𝕎ℍ𝕆 𝔸ℝ𝔼 𝕐𝕆𝕌? (Complete)

🔹4🔹

[Unicode]

ဒီနေ့ နတ်ဆရာမနဲ့တွေ့ဖို့ နန်တော်ထဲကို ဝင်ရမှာ။ ကျွန်မအများကြီးစိတ်လှုပ်ရှားမိတယ်။ ဒီအဆင့်သာအောင်မြင်ရင် ကြင်ယာတော်ဖြစ်ပြီ။ မိဖုရားကတော့ အိမ်ရှေ့စံမင်းသားကိုယ်တိုင်ရွေးမှာပေါ့။

ဒီအဆင့်ကို ကျွန်မအပါအဝင် ရောက်ရှိသူ ငါးယောက်သာရှိတယ်။ သေချာပေါက်အမတ်ချုပ်ကြီးဟုန်း၏ သမီးတော်လည်းပါဝင်တာပေါ့။ ကျန်သုံးယောက်ကတော့ နယ်စားအသီးသီးရဲ့ သမီးတော်တွေပင်။

ဒီအဆင့်မှာ အစေခံတွေလိုက်ပါခွင့်မရတာကြောင့် ကျွန်မတို့ချင်း မိတ်ဆက်ဖြစ်တယ်။ မိန်းကလေးဂျောင်၊ မိန်းကလေးမင်နဲ့ မိန်းကလေးအိုတို့ကတော့ ကျွန်မနဲ့အတန်အသင့် ရင်နှီးနေပြီ။ သူမတို့က  ဖခင်တွေရဲ့ဖိအားပေးမှုကြောင့်သာ ရောက်လာရတာ ကြင်ယာတော်ကော မိဖုရားပါဖြစ်ဖို့ စိတ်ဝင်စားကြပုံမပေါ်။ အမတ်ချုပ်ကြီး၏သမီးတော် မိန်းကလေးဟုန်းကတော့ တစ်ဦးတည်းသာသီးသန့်နေသည်။ သူမဖခင်၏အရှိန်အဝါကြောင့် ဘယ်သူမှလည်းစကားသွားမပြောကြပေ။  ဒီလိုဆိုတော့လည်း ကျွန်မတွေးမိတယ်။ သူမမှာ အပေါင်းအသင်းမှ ရှိရဲ့လားလို့လေ။ ကျွန်မမှာကမှ အွန်းလေးရှိသေးတယ်။ သူမကတော့ အစေခံနဲ့ပင်ရင်းနှီးပုံမပေါ်~

အတန်ငယ်ကြာတော့ နတ်ဆရာမရောက်လာတယ်။ တစ်ဦ်းခြင်းစီ၏ ဇာတာကိုကြည့်ယုံသာမက မျက်လုံးကိုပါ စေ့စေ့လာကြည့်တတ်သေးသည်။

နောက်ဆုံးတော့ကျွန်မအလှည့်ရောက်လာခဲ့ပြီ။ ကျွန်မရဲ့ဇာတာကို အချိန်အတော်ကြာကြည့်နေခဲ့တယ်။ နောက်ကျွန်မရဲ့မျက်လုံးများကို ကြည့်လာတယ်။ ထို့နောက်သူမရဲ့ မျက်ဆံလေးတွေက မတည်မငြိမ်ဖြစ်သွားတာကို ကျွန်မမြင်လိုက်ရတယ်~

အဆင့်အားလုံးပြီးဆုံးသွားပြီမို့ အကြောင်းကြားစာသာ စောင့်ရန်လိုတော့သည်။ အောင်မြင်ရင် ဘုရင့်အမိန့်စာအိမ်တော်ရောက်လာမှာပေါ့။ အိမ်တော်ကဝေါယာဥ်နဲ့အွန်းလေးရှိရာကိုသွားရင် ဆူဆူညံညံအသံတစ်ခုကို ကြားလိုက်ရတယ်။ ကျွန်မလှည့်ကြည့်လိုက်မိတော့ ဂိတ်ပေါက်ဝမှ လူတစ်ဦးဆွဲလာသော မြင်းတွေထဲမှ တစ်ကောင်က လွတ်သွားပြီး ဒုန်းစိုင်းပြေးလာနေတယ်။