دخلو المزرعه وكان فيها اربع غرف غرفه للعيال وغرفه للبنات وغرفه للحريم وغرفه لا للجد والجده
جود بدلع يغث : يعع كيف بنام على الارض ولا بعد تراب
الريم : ليه شفيه المكان بالعكس حلو
جود : اي ماستبعد يعجبك شكلك تنامين على الوصخ والارض
الريم بفخر : ههه مو عبدالله الي يخلي بنته تنام على الارض
جود : عبدالله بقبره
الريم : بقبره الله يرحمه بس ياعزتي للي ابوها حي وتاركها عند الغراب
جود سحبت شعرها بقهر ونزلتها للارض بعدت عنها ريفان بصعوبه
ريفان : انتِ مجنونه كيف تمدين يدك عليهاا؟؟
جود ضحكت بستفزاز وراحت
ريفان : تعورتي؟
الريم : لا لا ماعليك خل نطلع برا
طلعو برا والعيال والعمام متجمعين على الفطور
ريفان : حسسااافه جالسين برا ولا كان طلعنا قبل الشمس تحتر اكثر
الريم تربعت على الارض تتامل نص الباب حق الحوش وجلست ريفان جمبها
ريفان : الريم
الريم : لبيه
ريفان : كيف تاقلمتي معنا كذا ودخلتي معنا
الريم ابتسمت : احسكم خواتي واكثر صح يوم بس الي جمعني فيكم بس صدق ارتحت لكم مره
ريفان : وحنا والله لاتشرهين على جود كلنا متأزمين منها ترا
الريم : عادي بس روان غريبه
ريفان : هههه ليه
الريم : مع مناف يعني مره ميانه عكس العيال الباقي
ريفان : اي روان ومناف اهبل شخصين بالعائله صح روان مجنونه مره تتغطى عنه ومره تنسى وماتتغطى هههه
الريم انفجرت ضحك عليهم
روان جات تركض : سمعتتت اسمي ترا
الريم : وانا سمعت وحده هبله تتغطى مره عن ولد عمها والمره الثانيه تنسى
روان : ههههه تحشون فيني عادي مناف مايشره لانه نفسي
داليا وهي جايه : يلا بنات الفطور
الريم : يلا يلا وتغطو بجلال الصلاه وارحو
