يا انتظار السنين ويا حلم العُمر

= #يـ_انتظار_السنين_ويا_حلم_العُمر_بارت 1 =

' بقلم الكاتبه آمال حساب الكاتبه في الانستا = arwicx =
وقراءة ممتعه للجميع ، 💙💙
= #يـ_انتظار_السنين_ويا_حلم_العُمر_بارت 1 =
'
'
هيام كانت بغرفتها تتجهز بعد دقايق خلصت و التفتت لـ سلمان وهمست : بنمشي الحين؟
سلمان رفع كتوفه : شوفي امي تجهزت وبنمشي ،
هيام مشت جلست جنبه : ع بال ما تجي امي شرايك تعترف لي تحب مين؟ عندك احد و تخبي عننا صح؟
سلمان بضحكه : فاضيه انتي قومي عني بس بنمشي ،
فجاه دخلت ام سلمان : يلا بنمشي ابوكم برا ينتظر ،
هيام ابتسمت وقامت : يلا قم نشوف بعدين آخرتك ،
'
'
شوق بصراخ : بناتتتت بدااا تكبيراتتتت العيددد ،
الكل فزو و ركضو للحوش وهم يسمعون صوت الطراطيع و تكبيرات العيد جلسو يحضنون بعض : حماسسس ،
ريم : وينها هيام الحيوانه للحين ما جت؟
فجاه دخل الجد وناظر فيهم : عيدكم مبارك ،
البنات ركضو لعنده وهم يحضنونه ،
شوق : جدي وين عيديتي ؟
ريم : شف حتى ما جاء صباح العيد ما تستحين !
الجد ابتسم : عيديتكم جاهزه ي بنتي خلي يجي صباح ع خير.
شوق : خير جدي ابي الحين وبالصباح بعد ،
فجاه انفتح الباب ودخلت هيام وهي تصارخ : عيدددد مبارك.
الكل التفتو هيام ركضت حضنت الجد : جدي عيدك مبارك.
الجد ابتسم : عساكم من السالمين ي بنتي ،
هيام اشرت للبنات : اخوي بيدخل ، حطو طرحتهم ع راسهم.
سلمان تنحنح و دخل لعندهم : عيدكم مبارك ،
ام سلمان و ابو سلمان دخلو وراهم : عساكم من عواده ،
'
'
سيف كان نايم بغرفته فجاه رن جواله عقد حواجبه اخذ وناظر للاسم كان سعود رد بانزعاج : هلا ؟
سعود : وينك فيه جاي عند جدي؟
سيف : لا نايم بشوف الصباح اجيكم ،
سعود : اقول اخلص وتعال هناك رايحين نتجمع عند جدي،
سيف : خلاص بشوف اذا ما وراي شي جيتكم ،
سعود : يلا انتظرك وسلمان كلمني انه وصل ،
سيف ابتسم اول ما تذكر هيام وهمس : جاين يلا،
'

'
ام شوق وهي تحضن ام سلمان : كيفك يالغاليه؟
ام سلمان ابتسمت : والله بخير يخيتي اخبارك انتي؟
ام شوق : والله انا بخير عسى ما شر ام سيف ما جت ولا ترد؟
ام سلمان : خير يخي وكل الخير كلمتها قبل اجي قالت انها راحت مع مزون للخياطه تعدل فستانها ،
ام شوق : طيرت قلبي قلت ورا ما ترد ماهي ناويه هالعيد معانا وانتي تاخرتي ام سعود كانت تنتظرك ،
ام سلمان : على طاري ام سعود وينها ما أشوفها؟
ام شوق ابتسمت : بالمطبخ تجهز الحلا ،
ام سلمان : حشى والله تشتغل وحنا جالسين قومي نمشي لها.
'
'
هيام : شدعوه البسي اي كعب من عندك ،
شوق : مو عاجبني ولا حاجه تكفين نروح السوق ،
هيام : ي بنت الدنيا زحمه اقولك ابوي طول الطريق كان معصب من الزحمه وياكثر الحوادث كان صاير اهجدي بس،
ريم : خذي حق هيام هي السبب ما تخلينا ،
هيام : وانا شدخلني خليها تلبس حقك ،
شوق : الا صح مزون ما جت اكلمها تجيب من عندها ،
هيام : ي قليلة الأدب ما تستحين تطلبين منها ،
ريم : اقولك ي هيام ما شفتيها المشفوحه مو شايفه خير انه جاء العيد اول ما بدا تكبيرات العيد تطلب عيديه من جدي،
شوق : خيررر ترا عيد عادي لازم يعطيني ،
هيام : حديث نعمه صدق اهجدي خلي يصير صباح ،
'
'
سيف طلع وهو يسمع صراخ زياد ابتسم ومشى للصاله ناظر مزون كانت جالسه مع امه ويناظرون للفساتين ،
سيف وهو يشيل زياد : هلا هلا تو ما نور البيت ،
مزون ابتسمت ومشت حضنته : البيت منور بوجودك والله وعيدك مبارك وعساك من السالمين ،
سيف ابتسم : كل عام وانتي بخير وينه محسن ما جاء؟
مزون مشت جلست : لا ما جاء قال بيجي الصباح الاستراحه.
ام سيف وهي تمد القهوة لسيف : وش هالنوم ،
سيف ترك زياد ع ارض : والله ما حسيت بالوقت ،
زياد قام يبكي مزون ناظرت فيه : ما صدق انه شافك ،
سيف بضحكه : ماراح اشيل لا تبكبك روح عند امك ،
مزون : يمه شوفي يستمتع وولدي يبكي ،
فجاه دخل سالم ومشى شاله : سيفو حرام عليك والله ،
مزون : يعمري جاء الخال الحنون لولدي ،
ام سيف ابتسمت : على طاري الخال الحنون اختك جت و جايبه معها بشاره حلوه لقت لك بنت الحلال ،
سيف ترك فنجال القهوة ع طاوله : ع بركه ي سالم ،
سالم : ومنهي هالمحظوظه؟
مزون وهي تصب له القهوة : والله بنت ناس والنعم فيها ما ظنتي بتعرفها لو قلت اسمها ،
سالم : على كذا شكلها مو مننا ولا هي فينا ،
مزون : ماهي من بنات اعمامك ،
سالم وهو ياخذ منها القهوة : على خير اجل مردي بعرفها بالنهاية ،
'
'