اذا التفاعل عجبني كملت ❤️🔥❤️🔥.
بالثيل عند الرجال والحريم بخيمتهم
بهاج متلطم بشماغه وصاد يهوجس
والعيال يسولفون والمطر برش خفيف
رعدت ومن قوه الرعد فز بهاج
صارو الكل يرددون (سبحان الذي يسبح الرعد بحمده والملائكة من خيفته)
ابو طلال : لا اله الا الله مشاءالله
اطلعو البنات عند الخيمه والمطر بدا يصيير قوي لين امطرت بقوه
الجده ام طلال : يالخبلان ادخلو البرق يصقع
اديم : ياعمه شوفي المطر
الجده وهي تضحك على لعبهم : الله يهديكم بس
بهاج دق على يزيد : ورع عندكم مطر
يزيد : رش خفيف
بهاج : الديره غرقانه
يزيد : هههههههههههههههه توني واصل البر عاد
بهاج : انتبه لـ الريم بس
يزيد : لنا الله
بهاج : وانتبه لك
يزيد : ابشر
بهاج : الله بقفل لن البرق يدخل علينا
يزيد : انتبهولكم زين
جاء بهاج بيرد عليه وانقطعت الابراج
الجد ابو طلال : يالله امطار خير وبركه
ابو عواد : زواج يزيد به بركه
ابو ابراهيم : حنا بنطلع استودعناكم الله
ابو طلال : وش تطلع بذا المطر انت خبل زين لين لاقاك سيل ردك
ابو ابراهيم : بنروح البيت المره والعيال في ذاك ومامعهم كبير
ابو طلال : روحو وانتبهو للخط
ابراهيم بستفزاز : مع السلامه ولف على بهاج مع السلامه يابو رعد
بهاج سفهه وطلع برا الخيمه وشاف اديم من بعيد تركض "مع البنات وتلعب ابتسم لاشعورياً وهو يقول
ياحظ المطر دامتس تحبينه
وياحظ البرق دامتس تطالعينه
وياحظ من شافتس تبتسمين له "
صد عنها بضيقه بعد ماطلعو العيال
مناف : روانوه
روان من بعيد وهي تضحك : ارحببب
مناف : يامهبوله
روان : منااف المططرر حلوو
مناف : ادري ادري يشبهني صح؟
روان : يييعع لو يشهبك صار خايس
مناف رمى عليها حجره صغيره : ياشينتسس
ربطو العيال ثيابهم على خصرهم وهو يركضون ويزحلقون والبنات يعزوزن
ريفان : بنات تكفون خل نسوي سباق
روان : ايييه تكفونن
اديم : خبله انتِ لو تزلقين وينكسر راستس
رباب : لا لا مابيصير شي ياخي
حنان : اييه تكفون
امل : اللي يشوفكم يقول ماكانكم متزوجين وبعيالكم
رباب : لاتقتل المّتعه يامسلم
البنات كلهم : ههههههههههههههههههه
داليا : يلاا عاد
امل : ابي روحي
داليا : خفي علينا يام روح عاد
روان : ايي وقسم
امل وهي تربط جلالها على بطنها : يلا
صفو كلهم وقالو لـ ميرال تعد لهم
ميرال : واحد اثنين ثلاثه
راحو كلهم يركضون على رباب الاخيره وطاحت وهي تصرخ
داليا وهي تصارخ للبنات : رباااااابببب
مشعل فز قلبه من اسمها واستغرب صرخه داليا وقام لهم
حنان : شفيتس
رباب بصياح قوي : بطني بطني يوجعني
امل : شيلوها
مشعل وهو جاي يركض وبخوف : رباب
رباب بصياحح: تكفون ببطنييي مااااقدر
شالها مشعل وهو يحط شماغه عليها والبنات صادين عنه شالها وهو يركبها سيارته ومشى
تجمعو كلهم بالخيمه وملابسهم معدومه من المويه والمطر كل ماله يكثر والرعد نفس الصاعقه القويييه
امل بصياح : شقايله لكم انا ها شقايله
الجده : شفتو شفتو وش سبب لما اقولكم ادخلو
دخل الجد وتغطت ام عواد وام اديم
الجد : حسابي معكم بعدين دقي على ولدتس شوفي وين راح
روان : راح المشفى اكيد
الجد بعصبيه : ولااا حرف
رجفت روان من قوه عصبيته واول مره تشوف جدها كذا
ام مشعل وهي تدق عليه : ها يمه عساكم وصلتو
مشعل بخوف ونبرته ماسكه العبره : يايمه الطريق طويل
ام مشعل ببكا ماقدرت ترد عليه واخذت الجوال ام بندر
ام بندر : يمه مشعل توقع شوي شوي وبتوصل بس انت انتبه لطريق وطمنا يامك
مشعل بتوتر من صراخ رباب : ابشري ابشري ياعمه بقفل الحين
ام بندر : استودعناكم الله وقفلت
قامت امل
الجد : وين طاسه
امل برجفه : ببدل لبسي
الجد : انثبري هنا وخيسي فيه
امل ببكاء : برد
الجد بصراخ : شقول يعني
نايف وهو جاي : ياجد هد مابه الا العافيه
ميرال بكت بخوف من الرعد وصراخ جدها وميلا وليان وليليان بعالم اخرر وساكتين يطالعون مصدومين
نايف طالع امل وامل صدت بتوتر.
نايف اخذ الجد معه ودخله الخيمه الثانيه
العيال واقفين عند الخيمه والعمام داخل والمطر شوي ويقشع الخيمه من قوته
ابو عواد : مادقيتو على مشعل
الجد : الا وقال انه يحاول يمشي
ابو اديم : الله يفك عوقه
دخل بهاج : ترا مشعل وصل
الجد : الله يبشرك بالاخير
ابو مشعل والعمام : الحمدالله
عند الحريم والكل يردد الحمدالله وخايفين على رباب ويدعون لها
عند الريم ويزيد بالسياره
يزيد : شفيتس
الريم وهي تبكي : خايفه
يزيد دخلها بحضنه وهو يضحك : عادي يروحي مطر
رعدت بقوه ودفنت وجها بصدره : يزيد خل نروح البيت الله يخليك
يزيد : ماقدر امشي بالسياره والمطر كذا ياحبيبي
الريم ببكاء : يييزيييددد
يزيد وهو يرفعها ويمسك وجها : شوفيني انا هنا مابروح وحنا بالسياره ماراح يجي شي تمام؟
رجعت تدخل نفسها بحضنه
يزيد : طالعي المطر حلو
الريم : لا
يزيد : ريمييي
الريم : ماااابي
يزيد وهو يرفعها وهو يخليها تشوفه غصب والريم تبكي
باس عيونها والريم صنمت ضحك يزيد وهو يُداعب خشمها يزيد : سبحااان من خلقك
الريم بكت اكثر ويزيد فاطس ضحك علييها
"بالديره وبالمخيم "
خف المطر وصار خفيييفف
اخذ بهاج فروته وطلع ورا المخيم
بدا يتامل السحاب والمطر
اخذ تنهيده وقال :
"ماودتس تجين واقولتس عن شوقي
واعاتبتس تحت سحابه تمطر علينا
لاتردين حبيباً مغليتس ترا اغلب الحبايب
تراضو بليله مطر ماودتس نكسر الحاجز
واسولفتس عن كثر ليلي بدونتس "
اديم من وراه : ليتني اقدر
فز بهاج : اديم
اديم بدموع : جيت اودعك عرسي بعد باتسر
بهاج : تودعيني وانتِ تبين ذا السلوقي؟
اديم : بهاج
بهاج لاشعورياً : ياقلبه
اديم : اعذرني دايم اعذرني والله ماصير ام رعد والله
بهاج : صيري ام رعد لكن اوصيتس على بيتس وارجلتس
اديم : مع السلامه ياللي حبيته بس جبرني الزمن على بعده
بهاج : مع السلامه ياللي حبيتها بس بعدني عنها الزمن
لفت اديم وهي تشاهق والمطر يسابق دموعها وبهاج رجع لمكانه وهو يغطي عيونه بشماغه يمنع دموعه
"غلا ، خالد "
