عند الريم وهي تمسح فمها وتغسل
اديم : وش تحسين فيه؟
الريم ببكاء : ولاشي
امل : شفيتس تصيحين؟
الريم : مدري
ريفان : اذا يوجعتس شي ناديت احد يوديتس
الريم : خلاص مافيني شي
ريفان : الرييمم!
الريم : يالله منكم والله مافيني شي
امل : تتدلع علينا بس ههههههه
الريم وهي تضربها بمزح : ياشينتسس
اديم : يلاا العشاء
الجد وهو ينادي بصراخ : ياعررببب
امل : سم
الجد : عطونا العشاء ابو ابراهيم وولده هنا
امل : ابششر
الجد : تبشرين بالجنه ويلا عجلو
راحو يجهزون العشاء وعند الرجال
ابو ابراهيم : الله يمهلك يابو طلال
الجد : جعلك تسلم
ابو ابراهيم : انا والله جيت ودامكم مجتمعين بخطب بنت ابو اديم لا ابراهيم على سنه الله ورسوله
يزيد طالع بهاج بسرعه وبهاج يطالعه
ابو اديم : هذي الساعه المباركه وابراهيم والنعم فيه والرجال وكفو
ابو ابراهيم : ماعليك زود
بهاج طلع ويحس نفسه بيختنق ويزيد لحقه
يزيد : تستهبل انت؟ كيف تطلع بيشكون فييييك
بهاج: يزيد بتروح لغييري افهمممم
يزيد : اهدا انتت ياخي اهدا
ابو اديم وهو ينادي : بهاج وانا عمك ب
بهاج وهو يتلثم : سم
ابو اديم : شرايك انت؟
بهاج : في ايش ياعم؟
ابو اديم : في ابراهيم
بهاج بغصه : رجال والنعم فيه
ابو اديم : اجل اذا تقدر ناد لي اديم
بهاج : ابشر وراح
اديم وهي جاييه : سمم يابوي
ابو اديم : ابراهيم ولد ابو ابراهيم خطبتس شرايتس فيه
اديم بصدمه : جد؟
ابو اديم بستغراب لصدمتها : اي ليه؟
اديم : مدري بس ماكان ابراهيم كبير يبه
ابو اديم : اثنين وثلاثين عادي انا متزوج امتس وهي عشرين وانا اربعين
اديم بتوتر : الي تشوفه انا راضيه
ابو اديم : يعني نعطي كلمه لرجال؟
اديم : اي يبه وراحت
ابو اديم : الحمدالله ورجع للخيمه
ابو ابراهيم : هاه يابو اديم
ابو اديم : مبروك
ابو ابراهيم : وافقت؟
ابو اديم بفرحه : اي
ابو طلال : مبروك مبروك وبدو الي بالخيمه يباركون بختلاف الردو الا بهاج الي متلثم وساكت وعيونه بالارض يمنعها تنزل دموعه طلع وراح وهو ينادي الرييم
الريم بخرشه من وجهه : شفيك؟
بهاج : طلبتس
الريم : سم
بهاج : الليل على الساعه وحده جيبي لي اديم بكلمها تكفييين
الريم :بهاج تستهبل؟
بهاج: لا اول مره اطلبتس لاترديني
الريم : بهاج اخاف من جدي!
بهاج : ابوي بيكون نايم ومحد بيكون موجود
الريم : ووين اجيبها؟
بهاج: اذا طلعتي من المخيم وراه على طول بتلقيني
الريم : تمام ابشر
بهاج: كفوو
الريم : كفوك وبدخل قبل امي نوره تخاف فيك شي
بهاج : استودعتك الله ولا تنسين انتبهي
الريم : ان شاء الله ودخلت
الجد : وينك انت رحت
بهاج : تعبان شوي
الجد : من الطردي والمناهق بذا الليل
بهاج : امس نمت ماسهرت
الجد : بتكذب علي بعد
ابو اديم : اذكر الله يابو طلال تعرف انت الشباب
الجد بعصبيه : اعرفهم بس ذا الطايش ماى بيعقل
بهاج : خلصت يبه
الجد : انقلع عن وجهي ولا اشوفك
ابو ابراهيم : حنا نستاذن وماقصرتو
الجد : تعشو
ابو ابراهيم : ودنا بس تعرف المره بالبيت وبناتها ببيوتهم
الجد : اذنك معك
وطلعو ابراهيم وابوه
