي وجبت لك بطانيه
غلا : شكرا مره شكرا
خالد : مابينا بس تحسين بشي؟
غلا : لا بس نعسانه
خالد غمض عيونه : انا بعد
غلا غمضت عيونها معه : ننام
بعد خمس دقاق خالد فتح عيونه بعد ماحس انها نامت صدق : غبيه نامت والله ضحك وغطاها ونام معها
