"نرجع للعيال"
كانتت خييمه كبيره كبييررره بشكل ماتتصورون كانت تحمل رجال وشياب كثير وعيال ومتوسطتهم العرضه والكل يرقص وبصدر المجلس يزيد وجمبه ابو بندر والجد والعمام ويستقبلون الكل والكل يبارك لهم الا يزيد منشغل باله عن خالد ووينه ماجاء
"نجي لخالد "
غلا : خايفه
خالد : معليك انا بوصي خويي وعنده خوات وبنات عم كثير
غلا : بس خايفه يكون احد من اخواني هنا او يشوفني احد من قرايبنا
خالد : خلاص اجلسي هنا ومعك العامله وانا بس بجلس شوي وبرجع
غلا : خالد خايفه
خالد وهو يجلس على ركبته : يعيون خالد اسمعيني والله اقل من ساعتين وانا عندك والعامله هنا بحضر بس واسلم وارجع ونحجز طياره وبأذن الله حنا هناك ورجعنا
غلا : بس الفستان الي شتريته والميكب
خالد : فداك والله
غلا ابتسمت له وردها لها وصاها ماتخاف وطلع
"نرجع"
كان مناف ونايف وفيصل وبهاج والواليد وبندر ومشعل وفهد متوسطين بوسط العرضه ويرقصون ويعززون لهمم وهم متحمسين ويرقصون وكان فيصل حاط الشماغ على كتفه ويرقص بشكل والكل منعجب برقصهم دخل خالد وهو يرقص معهم والكل يصارخ على دخلته ويعزز ومصدومين ايش جابه بس كان يزيد يضحك ومستانس بعد ماشافه داخل يرقص والعيال يصارخون ويعززون له
خطرهم وراح وهو يسلم على يزيد ويحضنه بقوه وبكى خالد من شوقه لصاحب عمره راح وهو محرم يتزوج ورجع وهو معرس شد عليه يزيد بقوه وخالد يشاهق وكأنه طفل ماشاف ابوه من سنييننن هداه يزيد وسلم عليه
يزيد : خلاص عاد بلا دموع
خالد : شي كبير اشوف اخوي متزوج والله
سلم على الجد والعمام باحضان وكان خالد لهم مثل ولدهم جاء مناف وهو يسحبه ويرقص تجمعو العمام والجد ويزيد بالوسط ويرقصو كلهم بالسيوف وفخامتهم تعلى على الكل والعرضه يدقون ويردون وراه
"قلب ابو طلال وقادي من همومه ذاب اجا كله"
"ومن همومه ذاب اجا كله "
"يابعد حيي والاجدادي "
"ارحم الي صابته عله"
"وان ذبحني يابهاج عادي من يحاسب يايزيد خله "
"ومن يحاسب يابهاج خله"
"والنهد رمان بغدادي "
"الشعر بيدينه يفله"
"عزتي من مثلي يدادي وسط حايل ساكنن خله "
وكان هذا البارت يمثل بهاج وكثيييرر
"ليتني وياه في وادي"
"والغيوم من فوقنا مضله "
كان الرقص جميل وفخم والعيال متلثمين ويرقصون بشكل حلو ويستهبلون بين حين وحين وفصل معهم يزيد وبهاج متلثم ويرقص وخانقته العبره
"نرجع لزواج الحريم"
كانو فخمين وراقين بمعنى الكلمه هادي وكان الديكور كلاسيكي وراقي راقي جداً كانو البنات كل وحده تقول الزين عندي وكل وحده احلى من الثانيه عند الريم فوق
كانت متوتره وترجف بشكل ووجها احمرر وفيها البكيه
الجده : مبروك يابنيتي وجعلني اشوف عيال عيالتس
الريم : امين ياجده
الجده : تراني امتس وجدتس ابوتس ولا تستحين مني يامتس
الريم : افا يايمه استحي منتس
الجده : خابرتس
الريم بضحكه وهي تبوس يدها : الله يخليتس لي ولايحرمني منتس ياجده
ام بندر : يلا يالخاله خليني انزلتس عشان الريم تنزف
الجده : اقري اذكارتس يابنيتي ولاتنسين تحصنيني نفتس باست راسها وطلعت وام بندر تساعدها
البنات تجمعو عندها وهم يرقصون عليها ويضحكون ونوعاً ما تطمنت وتحس انها ارتاحت بشكل خفيف بس خايفه وفيها العبره
نزلو كلهم تحت وينتظرونها تنزل
انفتح الباب وطلعت الريم وكل الانظار عليها ويذكرون الله حرفيياا ملاك يمشي على الارض كانت تمشي ومستحييهه ومتوتره بشكل وكانت تبتسم للبنات الي يصارخون ويرسلون لها بوسات من بعيد والجده الي واقف تنتظرها عند الكوشه ومعها ام مشعل وام بندر وام الواليد والبنات وام اديم
وصلت لهم وهي تبوس راس الجده وام بندر ولفت وهي تسلم على الحريم والبنات والي يجونها رقصو البنات حولها والجده وحريم الاعمام كلهم وكانو بقمه فرحتهم الا انسانه تحمل بقلبها حقد وحسد ودعوه على الريم
"جود "
كانت تناظر من بعيد وقامت وكالعاده جايه ومعها كلام يغث الريم وقفت وهي تسلم وتهمس بأذنها : صدقيني ماخذك تسليه وعشان رضى جده وبيرجع لي وبيتزوجني انا لانه يحبني ويبني وباست خدها وبعدت وهي تبتسم بخبث هنا الريم ماسكه دموعها وتحاربها من داخله وتحاول تبتسم لهم بتصنع جلست شوي ورجعت تنزف بتروح خلاص رقصت مع البنات وهي تودعهم ونزلت وراحت الغرفه
"زواج الرجال"
يزيد رجع يعدل شكله مع الرقص والهبال الي صار وزفوه السياره وركب معه بهاج وابو بندر والجد وابو اديم
والعيال الباقي جلسو مع المعازيم والرجال وماتخلا من رقصاتهم والهبال
