თეჰიონი დილაადრიან, მას შემდეგ, რაც შემთხვევით ჯონგუკს საწოლიდან აგდებს, ბუზღუნით დგება ფეხზე. ჯონი კი მკლავის ზელვაშია, ცუდად დაარტყა. თეჰიონს უყურებს ქვემოდან, ბრაზით სავსე თვალებით.
- კარგი, ბოდიში, არ ვიცოდი. რა ჩემი ბრალია?- მხრებს იჩეჩს და ხელს საწოლიდან უშვერს წამოსაყენებლად,- მოდი დაგეხმარები.
ჯონგუკიც უნდობლად, მაგრამ მაინც უწვდის ხელს და ძლიერად ეჭიდება.
- ჯონგუკ, იცი...- ოთახში ჰოსოკი ვარდება, თეჰიონი ნახევრად წამომდგარ ჯონგუკს ხელს უშვებს და ისიც ხელმეორედ ვარდება ბრაგუნით იატაკზე და გინებაც არ ავიწყდება,- რა ხდება? კარგად ხარ?
- წამოდგომას ცდილობდა და...- ეცინება თეჰიონს,- მოდი დაგეხმარები.
ისევ მასთან მიდის და ზურგიდან ეჭიდება, შემდეგ კი საწოლზე სვამს.
- ჯერ მხოლოდ დილის ათი საათია, ასე ადრე რატომ გღვიძავს?- წარბებს კრავს ჰოსოკი და თეჰიონს აჩერდება.
- ვერ დავიძინე და რადგან თქვენ გეძინათ, მასთან ამოვედი,- მხრებს იჩეჩს თეჰიონი,- არც მას ეძინა, ასე რომ, ცოტა გავერთეთ.
- თქვენი ჩხუბის ხმა არ გამიგია და სხვანაირი გართობაც იცით?- ბუზღუნებს ჯონი.
- რა თქმა უნდა,- წარბებს ათამაშებს და ტუჩის კუთხეს ტეხავს ჯონგუკი,- ერთად მივიფიქრეთ და ძალიან სასიამოვნო თამაშია სიმართლე გითხრა.
თეჰიონი დაბნეული აცეცებს თვალებს აქეთ - იქით, ჯონგუკი ენას ვერ აჩერებს და მალე ალბათ ამოჰგლეჯს კიდეც, ამაში ეჭვი არ ეპარება.
- კარგი, მინდოდა მეთქვა, რომ პროდუქტებია საყიდი და გთხოვ, თუ არ გეზარება წადი რა.
- არ მეზარება, აგერ, თეჰიონიც გამომყვება,- თავს მისკენ აბრუნებს,- ხომ ასეა, თეჰიონ?
- დარწმუნებული ხარ, რომ წამოვა?- წარბს წევს ჰოსოკი და მზერა მასზე გადააქვს.
YOU ARE READING
Nightfall
Aksi- მთელი ჩემი ცხოვრება ველოდებოდი, ვცდილობდი, მაგრამ დანახვა მაინც არ შემეძლო. მე ვიგრძენი, ვნახე სიზმარი იმ დღეს, იმედი მაქვს, რომ ერთ დღეს შეგხვდები ისეთი, როგორიც მინდა, რომ მნახო. კარგად ვიქნები თუ ერთმანეთისგან შორს ვიცხოვრებთ, თუ შენ ასე გენდომ...
