= #يـ_انتظار_السنين_ويا_حلم_العُمر_بارت 4 =
'
'
هيام كانت جالسه بغرفتها التفتت لـ مزون وهي تدخل و سما نايمه بحضنها ابتسمت وهمست : هلا هلا تعالي ودي احاكيكِ بموضوع مهُم ، وابي منك عهد انه ما يطلع لاحد غيرنا؟
مزون ابتسمت وهي تحط سما : ماني قد الثقه؟
هيام هزت راسها بالنفي : لا الموضوع مو كذا ،
مزون جلست جنبها : وش شاغل بالك؟
هيام نزلت راسها : سمعت خالتي وش ناويه بيني وبين سيف ،
مزون عقدت حواجبها : طيب ووين الغلط بالموضوع؟ هي ناويه قبل سنين هالسالفه وأنها بخاطرها تصيرين لسيف!
هيام بغِصه : بس ما ودي فيه ي مزون والله اخوكِ والنعم فيه! بس حلم عُمري ماهو سيف ولا هو انتظاري بكل هالسنين ،
مزون باستغراب : ومنهو حلم عُمرك و انتظار سنينك؟
هيام صدت : عبدالعزيز ي مزون ، والله ماهو بعُمري غيره ، وعسى ربي يحرم علي من كان بعُمري غير عزيز !
مزون بصدمه : هيام انتي بعقلك عارفه وش قاعده تقولين؟ ومنهو عبدالعزيز ! الله لا يقول انه ولد جارتكم ولد فاطمه!
هيام رفعت نظرها لها : قاله الله وانكتب حُبنا لبعض ، ووالله ي مزون ماودي بأحد غيره بعُمري ! تكفين كلمي امك ،
مزون بحدها : شيلييي ولد الغريب والبعيد من راسك! وحطي القريب بعقلك وتقبلي عُمرك وسنينك معه! ولا على طاري العهد الي اعهدك فيه، ف ما بيننا عهد ، عبدالعزيز اعتبريه حلم وانتهى من هالليله ! ولا والله ي هيام ي انه تصيرين على ذمة سيف ! ي اما ،، ما ودي اكمل الحكي بيكون افضل تفكرين زين ، قامت طلعت وقفلت الباب ،
هيام تجمعت الدموع بعيونها من تهديدها! مو معقول هذي تصرفات مزون! يالله ي اني طيحت نفسي بالنارين! لو مزون حكت للكل عن عزيز ف ما بيصير لي خير! تنهدت بضيق ،
"
"
زياد كان بغرفة سيف ويلعب معه و صراخه واصل لبرا مزون سمعت صراخه ودخلت لغرفة سيف وناظرت فيه ،
سيف ابتسم : حي الله ام زياد تفضلي ليه واقفه هناك؟
مزون : لا تتراجع عن قرار امي لك ولهيام ،
سيف : ما اطيقها ولا خاطري فيها وانتهى ي مزون ،
مزون : اي حتى هي تقول انك مانت حلم عُمرها ولا انتظار سنينها! ويحرم عليها اي شخص غير ..سكتت و صدت ،
سيف فز و التفت لها باستغراب : غيرر؟
مزون بهدوء : ماودي اكمل بيكون الأفضل تأخذها وتنهي أحلامها وخيالها و افعالها ! وبتعرف هي ع ايش ناويه ،
سيف رمى جواله من يده وقام وناظر : يحرم عليها غيرر ميننن!
مزون : ولد فاطمة عبدالعزيز بينهم علاقه ،
سيف بصدمه : وششش قاعده تقوليننن! وعمي وسلمان يدرون!! هذي افعالها الي تبون تحطونها برقبتي!
مزون : ما كنت عارفه توها قالت لي كل حاجه وطلبت مني ما اعلم احد ، بس انا علمتك عشان تاخذ راحتك بالقرار ،
'
= صباح العيد والخير =
'
شوق ناظرت فيها بحزن : طب والحين شيصير؟
هيام صدت بدموع : معرف خايفه تعلم احد! انا الغبيه الي وثقت فيها توقعت ما تعلم احد وتساعدني وتتفاهم مع اخوها! بس شلون تسوي كذا و تهددني ي شوققق!
شوق : انهي الموضوع الحين وقومي تجهزي ،
هيام : مالي حيل لشيء روحو انتم الصلاة انا ما بجي ،
شوق : منجدك ي هيام! اقول قومي بس خليكِ منهم ،
هيام : خايفه يوصل شي لعزيز ي شوق خايفه يعرف خالتي ام سيف وش ناويه علي! وانتي تعرفين امه تعلمه كل حاجه ،
شوق : لا تهتمين الحين و تطمني ما يوصل شي لاحد ولا انتشر الخبر وشيلي هالخوف من راسك و قومي ،
هيام هزت راسها وهمست : تمام انتي روحي وانا الحقك ،
'
'
سيف : يمه افهمييي انا ماودييي فيهااا والله!
ام سيف : البنت وش ناقصها فهمنيي!
سيف : ما تعجبني حركاتها و افعالها وانتهى النقاش ،
مزون : افعالها و حركاتها راح تتغير اذا اخذتها و فرضت شخصيتك عليها ولا وحده مثل هيام ما تقدر عليها!
سيف صد : انا قلت كلمتي وصلى الله و بارك ،
ام سيف : بس انا بعد عطيت كلمتي لخالتك ام سلمان !
سيف تنهد وهمس : انزين انتظري ردهم هي ماراح توافق ،
'
'
ام سلمان كانت تناظر لـ ابو سلمان وهو يعدل شماغه وقفت ناظرت فيه وهمست : ام سيف كلمتني بموضوع مهُم ،
ابو سلمان التفت : ان شاء الله خير؟
ام سلمان : طالبه يد بنتك هيام لسيف ،
ابو سلمان ابتسم : وهذه الساعه المباركة لكن الراي راي بنتك من ناحية رايي ف سيف تربى قدام عيوني الثنتين ولد اخوي والدم بالدم ، ماني برافض سيف ، فكري انتي وبنتك ،
ام سلمان : هيام من عرفت بهالسالفه وهي متغيره ، ما احس انها مبسوطه واضح انها متضايقه و مو ناويه سيف ،
ابو سلمان : ليه وش به سيف رجال وعن الف رجال ،
ام سلمان : حتى انا عاجبني سيف القريب افضل من الغريب والبعيد ما ودي ياها تروح للغريب ، تروح لولد عمه افضل ،
ابو سلمان : على كذا اعطيهم راينا ، وهي توها صغيره ما تعرف الزين والشين ، بس وصلي لها الخبر اني موافق ،
'
'
سلمان بهدوء : طب ليه انتي متضايقه شصاير ؟
هيام بدموع : ماودي بـ سيف ي سلمان والله ماودي به!
سلمان : انزين محد راح يغصبك خلاص انتهى سيف و طوايفه منجدك تصيحين عشان هالسالفه؟
هيام بدموع : جايه من عند غرفة ماما وسمعت كلامهم وانه ابوي موافق غصبن عني رضيت ولا ما رضيت لأني صغيره معرف الزين والشين على قولته !
سلمان : هيام اكيد انك فهمتي غلط انتي تعرفين ابوي مو كذا!
هيام : طب ليه قال كذا اكيد انه يجبرني عليه ،
سلمان : يصير خير بعدين نتفاهم يلا قومي لا نتأخر ع صلاة،
'
"
هيام كانت واقفه تعدل شعرها وكل تفكيرها بـ عبدالعزيز و سيف! ووش الى راح يحصل بالضبط ! تنهدت وقامت طلعت لبرا سيف كان توه داخل للصاله وناظر فيها بهدوء ومشى لعندها : هاه فكرتي بـ ردك؟
هيام : مانت ماخذني ي سيف والله انك تخسي انت و طوايفك بعد ، وانا لا الحين ارضى ولا بعدين حط هالكلام براسك وقل لخالتي تنهي الموضوع باحترام بيكون افضل ،
سيف بهدو : بس ما ظنتي ابوكِ رافض هالفكرة؟ توه كان طالع من البيت وكلمني بكلمتين انك مانتي لاحد غيري وانه موافق؟
هيام : بس انا مو موافقه وما أعطيت رايي !
سيف : انزين حلو باقي في وقت ترفضين ماعندي مُشكله الحقي على عمرك ولا مزون قايله لي بكل حاجه وانه حلم عمرك مو انا وانتظار سنينك للغير ؟
هيام غمضت عيونها بقهر وناظرت فيه : اختك معتوهه تجيب كلام من عندها ماني بقايله شي كذا !
سيف : حدك على مزون وعلى طاري أنك تجحدين كلامك ف الان اوقف مزون قدامك وقدام ابوكِ بعد وتقولك اذا سنينك لـ ولد فاطمه ولا.. سكت وهو يناظر فيها ،
هيام بدموع : سيف الله يخليك فكني من شرك انت وأختك ،
سيف : كنت ناوي لك خير وقايل لامي انك مانتي بخاطري ولا ودي فيكِ ، بس انك تكذبين اختي وتقولين عنها معتوهه! ف تخسيننن اسكت لك والحين لمي عفشك و ودعي ولد فاطمه.
هيام : ماني بموافقه عليك وفعلًا اختك معتوهه و مريضه وانت اخس منها لعين و مريض وانسان متعاطي ! واذا عبدالعزيز ف قسم بالله انه من خير الرجال و ارجل منك ومن طوايفك و قبيلتك كله ، وقامت مشت بسرعه قبل تسمع رده،
'
'
هناي دخلت وناظرت لـ عبدالعزيز كان جالس بغرفته مشت لعنده وجلست ع طرف السرير : غريب جالس لوحدك؟
عزيز رفع نظره لها : معرف هيام ما ترد و مختفيه !
هناي ابتسمت : مو قالت انها رايحه لبيت جدها؟ اكيد مشغوله مع البنات ليه شاغل تفكيرك فيها بهالوقت؟
عزيز : هناي بس مو معناته حتى ما ترد على اتصال واحد ولو رساله و تطمن قلبي انها بخير!
هناي : تمام راح ترد بس تفضى انت قم تجهز كلهم متجمعين تحت ينتظرونك يلا ،
'
'
أنت تقرأ
يا انتظار السنين ويا حلم العُمر
General Fictionحين سالتني من انا؟ فـ قُلت لك انت " انت انتظار سنيني وحلم عُمري" لم ادرك حينه انك انت = غصةُ العُمر والسنين = حساب الكاتبه في الانستا = arwicx =
