الدكتور : اعتذر لكن متكسر من كل جهه ودخل بغيبوبه ومحد يدري متى يصحى
يزيد تجمعت الدموع بعيُونهه وشد على يد الريم : يعطيك العافيه
حضن الريم وهو يدفن وجهه بشعره ويشاهق بكل قوته : الريم بهاج راح من يدي وانا السبب ! انا الي طلبت منه يجي الريم والله ماسامح نفسي دخل مناف والعيال وراه والجد وهو يرجف والاعمام ووجيهم منصفقه ومتغير لونها الجد وهو يرجف : يزيد وين بهاج شفيه وويييننه؟
يزيد مسك يد الجد وجلسه وهو يشربه مويه : هد ياجدي هد دف الجد المويه وانتشرت بالارض وبعصبيه وخوف والغصه ماليته : بهاج اقولللكك ببببهااااجج !!
يزيد : دخل بغيبوبه وماندري متى يصحى
شد راسه الجد بقّله حيله وكاتم بكيته : والريم واقفه بعيد عنها ومتكتفه ودموعها تنزل بكل هدوء طالعها يزيد بستغراب من انها هاديه كذا ! وقف وهو يروح يطالعها بستغراب : الريم شفيك؟
الريم وهي تمسح دموعها من ورا نقابها : مافيني شي
يزيد ابتسم ابتسامه تمليها حزن وضيقه وصل الدكتور لهم : اتمنى ماتجلسون هنا لن ماله داعي واي شي يصير شي معليكم بخبركم اول بأول
ابو الواليد : اجل مشينا امي والحريم هناك مختبصه قلوبهم ومامعهم احد
الجد وبعصبيه : مابروح
يزيد وقف ونزل لمستواه وهو يحط يدينه بين رجول الجد : طلبتك ياجد طلبتك انك تروح ولا تتعب كفايه بهاج الي طايح الحين ونزلت دموعه بحرقه تكفى لاتردني مسحها الجد بحنيييه وباس راس يزيد وهو يحضنه ويسمي عليه فهد واقف ببرود وبعيد عنهم شوي ومناف مع ابوه الي عجز يكتم نفسه والعيال الباقين واقفين مع الجد والاعمام مسك ابو الواليد الجد وابو مشعل ماسك ابو بندر ومشو كلهم وباقي الريم الي ماتحركت بمكانها باقي مسك يدها يزيد وهي تمشي معه بدون هدف
الممُرضه لمار بتصنع ودلع : لاتخاف عمك بعيوني
يزيد بتنطيش وبرود : جزاك الله خير بس انا بمسك حالته وتعرفين اني غيرتك الحين تقدرين تروحين مع الدكتور بسام خذاك
لمار ابتسمت بحزن وراحت والريم باقي واقفه تطالعها بقرف كملو طريقهم ووصلو البيت بعد ساعات مُتعبه واول مره يدخلون البيت والضيقه ماليتهم ملي ! فصخت الريم عبايتها وجلست فوق الكنب ودخلت على الصور المخفيـه " صور حادث اهلها وصور امها وابوها كلها " بدت تطلع شهاقاتها وهي تحاول تكتمها بس ماقدرت سحب يزيد الجوال ورماها مسكها من كتوفها وهو يحركها يبيها تستوعب بدا يسمي عليها وكل مره شهاقاتها ورجفتها تصير اقوى ! صرخ وهو يقول : ابكي لاتكتميييننهاا الريييم ابكي ! رمت نفسها بحضنه واستسلمت لكل الصرعات بداخلها يزيد يقرا القران ويرتله وكأن صوت طمنينه لها شالها وهو يدخل الحمام ويغسل وجها وباقي ترجف همست بذنه بشهقه : بـ.ردانه
حطها على السرير وهو يلبسها بلوفرها ورجعت ترتمي على صدره ويمسح على شعرها ويردد ايات القران لجل تهدا شدت عليـه اكثر ويده محاوطتها كلها دخلت بنومتها وبدا الافكار تجيبه وتوديه ثبت الريم وغطاها بشويش وطلـع الصاله جلس وهو يحط يده تحت رقبته ولازال حاط اللوم عليـه ابتسم بمُجرد ماتذكر ايامه معه
بـيت سُلطان
البندري : مهند بلا سماجه بسرعه رح جبه !
مهند : البندري شسوي ماقدر يعيي
الين : تقدر تروح الحين وكان بطنك يوجعك وتجيبه
مهند : خلاص خلاص بروح بس انتو انزلو
نزلو البندري والين بحّذر وقفو قدام الباب الخارجي ينتظرون مهند يجيب مفتاح السياره
اخذه مهند بخوف وطلع بسرعه نزل يركض وهو يضحك بفرح واطلعو بسرعه وشغلو السياره وركبو
الين وهي تضحك بفرح
مهند : الله وين بنروح
البندري : بنروح بيتي
الين : تكفين ابي البقاله من زمان ماطلعت
البندري : يلا وقفت عند البقاله ونزلو كلهم
اشترو وحاسبو واطلعو
مهند شبك جوالها بسلك سماعه السياره وشغل شيلات
الين : يع وشو ذا غيره
مهند : كيفي
الين بصراخ : غغغيييررره !!
البندري : وجع طفوه مير ولحد يشغل شي
مهند كشر وفصله بقوه
البندري : مالت بعد مالت
الين ضحكت وهي تاكل الشوكلت الي معها : البندري عندك بنات صغار ببيتك
البندري : لا عندي اولاد
الين : يربي
البندري : انا عندك
الين : اف
مهند : اساسا العيال احسن من البنات واكثر منهم
الين : البنات احسن من العيال لانهم حلوين
مهند : بس العيال اكثر واذا صارو اكثر يعني حلوين
البندري وقفت قدام باب بيتهم : خلاص اشغلتو راسي يلا انزلو ،وانزلو ووقفو ورا البندري بخوف وشويه حماس
البندري : شويه ادب وهدوء عشان يتقبلون العاصفه
فتحت الباب وكان موجود بالصاله زوجه راشد وراشد وعياله وريان وام خالد البندري : هاي
مهند وهو يهمس لـ الين : بطني اوجعني
الين بصوت عالي : البندري مهند بطنه يوجعه
مهند صقعها براسها وصرخت الين بوجع
ام خالد بعصبيه : انتِ ويييننك؟؟ وذولي منهم بعد
البندري : شفيك مامي هدي شوي ذول عيال زوجي الحلوين وهي تأشر عليهم مهند والين
راشد قام وهو مايشوف من العصبيه وعيُونه تطلع شرار : تستهبلين ياقليله الادب هالدرجه رخصيه متزوجه من ورانا ولا بعد جايبه منه عيال ؟
البندري بضحك مُستفز : لاتخاف ماني من اشكالك
دفعها على الارض ورفسها بس بحُكم انها قويه قامت ودفتها وجلست على الكنب وجمبها الين الي ترجف بخوف وريان يطالعهم بضحك من خوفهم
ريان بروقان : يحياتي خوفت عيال اختك حرام عليك
ام خالد : ريان مو منجدك ؟
ريان : لاني واثق وعارف ان البندري ماتسوي كذا والحمدالله مو نفس تفكيرهم انتو تتسمون اهل؟ ههههههههه ضحكتوني والله
زوجه راشد : ليه ماتتوقعها دامها تدخن توقع منها اي شي
البندري : انتِ سدي حلقك واسكتي ميته ع اخوي عشانه فلوسه يالمريضه
راشد : الزمي حدودك !
البندري : تزعل من كلمك الحق ؟ تمام انا اقولك انت متزوجها عشان تسكت ابوي وهي متزوجتك عشان تبلع فلوسك يالمُغفل
راشد : سدي فمّك لا اجي اسده
زوجه راشد مسكت ولدها وراحت
البندري : روحه بلا رده ان شاء الله وانت يلا الحقها
راشد ردع الباب بعصبيه
ومهند سكر اذنه
البندري : ورع استرجل
ام خالد : طلعيهم
الين قامت وهي تمسك خصرهاا وتطير عيونها على ام خالد : هذا بيت البندري انتِ اطلعي مانبيك يالعجوز
ريان حمر وجها من كثر ماهو ماسك ضحكته البندري وهي كاتمه ضحكتها : لينو عيب حبيبي هذي بحسبه جدتك
الين : يع
مهند قام وهو يحب راسها ويضحك : حدك علينا ماما ولف على البندري شسمها؟
البندري : منيره
مهند : ماما ميمي
ام خالد دفته وراحت بعصبيه
والبندري وريان فاطسين ضحك على حركاتهم
الين راحت وصفقت ريان بيدها الصغيره : بالله عليك وش الي يضحك ياغبي
ريان : لا هذي قويه عاد
مهند حب راسه : حدك علينا ريانو صح علي اي صح انت ريان
ريان : العبب يعرف اسمي بعد كفو عليك
يزيد والريم
اذن الفجر وقام يصلي وصحى الريم تصلي صلو واطلعو لبيت الجد ركبو السياره والصمَت سيد وصلو ودخل يزيد مقلط الرجال وكانو كلهم ساكتيين وجيهم باينه عليه الحزن دخل يزيد وحب راس جده وابوه واعمامه وجلس همس لبندر : مارحتو المُستشفى
بندر بنفس الهمس : ننتظر جدتي تهدا لن توها تدري
يزيد : ليه ماقلتو لها امس
بندر : دخلنا ولقينها نايمه وماهو بزين نروعها بنومتها
دخلت ام طلال ودموعها بعيونها فزو كلهم ومن ضمنهم ابو طلال قام ومسكها وجلسها راح ابو مشعل وهو يشربها المويه ابو طلال : هدي يايمه هدي مابلا الا الزين ان شاء الله
ام طلال بحاله انهيار : وليِدي راح وليدي راح
ابو طلال : استهدي بالله يامره
ام طلال وهي تمسح دموعها بشيِلتها : يابو طلال وليدي
ابو طلال يمسح على ظهرها ويحاول يتمّساك دموعه : يارب وانت ربي يارب وانت ربي
دخل مناف ووجه منقلب ودموعه بعيونه اردف وهو يقول : بهاج توفى دماغياً
يزيد شهق وكل الي بالمجلس يرددون : "لاحولا ولاقوه الا بالله "
ام طلال وهي تذكر الله وتبكي بوجع وحرّه ولدها الصغير ميت دماغياً بكت ولدها بكت فقده دخل ابو اديم وابو ابراهيم وابو عواد حضن ابو طلال ابو اديم وهو يبكي وابو اديم يطبب عليه يزيد شاف ابو عواد يرجف بصدمه وراح يقعده والعيال حُوله وابراهيم وابو ابراهيم جالسين وابراهيم يتبسم ليزيد بستفزاز قام يزيد وهو يمسح دموعه بغضب وعنف صفق ابراهيم وطرده
ابو طلال بصرخه وحده : يزيد !
ابو ابراهيم : افا يايزيد هذا وانت العاقل وطلع
ابو طلال : الله ينقدك ياربي انت خبل وصرخ خبببل!
يزيد : يستاهل ابن الكلب يسستااهل هو سبب هو السببب
ابو مشعل مسك ام طلال وطلعها للمجلس
ابو طلال وهو يهدد بصببعه وبعصبيه وغصه : هذاني احذرك يايزيد احذرك واقولك لاتخلي حزنك يطغي عليك لاتخلي حززنك وشد الكلمه يييطغي عليك
يزيد تلطم وطلع وصرخ بـ اسم : الرييييمم
طلعت الريم بخوف عليه بعد ماقالت روان بهاج مات دماغياً وخافت من رده فعله : سم
يزيد مسكها ودخلها المجلس الصغير وانسدح على رجولها وبحزن : راح اخوي راح
الريم بدموع من حالّه : لاتقول كذا والله بيرجع وبذكرك
يزيد : تكفين شسوي شسوي
الريم : يزيد اذكر الله وقم صل وادعي له حالك هذا مايسر عدو ولا رفيق
يزيد قام وهو يمسح دموعه بشماغه ورفع اكمامه بيطلع يتوضى الريم تسندت وهي ترفع جلالها بتطلع واسوقفها صوت يزيد وهو يقول : اجلسي لاتطلعين مابطلع معهم
الريم : ابوي رعد ينتظرك يايزيد لاتخوفه عليك بعد
يزيد : الريم طلبتك نص ساعه بس
الريم : ابشر وجلست
صلى ورجع يسندح على رجلها ووخر شماغه وتناثر شعره الكثيف بدت الريم تلعب بشعره ويزيد متمسك فيها بالقوه ودموعه تنزل بخوف من انه يجي خبر يوقف قلبه صدق دق جواله وشافه رقم وانتثر بقلببه الخوف
الريم : سم بالله ورد عادي
يزيد رد : وعليكم السلام اي هلا ايش الحاله تمام تمام عشر دقايق وجاي قام وهو يقول عندي حاله حرجه لازم اروح خبريهم
الريم : تكفى خل احد من العيال يروح معك
يزيد اخذ مفتاح سيارته وبعجله : الريم انتبهي لتس ساعتين بالكثير وراجع اي شي يصير دقي علي
وطلع تنهدت الريم وهي تدعي ربها ماتفجعها بخبر يوجعها ويوجع سندها
