"عند غلا وخالد"
غلا : خالد
خالد : لبيه
غلا : كيف عرفت
خالد : شفت الورقه والبطاقه واضح مزوره
غلا : بس هم مادرو
خالد : بس لو ركزو راح يدرون
غلا : يعني بتخليني
خالد : ليه اخليك؟
غلا : لاني صغيره
خالد : اذا وديتك لا اهلك وتطمنت انك بين ايادي امينه بخليك
غلا قشعر جسمها بمجرد طاري اهلها : محد من اهلي يبيني
خالد : غلا عمرك 15 مين راح يمسكك؟ توك صغيره تدرين لو عرفو انك مزوره عمرك والبطاقه سجنوك
غلا بخوف : بس خلاص انا بفصل
خالد : انا قلت لك ، بروح لا اهلي بشوفهم وبرجع ويلا قومي بتروحين معي
غلا : كيف اروح معاك لا اهلك
خالد : بخليك بسياره لانو من هناك بنروح المطار
غلا : تمام وقامت وهي راجعه كانت لابسه عبايه وشنطتها بيدها
خالد سكر النور وقفل الباب كم قفله وطلعو بالسياره
كانت تطالع شوارع الرياض وتتاملها اشتاقت كثير لها صح انها بعمر صغير بس ماتنكر انها اشتاقت لا ابوها ولجدتها ولا امها واخوانها
خالد : شفيك سرحانه
غلا : مافيني شي
خالد : وش تبين ناكل
غلا : ماشتهيت ابي ارجع
خالد وقف قدام البيت : بسلم بس وبرجع ولا تفتحين لحد الباب ابداً
غلا : لاتتاخر
خالد ابتسم ونزل وقفل السياره
طالعت غلا السياره وبدت تفتش فيها فتحت الدرج وضحكت بطفوله لما شافت الشريط الي تحبه بدت تقلب فيه شافت مافيه احد وفصخت الطرحه والعبايه وفكت شعرها وتناثر حول رقبتها
غلا : اممم ليه يعاملني كذا وليه اصلا يتكلم معي كذا يع ماحبيته لا حبيته بس بيتركني ادري لا لا مستحيل اصلا هو يحبني غبيه انا كيف يحبني الا يحبني متاكده انا
"بعد نص ساعه"
غلا : افف ياخييي طفشش ذا طول مره قال بس بسلم
خالد فتح الباب : تاخرت عليك؟
غلا : لا عادي
حرك السياره ومشو وقفو ببيت استغربت غلا وعقدت حواجبها بستغراب!
خالد : دقايق وجاي" راح ورجع ومعه ورقه " امنتك بالله ماتقرين وتوقعين بس وقعت غلا بخوف بس ماهتمت كثير
البنات "الزواج"
خلص الزواج على خير مافيه تفاصيل كثيييرر غير مهاوشات روان وداليا مع جود انتهى يومهم بخيره وبشره
عند البنات بغرفتهم
روان بكره وغثه : والله لا العنها
داليا : انتِ شفتي كيف الريم طلعت وجها منصفق؟
حنان : خلاص هدو وبتزين الامور نامو الحين وهين
ريفان : بنات لاتشرهون والله بقره
اديم وهي حاسه انه ريفان مستحيه منها : ماعليتس هين
ريفان ابتسمت وردت لها الابتسامه
عند بهاج بالمجلس ومافيه الا هو لن العيال نايمين بالمقلط انفجر بكاء بمجرد ماتذكر ان زواج اديم صار الاسبوع الجاي بكاء وطلع كل شي وكانه طفل يدور حضن امه تلثم بشماغه السكري وعليه فروته البنيه دخل قصي بستغراب من بهاج وهو يقول : بهاج شفيك انادي احد
بهاج : لا حبيبي بردان بس
قصي جاء جلس جمبه وهو يتنهد وحط يده على خده
بهاج : وشبك
قصي : احب ميرال بس ماتحبني
بهاج انفجع وماتوقع : اما
قصي : اي والله بس هي ماتحبني
بهاج : توك ورع
قصي : بهاج
بهاج بتنهيده عميقه : الحب مو حلو
قصي بتركيز : ليه ماتزوجت اديم انت ولد عمها وهي بنت عمك
بهاج سكت بعدين قال :
لاتزيد الجرح ياصغيّر السني
لاتعذبني يابو قذله هله
كان ظنك عشيري على ظني
لاتضر الروح منت بعدوٍ له
ولابه اسباب على شان تقتلني
ماذكر خلٍ قتل بالهوى خله!
-
قصي : مافهمت
ضحك بهاج بغصه وهو يداعب شعره بعفويه : اذا كبرت عرفت ياحبيبي
قصي ابتسم ورد له الابتسامه بهاج
عند ادييم ببكتت وبكت وبكت وكانها تترجى ربها يبعدها ويحل مشكلتها دق جوالها وشافت اسمه شهقت وهي خايفه وقامت من المكان
ابراهيم : هلا بالحلوه
اديم بخوف : ايش تبي
ابراهيم : بدينا
اديم : ايش تبي مني ياخي اتركني بحالي
ابراهيم : اجل تحبينه؟
اديم : مالك دخل
ابراهيم : ترقبي العذاب حبيبتي والله لا اخذ حقي منه
اديم : ايش ذنبي طيب ايش؟
ابراهيم : لانس نقطه ضعفه
اديم : مالي دخل بمشاكلكم انت وهو تكفى خلني
ابراهيم : اخليتس وتوصل رسايل الاوراق لا ابوتس؟
اديم : الله ياخذك
ابراهيم : وياخذتس
اديم : شتبي الحين داق؟
ابراهيم : هههههههه بقولتس بس العرس اسبوع الجاي عساتس مانسيتي
اديم : الله ينسيك اخلقك
ابراهيم : وقسم والي حل القسم لا تشوفين لا اوريتس الويل
اديم : يلا بس
ابراهيم : قدها؟
اديم : شعندك؟
ابراهيم سكر وضحك بخبث
اذن الفجر ونوعاً ما بدو يصحون وعند يزيد والريم
يزيد صحى ولقاها صاحيه : شفيتس؟
الريم : مابوه شي
يزيد : اذن؟
الريم ببتسامه : ايوه
يزيد ابتسم لها وقام يتوضى ويصلي الفجر
وهي قامت معه صلو وجلسو بالصاله
يزيد : ياعزتي لبهاج عرسها الاسبوع الجاي
الريم : ياخي اديم فيها شي والله
يزيد : لاتدافعين عنها صدقيني لو وش ماتتخلا عنه كذا وبدون سبب
الريم : وانت شعرفك
يزيد : ابراهيم ذا الملعون مستانس وهو يشوف بهاج كذا
الريم : ليه بينه وبين بهاج شي؟
يزيد : اي زمان ذا ناشب لبهاج وحصل بينهم مشاكل ولين كبرت معهم وبغت توصل للذبح
الريم : الله يكون بالعون
يزيد : امين
الريم : بنروح اليوم
يزيد : لا ياقلبه ابوي وده ينقل الديره وقال انهم اليوم بيرحون لديره يشوفون بيت قريب من بيت ابوي طلال
الريم : وعماني
يزيد : معه ببيت واحد وجالسين يدورون بيت كبير
الريم : زين
يزيد : انتِ متى تبين نرجع بيتنا؟
الريم بتفكير : بكرا عادي
يزيد : ليه بكرا
الريم : تبي اليوم؟
يزيد : لا ابي استفرد بزوجتي يصلح؟
الريم قلب وجها احمر وهي ترمي عليه المناديل : سامج
يزيد : هههههههههههههههههههههههههههههههههههههههههههههههههههههههههههههههه
