ရေနွေးတစ်အိုးတည်ကာ ခေါက်ဆွဲထုတ်ဖောက်ထည့်ဖို့စောင့်နေသည့်တမန်သည် သူ့ခါးကိုဖက်တွယ်လာသောအထိအတွေ့ကြောင့် လှည့်မကြည့်ပဲပြုံးမိပါသည်။
" ထူးထူးဆန်းဆန်း မနက်အစောကြီးနိုးလို့ပါလား.."
" မနက်သုံးနာရီကတည်းကနိုးနေတာ ကိုကိုရဲ့... ထတော့မယ်လုပ်ပြီးမှ မှောင်နေလို့ဇဝေဇဝါဖြစ်ပြီးကြည့်လိုက်တော့ သုံးနာရီပဲရှိသေးတာနဲ့ ပြန်အိပ်လိုက်တာ.... အကြာကြီးနေမှပြန်အိပ်ပျော်တယ်.."
မတော်တဆထိလိုက်မိသည့် ချမ်းရဲ့လက်ကလေးများမှာရေခဲကိုင်လာသလိုအေးစက်နေပါသည်။တမန်က ခါးမှာပတ္တာချိတ်သလို အချင်းချင်းချိတ်ဆက်ထားသည့် လက်ချောင်းကလေးများကိုဆွဲဖြုတ်ကာ ချမ်းကိုအရှေ့ဘက်ဆွဲထုတ်ယူလိုက်ပြီး ခပ်တင်းတင်းပွေ့ဖက်ထားလိုက်လျက် သူ့ထက်အရပ်ပုတာမို့ အလောတော်ကလေးဖြစ်နေတဲ့ ချမ်းရဲ့ငယ်ထိပ်လေးအပေါ် သူ့မေးစေ့ကိုဖိတင်ထားလိုက်ပါသည်။
" ပျော်သလား ချမ်းကလေး..."
ချမ်းသည်စကားမပြန်။တမန့်ရင်ခွင်မှာ မျက်နှာအပ်လျက် အင်္ကျီခေါင်းဆောင်းမှတွဲလောင်းကျနေသော ကြိုးကလေးများကို လိမ်ချည်ဖြန့်ချည်ဆော့ကစားရင်း ပြုံးမူငြိမ်သက်နေခဲ့သည်။
နေ့စဉ်နေ့တိုင်းနီးပါး မေမေနဲ့ ဖုန်းအပြန်အလှန်ပြောကြရင်း ချမ်းတို့ကို ပြန်လာခဲ့ကြတော့ဟု လူကြီးတွေက အမိန့်ချမှတ်လိုက်လေသည်။ဒီအကြောင်းကို ကိုကို့ဆီဝမ်းသာအားရသတင်းပြန်ပေးပေမယ့် သူထင်သလိုထပ်တူဝမ်းသာသွားပုံမရ။ဘာကြောင့်မှန်းမသိပဲ တည်တံ့နေသော မျက်နှာထားကြောင့် ပျော်ချင်တာပင် ရဲရဲဝံ့ဝံ့မပျော်ဝံ့ပါ။အရိပ်အခြည်ကြည့်လျက်နေရလေသည်။
"ကိုကိုကကောအိမ်ပြန်ရမှာ မပျော်ဘူးလား..."
"ချမ်းကကော ဒီမှာနေရတာ မပျော်ဘူးလား.."
မဆိုင်းမတွပြန်မေးလိုက်သဖြင့် ဘာပြန်ဖြေရမှန်းမသိပဲ စိတ်ရှုပ်လျက်နှုတ်ဆိတ်သွားသည်။ဒီမှာနေရတာလည်းပျော်တာပေါ့။ဒါပေမယ့် လူကြီးမိဘတွေကြည်ဖြူလက်ခံစွာ ကိုကိုနဲ့အတူအိမ်ကိုပြန်ရမှာကိုတော့ ပိုပြီးမနှစ်သက်ပဲရှိပါ့မလား။မလိုမလားမကြိုဆိုကြတဲ့နေရာကိုဆိုရင်တော့တစ်မျိုးပေါ့... အခုက ပြန်လာပါတော့လို့ပင် တခုတ်တရခေါ်နေပြီပဲ။ကိုယ်ကလူငယ် အပြစ်ကလည်းလုပ်ထားသေးလျင် လူကြီးကပြန်ခေါ်တဲ့အခါ နာခံစွာပြန်သွားလိုက်ဖို့ပဲရှိတာမဟုတ်ဘူးလား။
