يزيد : ماشفتس اليوم؟
الريم : مشغوله مع البنات وتعرف كان البيت مغبر وكذا
يزيد : صرتي تسحبين علي عشان البنات
الريم : ههههه لا بس تعرف يعني
يزيد لف عليها : وانتِ تعرفين اني واعد جدي ماقابلتس بس خلفت
الريم : وانا بعد
يزيد : اطلق تضامن يشييخه
الريم : هههههههههه
يزيد : " شعرهاا الطويل وضحكتها الحلوه يتأملها القمر مو هي الي تتأمله "
الريم بأحراج : صح لسانك
يزيد : يزين الي يستحوننن صح بدنتس
الريم وقفت : يلا بروح انام
يزيد : ماباقي شي على اذان الفجر
الريم : انام لو خمس دقايق بقوم بنكرف
يزيد : انتبهي لتس ونامي زين بالخمس دقايق ههههههه
الريم : ابشر ودخلت
يزيد : يالله انك تفرجهاا وقام يتجهز لصلاه الفجر .
بدو يصحون الكل راح المسجد يصلي ورجع على الفطور بدو يشبون النار والقهوه كالعاده ومن ذي اللحظه انفتح باب ابو طلال " الجد"
كل الحريم والبنات داخل صاحين بستثناء الريم الي غارقه بنومها
الجده : شفيها الريم نايمه لحد الحين؟
ام بندر : حرارتها مرتفعه واعطيتها بندول ورجعت ترقد
الجده فزت وقامت : بسم الله عليها ، راحت لها بخوف وهي تصحيها
الريم ببكاء وهلوسه : تكفون ابي امي وابوي تكفون طلبتكم تعبت من الوحده تعبتتت
الجده : بسم الله عليتس يمه
الريم : راحو ومادعتهم
الجده انكسر خاطره وطاحت دمعتها وطلعت
ام مشعل : علامتس يمه
الجده : نادي عمتس خليهم يودون الريم المستشفى
ام بندر : لايكون زادت حرارتها
الجده بتصدد : شوي ودخلت غرفتها
ام بندر : وحده منكم تقوم تنادي جدها
طلعت روان بخوف على الريم ودخلت بجلالها
روان : جدي الريم تعبانه وتقول امي نوره ودوها المستشفى
فز يزيد وهو يقول : شفيها؟
روان : مدري وطلعت
الجد : قم يايزيد وبهاج ودوها وانتبهو للطريق
اخذوها وباقي تتمتم بامها وابوها
بهاج : الله يمسح على قلبتس
يزيد كان يسمع بكاها وانينها وشهقاتها وساكت وقلبه يوجعه وصلو ونزلو راح بهاج يخلص شغله ثمن ماتخلص الريم وبقى معها يزيد، بعد ماصحصحت الريم
يزيد : رحتي مني تضحكين وقولي انتس تعبانه!
الريم بدموعها : محد متعبني غيرهم
يزيد : وش اتفقنا؟
الريم : يزيد
يزيد : ياعيونه
الريم ببكاها شديد وشهقات توجع : يرحم امك ابيهم
يزيد ماتحمل وضمها على صدره وبدا يسمع لها : تكفى بشوفهم يزيد ابيهم ماني قادره اتحمل بعدهم يزيد الكل عنده اب وام وانا لا يزيد والله ابيهم روحي تبيهم قلبي يوجعني يبيهم يزيد والله شيي صعبب اتحملللهه والله
يزيد : اششش خلاص الله يرحمهم بتشوفينهم بالجنه دفت يزيد وهي تردد له : اكرهكك اكرهكك وتصارخ عليه حاول يثبتها بحضنه ويقرا عليها وهي تكرر له اكرهك وهو يقرا علييها ايات من القران عشان تهدا
