تفاعلو وتوقعو الاحداث الجايه وبكمله ..
"عند البندري بالصاله "
ام خالد : يابنيتي وش تبين فيه
البندري : يمه معليش لكن انتِ اخر وحده تتكلمين !
ام خالد : عيب عليك ترفعين صوتك علي
البندري : يمه من يوم عمري خمس سنين وانتِ تاركتني ترا محد رباني غير الخدم ولا بعد هايته مع ذا الي تعرفينهم
ام خالد وكانها مويه بارده انكبت عليها : انتِ وش جالسه تقوليينن؟؟
البندري : ايه يمه الحقيقه تخوفك؟ ولما تقولين ابوك وابوك ابوي بالحلال بس انتِ بالحرام يايمه بالحرام !
ام خالد بخوف : يالبندري انا جالسه اسوي نفس ابوك مايسوي ! هو عايش حياته انا بعد بعيش حياتي!
البندري : واخواني لو درو وش رده فعلهم! يمه ولدك متزوج وولده بيدخل الروضه ترا ؟
ام خالد : لو عرفو بيكون منك عشان كذا اسكتي ولا تخربين حياتهم
البندري وهي تقوم تاخذ مفتاحه : لين متى نشوف عاد وطلعت وهي فيها البكيه بس من لما جاء عمرها 15 وهي ناسيه كيف تبكي وحاطه براسها البكاء ماراح يسوي شي غير انه بيتعبها اكثر ركبت سياراتها وهي ترسل لنواف تقابله والحين رد عليها يقابلها بمكانهم المعتاد ابتسمت ومشت وهي تحاول تشوف الطريق زين قبل تدوخ كعادتها وصلت وشافت نواف ينتظرها نزلت وهي تقفل السياره وجلست جمبه
نواف : شفيك؟
البندري : ماعلينا مني خلاص خذ فلوسك ورح
نواف : مستحيل اتركك ! قلت لك اني معك دايم ل
بفلوس او بدونها
البندري ابتسمت بضيقه : مالك ذنب بمشاكلي ولا بركضي ورا غازي
نواف : البندري خالد قالك شي صح؟
البندري بكذب : لا وش دخله
نواف : خلاص انا ببقى معك لين اموت زين؟
البندري : نواف روح والله خلاص انا ماحتاج
نواف : لايكون عشان الفلوس ؟ ترا والله لو إبي توظفت بشركه ابوي بس انا مابي ! انا ببقى معك عشانك مو عشان فلوس
البندري : ياخيي نواف احببببكك
نواف : اكثر يعيون اخوك ولا عاد اشوفك تقولين كذا فاهمه !
البندري : ان شاء الله
نواف : تدرين اجوان ردتني وضحك بسخريه
البندري : معليك منهاا واضح انها اساسا شايفه نفسها من يوم شفتها ذاك اليوم وانا مو بالعتها ولو تبيني ادور لك من الحين عروس ادور لك ليه لا
نواف ضحك : انتِ ويييننن والحب وييننن قومي قومي بس نلعب
البندري قامت وهي تضحك ونواف وراها
( نواف صاحبها من يوم عمرها 16 وهو معها مابين علاقه غير الاخوان واهلها يعرفون بس اهله مايعرفون )
رمى عليها الكوره وردتها وهي تضحك بخبث : تشوف مين يدخلها اول
نواف ضحك : اوريك
بدو يلعبون ودخلتها
نواف : غشاشه
البندري جلست وهي تمسح وجها : لا بالله عشاني فزت بس
نواف ضربها براسه بخفيف : بجلدس
ضحكو مع بعض وهم يمشون
نواف الي يوصل للسياره اسرع هو الي بيفوز
ركضو بعد وصلو لعدد { 3 }
بالديره وتحديداً واديم تنزف مع ابراهيم
جات بتركب السياره وقفوهم صوت الحاد ويتميز ببحه
بهاج عطها ورقه صغيره : عانيتي لتس يابنت العم وببتسامه كله خيبه استودعناك الله مشى وهو يتلثم والباقي مانصدمو بالعكس كانها هديه بس محد يدري وش مكتوب فيها ! الا اديم الي حست مكتوب فيها شي غير عن الي يتوقعونه هم اشتعل ابراهيم وهو يدفها تركب بدون محد ينتبه خنقتها العبّره من حركته وهي اول ساعه كيف الايام؟ عدلت غطوتها وهو ركب والكل فرحان لهم مشى للبيت وهي متوقعه فندق بس بختصار ابراهيم متزوجها كا يقهر بهاج وياخذ حقه منه ! دخل البيت وهي وراه كانت تحاول تصد ماتبي تشوفه ابداً وهو فصخ شماغه وجلس فوق الكنبه : غيري لبسك وتعالي دلها الغرفه وهي بدلت وهي تمسح مكياجها ودموعها تتسابقى مسحتهم وهي تحط مرطب شفايف ومسكره شفافه خفيفه ورفعت شعرها ذيل حصان ولابسه بجامه هاديييه جداً طلعت وجلست بعيد عنه
ابراهيم : شرفت حبيبه بهاج وضحك بستفزاز تبين اكل ؟
اديم : لا شكرا
ابراهيم : عناد بس بتاكلين ولا تتوقعين عشاني ابيك تاكلين خايف عليك ههههههههه لا ياحبيبتي عناد بس
اديم تجمعت الدموع بعيونها بس سكتت راح بدل ثوبه ورجع على ماوصل الاكل صار ياكل وهي صاده قرب منها وقرب الاكل معه : يلا كلي
دفت الاكل وقامت وكان بيطيح بس مسكه ابراهيم وهو يحطه فوق الطاوله مسكها من يدها وهو يصفقها كف لما طاحت بالارض ماتوقعت انه يضربها باول ليله معه !
طاحت دموعها وهي تحاول توقف وراحت قفلت باب الغرفه عليها حطت يدها على فمها وهي تشاهق وتبكي بببقوه دفنت وجها بالمخده وهي تنادي بأسم بهاج
بعد مرور عشر دقايق دخل ابراهيم على نطقها وهي تقول { تكفى يابهاج } قلب وجهه احمر من قوه العصبيه وهو يدفها للجدار ويضرب فيها وخر عنها بعد ماحس بالدم بيده وقف وهو يشوفها مرميه بالارض رفعها ورماها على السرير قفل الباب بالمفتاح وطلع من البيييتت
وقفت على حيلها بعد محاولات وهي تشاهق وماسكه خشمها الي ينزف وقفت قدام المرايه وهي تطالع الكدمه اللي حول دقنها وبين رقبتها بكت بحّرقه وهي تدعي ربي ياخذه راحت الحمام وهي تاخذ شور وتبكيي وكل نقطه بجسمها تالمها ، نرجع لبهاج تلثم وركب سيارته وهو يحاول يلقط انفاسه ضبط شماغه ورجع يكمل العرس الطبيعي عشان محد يشك فيه تقريباً بعد ساعتين خلص العرس بعد العشا والكل رجع بيته وكانو مجتمعين ببيت ابو اديم والحريم والبنات بالمجلس
روان : لهاا فقده والله
ام اديم : كيف بجلس بالبيت لحالي
ام طلال : افا بس وانا ويني بناتي بناتس
ام اديم ببتسامه : يالبى قلبك يام طلال
ابتسمو الكل على حُب ام طلال وام اديم لبعض وكانهم خوات واكثر !
الريم : يعني يوم تزوجت فقدتوني كذا
امل بكذببب : اووو مرتاااحين لا هوشات ولا شي
الريم : يمه نوره شوفيها
ام طلال : خليتس منها هي اكثر وحده بكت
روان : منجد صادق امول مرتاحين بدون احد يهاوشني وجالسين بهدو وروقان واسترخاء
داليا : روقينا يام استرخاء انتِ هههههههههههههه
اضحكو الكل
ام طلال وهي تقوم : يلا يلا كل وحده على فرشه ببنام اليوم هنا
الكل راح لفرشه ودخلو الاغلب بنومه عميييقه الا الريم كعادتها طلعت وهي تطالع القّمر والسحاب حوله ابتسمت من جمال المنظر شافها يزيد وجاء من وراها وهو يقول : تطالعين شبيهك؟
ابتسمت الريم وهي تلف له : اشتقت لك
يزيد وهو يبوسها بخدها : مين اللي لاهي عن الثاني
الريم : انت
يزيد : اكذبي اكذبي
الريم ضحكت
يزيد : ياربي جعلني ماخلا من ذا الضحكه
الريم ابتسمت
يزيد وهو يقرص خدها : ابوسسس الي يستحون والله
الريم : يييزيد !
ضحك وهو يمسك يدها ويسحبها ورا البيت
انسدح وهو تحته زوليه وانسدحت جمبه وعيونهم على السماء
يزيد : تدرين اول وش يسمون النجوم؟
الريم : وش
يزيد : نجوم يزيد
الريم ضحكت : ليه
يزيد : يوم كنت صغير كنت دايم اسمي النجوم بأسماء وصارو كل ماشافو نجوم كثيره قالو نجوم يزيد
الريم : تدري دايم لما تجي ليله قمرّا ابوي ياخذني للسطح ويقول تامليه ولما ارفع راسي وهو ينزله كل مره نطلع للسطح ولماا سالته قال مايحتاج ارفعه واطالع فوق وانا عندي شبيهها تحت طاحت دمعتها من تذكرت ابوها وامها
يزيد : انشهد ان عمي صدق بذي ! مسح دموعهاا وهو يحضنها يابابا ترحمي عليهم
ترحمت وهي تدفن وجها بصدره وهو شد عليها وهو يلعب بشعرها
يزيد : خلاص عاد ماتبين تشوفين نجوميي؟
الريم رفعت راسها وهي باقي بحضنه ابتسم من ابتسامتها
