سوريي على القطعه لكن مشغوله افضى واكمل لكم وانزل اكثر من خمسه 😔😔😔.
الريم : مو مهم يلا نطلع
يزيد : ريمي؟
الريم لفت عليه : نعم؟
يزيد : لا واضح زعلتس كبير
الريم : تأخرنا عليهم
يزيد : نتفاهم بعدين
طلعو وركبو
مناف كان زعلان من نايف لانه ماخلاه ياكل الشوكلت حقه واخذه هو
نايف : مناف
مناف : نعمم؟؟؟؟
نايف : شوي شوي عليك لايطق لك عرق
مناف : نايف ياسامج اسكت
روان وهي تعطي مناف الشوكلت حقها : خذ
نايف : الواليد وفهد الحقو
الواليد : غاسل يدي منهم من يوم شفتهم يوم يفتشون عن بعض ويوم لا
الكل : هههههههههههههههههههههههههههههه
بهاج: وين نروح
بندر : نحطهم بمول ونروح نخلص حنا
يزيد : صح ابو ليان
بندر : الله يصحيك يقلبي
مشعل : بنتين وفي الاخير الله يصحيك
بندر : توني شباب يرجال هههههههههههههههههههه
فيصل : بيصك الاربعين ويقول شباب
نايف : صادق اخوي
بهاج: مناف كيف الشوكلت
مناف : افف لذيذه بشكل
روان بتدخل : اكيد دامها مني
مناف وهو يلف عليها : اكيد اكيد
امل وهي تضرب روان : وجع استحو على وجيهكم
روان : لا لا عيب بعيش طفولتي مع ولد عمو
فهد بمزح : يعمي عيون العدو انت امسك اخوك
يزيد : خله يعيش طفولته بنت عمو
فهد : لا لا كذا كثير القاها منك ولا من اخوك
الواليد : بندر اكبرهم اعقلهم
نايف : وانت الصداق اكبرهم واهبلهم
بندر : على اقل قولو كذا من وراي مو في وجهي
مشعل بستغراب : بهاج شعنده هاجد له يومين شعنده
يزيد لف عليه وبتصريفه : مسكين جدي غاسل شراعه
مشعل : اما متى ههههههههههههههههههه
يزيد : قبل يومين ياني فطست عليه ضحك ههههههههههههههههههه
مناف : خطاك الشر بهوجي
بهاج : وععع خربب اسمي
فيصل : صدق اذا جاك بنت وش بتسميها
بهاج بتفكير وببتسامه تجذب : قوت
يزيد : العبب تمم بسمي بنتي قوت
بهاج: اقول وخر بنتي انا قوت
نايف : خلاص لاتتهاوشون محد يسمي قوت الا انا
فيصل : اقول وخر بعد بعد
مناف : انا بنتي بسميها شوكلت من حلاوتها
روان : وانا بنتي حلاوه
مناف : اكيد دامها بنتس
الواليد : اعتقونا بالله
مناف : سم
وصلو ونزلو والعيال راحو يقضون الاغراض
"عند العيال "
مشعل : اول شي نروح نفصل الثياب
مناف : انا براسي زيتي
فيصل : ابوك يالفخاااممه
مناف : عشان تعرف بس
فهد : يلا بس امشو
دخلو المحل وكانو يتهاوشون
يزيد لبس البشت والشماغ : شرايكم
بهاج: حركاتت بالمعرسس الكششخهه
يزيد : حلو ذا؟
البشت لونه اسود مطرز بذهبي والشماغ ابيض
بندر : ولا غلطه صدق حلو مره
مشعل : اي والله فخم
يزيد : تم اخذهم؟
العيال : ايي
مناف ونايف كانو يتهاوشون على العقال لين جاء بندر وسحبهم برا
بهاج: بزران انتو
مناف : ياخي انا اخذته قبل
نايف : لا والله مو قايل لك اني باخذه انا
مشعل : صدق بزران
طبعا نايف ومناف مره اعز الاخوياء ومره يصيرون جارات
بدو ياخذون اغراضهم حبه حبه ونوعاً ما خلصو بس باقي اغراض خفيفه
"عند البنات "
روان : هاه شرايكم
الريم : يهبلل
فستان روان كان اسود ومن تحت منفوش ( يارب فهمتو ماعرف اشرح ) وحلو مره
حنان : يحلو الاسود ياناس
روان : يبعد قلبي انتي ، وانتو؟
رباب وامل وريفان وداليا : حلو وبردود مختلفه
طلعو وراحت روان تحاسب وطلعت
الريم : انا رجلي ماحسس فييهااا تعببتت
امل : كلنا والله
رباب : خل نرجع نكمل بكره والله تعبنا مره
ريفان : اي والله
داليا : عاديي
اديم بضيقه : بنات متى نرجع الديره
امل : افا ليه ماعجبتس الرياض؟
اديم : لا بالعكس حلوه بس اشتقت لا امي وابوي ماتعودت ابعد عنهم
صدت الريم بضيق وتحاول ماتبين شي ومحد حس فيها
روان : ياعمري يا اديم معليتس بنرجع بعد بكره
اديم ببتسامه : ان شاء الله يلا دقو
طلعت الريم جوالها ورسلت ليزيد انهم يجون وفتحها يزيد وقال لها انهم ينتظرونهم برا وطلعو لهم
يزيد كان ملاحظ سكوت الريم عكس لما كانو رايحين كانت تسولف وتضحك معاهم والحين سرحانه وعيونها تبين انها حابسه دموعها
وصلو لبيت يزيد كلهم بحكم انهم اتفقو انهم ينامون كلهم عنده
روان رمت نفسها على الكنبه بتعب : ااهخخ ظهري
اديم : نفستس والله
رباب بضحك : الريييمم بلوفر يزيد واصل لركبتس
امل : هههههههههههههه اي والله اطول من حياتس يعمري
ريفان : هههههههههههههههه اهخ يضحك
داليا : عزتي لتس يا الريم بيمسكونها عليتس هههههههههههههه
الريم بضحكه : معليه نتحمل وتراه بيت زوجي يعني اطردكم كلكم الحين
حنان : العبب من الحين صار زوجتس
اديم : مستعجله الاخت
الريم : خلكم مودبين
البنات بضحكه : ابشريي
يزيد من برا المجلس : الرييمم بنتت تعالي
جات الريم : وشو
يزيد : تعالي معي
الريم : يزيد غلط وش بيقولون عني؟
يزيد : مايييهمم تعالي
الريم : لا
سحبها يزيد معه بالغصب ودخلها الغرفه
يزيد : متضايقه؟
الريم بكذب : ليه اتضايق؟
يزيد : ماحب الكذب قولي لي شفيتس؟
الريم : مافيني شي
يزيد : يلا عاد لاتطولين
الريم : مافيني شيييي
يزيد مسك وجها وهي تحاول تصد : عيونتس تقول فيتس شي!
الريم وهي تلعب بالارض بتوتر وعيونها منزله : اديم غابت عن امها وابوها ساعتين او اكثر ومتضايقه لانها اشتاقت لهم على الاقل هي بترجع وبتشوفهم بس انا لا وهذا انا اكثر من شهر يعني وش اقول ب
يزيد حضنها والريم دفته وطلعت
يزيد : يالله منتس وطلع وراها
