الجده وهي جالسه مع الريم : عساتس مرتاحه يابنيتي
الريم ببتسامه : اي ياجده الحمدالله
الجده : ماودس تروحين معنا الديره
الريم : الا ان شاء الله هذاني جهزت اغراضي
الجده : غرفتس وموجوده والي تبينه لعيونتس نحطه
الريم : مابغيت الا شوفتس انتِ وجدي
الجده : الله يلحقني خير واشوف عيالتس يابنيتي
الريم : ابد يمه واعتبري اول بنت نوره
الجده : يانوره بنت الريم يانها بتصير غاليه نفس امها
الريم ابتسمت وهي تبوس راسها
دخل يزيد ونزلت الريم جلالها عليها
الجده : يالله انك تحيييه يالله
يزيد نزل يبوس راسها ويديها : يجعلني ماخلى من ذا الصوت
الجده : علومك يمه
يزيد : علومي تسرتس
الجده : افا علامك
يزيد : ابد الشغل وهدت حيله ياجده
الجده : ياوليدي لاتنسى انه وراه اجر وانت تحيي روح الاوادم بعد الله
يزيد ابتسم : ابشري ، شلونتس يالريم
الريم بصوتها العذب الناعم : الحمدالله بخير وانت
يزيد : بخير بعد شوفتس
الريم سكتت ودها تذبحه وهي تشوف الجده تضحك على خجلها
الجده : قم جهز اغراضك يالله ماعندك الا يومين
يزيد : ياصبري بس
الجده دفته بعصاتها وطلع وهو يضحك
دخل بهاج ورفعت الريم جلالها عن وجها
بهاج : حي الله الرييم
الريم : الله يبقيك
بهاج: من جيتي واميمتي نست اني اخر العنقود
الريم ضحكت: وخر عاد هذي جدتي
بهاج: يمه شوفيها
الجده وهي تحاوط الريم وتحضنها : بنت وليدي عاد
بهاج : الله يالدنيا ووليدس ساحبه عليه وانسدح على رجلها
الريم قامت : انا ياجده استأذن بقوم اشوف باقي الاغراض
الجده : اذنتس معتس يامي وراحت
بهاج: يايمه كيف روح بهاج
الجده فهمته : بخير ياحبيبي بس انت اصبر
بهاج قام بضيق : صبرت
الجده : انت تعرفها وتعرف وش صار لها
بهاج : يايمه عمي معقدها بعد
الجده بضيق : قم جهز اغراضك بنملك يزيد ونمشي بهاج بدا يقل تنفسه وتمسك بقميص الجده وهو يدفن نفسه فيه : خليني يمه خليني مابي الديره اذا هي بتقلب مواجعي
الجده : يلا بهاج قم
بهاج حس انه بيدوخ وتمسك وو*****
