" ပြီးမှ ဒီအိမ်က တစ်ယောက်ယောက်ကိုပြန်လိုက်ပို့ခိုင်းတော့မယ်..ဦးအောင်မစောင့်နဲ့ ပြန်နှင့်တော့နော်.."
" အေး..အေး... ဦးအောင်ပြန်လာကြိုရမယ်ဆိုလည်းဖုန်းဆက်လိုက်လေ..."
" ဟုတ်ကဲ့.."
ဒရိုင်ဘာဦးလေးအောင်ကိုမှာပြီးလျင် အိမ်ရှေ့ဆင်ဝင်အောက်မှာ ခပ်ဖြည်းဖြည်းစက်သပ်ရပ်ပေးလိုက်သည့်ကားပေါ်ကနေ မဏိကအပြေးကလေးဆင်းလာလိုက်သည်။ခရင်မ်ရောင် ဖြူထပ်ထပ်နဲ့ဖားလျားဝေနေသည့် အိမ်တံခါးမကြီးရဲ့ ခန်းစီးကိုလက်ကလေးနဲ့တွန်းဖယ်ကာ ပြေးအဝင်။အဝင်ဝတည့်တည့်မှာချထားသည့် ခြေသုတ်ဖုံကို နင်းမိကာ လျောခနဲပါသွားလျက် ချော်လဲကျတော့မလိုဖြစ်သွားပါသည်။
"အမေ့.."
" အမလေး.... မဏိရယ် ဖြည်းဖြည်းလာပါ... ချော်လဲနေပါ့မယ်... မနက်က ကောင်မလေးတွေ ကြမ်းတိုက်ထားတာ ကြမ်းကချောနေတယ်သမီးရဲ့ "
မဏိက ကျောပေါ်ကနေ ပခုံးရှေ့ကိုပြုတ်ကျလာတဲ့ဆံပင်ကလေးတွေကို အနောက်ဘက်ဆီ ပြန်ပစ်ပို့တင်လိုက်ရင်း ဒေါ်ဝင်နီကို အဟဲ ခနဲမျက်နှာချိုသွေးရယ်ပြလိုက်ပါသည်။ပန်းနုရောင်ဇာပွင့်ရယ်ဒီမိတ်ဘလောက်စ်နဲ့ ဆွဲသားထမီစကပ်အနက်ရောင်တို့ဖြင့် လင်းဝင်းလှပနေသော ဒေါ်ဝင်နီ့ကို ငေးငေးကလေးကြည့်ကာ။
"ဟင် အန်တီဝင်နီကလှလှတွေနဲ့ပါလား....ဘယ်သွားမလို့လဲအန်တီ..."
" အန်တီဈေးကြီးခဏသွားမလို့ သမီးရယ်....သမီးတို့အဘွားလည်းပါတယ်... ဝယ်စရာလေးလည်းရှိလို့.... အပြင်လည်းထွက်ရင်းနဲ့..."
အန်တီဝင်နီကတော့ ဘယ်တော့ကြည့်ကြည့် ကျော့မော့လှပနေတာပဲ။သွေးနှောသူမို့ အသားကလည်းဖြူနှစ်ကာပန်းရောင်ပြေးနေသည်။ဒီတော့ ဘာဝတ်ဝတ်လိုက်ဖက်လှပကာထင်းလင်းနေတာပေါ့။နုကလည်းနုသည်။မိတ်ကပ်ကလေးသင့်တင့်အောင်ပြင်ကာ နီညိုသောဆံပင်ကလေးကပိုကရိုထုံးဖွဲ့ထားရင် ချမ်းလိုလူပျိုဖားဖားသားတစ်ယောက်ရှိနိုင်တဲ့အရွယ်လို့တောင်မထင်ရပေ။
အန်တီဝင်နီ့ကိုအားကျလို့တော့ အိမ်ကအမေကို လှလှပပနေဖို့ပြောလို့မရပါ။မဏိတို့မေမေကိုကြည့်လိုက်ရင် သနပ်ခါးကျဲကျဲနဲ့ ဆံပင်ကိုနောက်တွဲထုံးကာ ရိုးစင်းသော အဝတ်အစားပုံစံမျိုးနဲ့သာမြင်ရမည်။မေမေက မိတ်ကပ်မလိမ်းတတ်။လူတောသူတောထဲသွားရင် နောက်တွဲဆံထုံးရိုးရိုးကနေ ပြင်သစ်ဆံထုံးပျောက်ပြောင်းထုံးကာ မြန်မာဝတ်စုံဝမ်းဆက်လောက်ဝတ်လိုက်တာသည် မေမေ့ရဲ့ အဆန်းပြားဆုံးသော အလှအပပြင်ဆင်မှုပါပဲ။
