يا انتظار السنين ويا حلم العُمر

= يـ انتظار السنين ويا حلم العُمر 25 =

= يـ انتظار السنين ويا حلم العُمر 25 =
'
'
مزون كانت بغرفتها تغير ملابس زياد فجاه دخل محسن وهو معصب وبصراخ : وينننن مفتاحييييي!!!
مزون بخوف : ءيمكن برا على الطاوله،
محسن بحده : ويننهمممم طلعيهمممم بسرررعههه. 
مزون : طيب شفيك معصب بقوم ادورهم الحين ،
محسن ناظر لـ زياد ومشى عطاه كف : وينننن ضيعتهمممم!
مزون انصدمت منه و دفته : شصاير لك طفل شعرفه!
محسن : كانننن المفتاح بيدهه وينننن حطهمممم!
مزون : الحين اقوم ادورهم لا تصارخ قدام الاطفال ،
زياد كان يبكي من الوجع دخلت العامله مريم واخذته ،
محسن كان واقف ومعصب و رجع شعره لوراء بقهر ،
مزون مشت وهي تدورهم عند المُخده وتحت الطاوله ،
محسن : الحيننننن تطلعينهمممممم لييييي بسرعههه!!!
مزون فزت من صراخه : تمام تمام الحين ادورهم وقامت تمشي برا محسن سحبها بقوه من شعرها : ايش مفكررره نفسكككك انتيييي راح تطلعيننن امي من البيت ترتاحينننن!
مزون بصراخ : انت الي طلعتهاااا مو اناااا!
محسن : ما طلعتهاااا لمكانننن كنت ابي اشوف اخرتككك! اذا تبين تعرفين وينها! ف امييي في بيت غسانننن اخذتها لهناك واخت اخت مريم تنتبه لها بس انتي ايش هاه! تحسبيني خروف امشي على كلامك! اهانتك لامي وكلامك لامك كله بيرجع لك الحين وبهالوقت لمييي اغراضك و تقلعيييي ،
مزون كانت منصدمه من كلامه و دموعها تنزل ،
'
'
هيام كانت واقفه جنبه وهو يشتري اغراض و التفت لها وناظر فيها : ايش تشترين خذي لك شيء ليه واقفه كذا؟
هيام وهي تحط يدينها بالجاكيت : بردانننه ،
سيف : خلاص بنمشي للبيت الحين انتظري شوي ،
هيام قامت تكح بقوه سيف فز : بنت شصاير؟
هيام وخشمها احمر : مدري بردانه ما اتحمل طلعني من هنا،
سيف همس : تمام خلاص امشي احاسب ونطلع ،
هيام هزت راسها وهي تحس بقوه تقدر تمشي من التعب ،
سيف ركض بسرعه حاسب واخذ الاغراض وتوجه لعندها و بيده اكياس وهمس : يلا امشي ، هيام مشت معه ،
طلعو بعد دقايق وصلو للفندق دخلو لداخل ،
سيف حط الاغراض بالارض وفتح باب الشقه هيام دخلت لداخل وعلطول مشت انسدحت وهي تغطي نفسها باللحاف سيف حط الاغراض على الكنب و توجه لعندها : هيام ،
هيام كانت ساكته و تضم رجولها لصدرها من قوة ما تحس بالبرد سيف سحب عنها اللحاف : قومي شصاير لك ؟
هيام بدموع : سيففف اتركني بردانه والله ،
سيف : ي بنت ليش تبكين طيب؟ قرب منها وهو يحضنها من جنب : خلاص اهدي رجعنا للبيت ، هيام كانت ساكته سيف كان يمسح على ظهرها وهمس : اقوم اسوي لك شاي؟
هيام هزت راسها بالنفي : لا مابي شي ،
سيف وهو يبعدها عن حضنه : خليني اقوم اسوي لك قهوة ساخنه طيب؟ يلا قومي وانا اروح اشغل السخان على بال ما المويه تصير حار واسوي لك قهوه ، هيام هزت راسها و رجعت انسدحت سيف مشى للمطبخ وهو يسوي القهوة وطلع مشى للحمام " يكرم القارئ " وشغل السخان ومشى للمطبخ بعد دقايق خلص واخذ القهوه ومشى لعندها ب هيام ،
هيام كانت نايمه حط القهوه على جنب وقرب وهو يصحيها وهمس : هيام قومي ما يصير تنامين كذا يلا يقلبي ،
هيام تنهدت بانزعاج وناظرت فيه سيف سحب عنها اللحاف وجلس جنبها : يلا قومي اشربي وبعده تروشي ،
هيام هزت راسها بالنفي : مالي خلق ابي انام وارتاح ،
سيف : راح تنامين بعد ما تسوين كل الي قلتلك ،
هيام اخذت منه القهوه وهي تشرب ، سيف قام من جنبها ومشى يفتح شنطتها : اطلع لك ملابس انتي اشربي ،
هيام كانت ساكته وتناظر فيه وتشرب القهوه ،
سيف طلع لها ملابس وحطهم على السرير وهمس : خلصتي؟
هيام هزت راسها بـ اي وقامت : بروح عطني الملابس ،
سيف : تمام انتظرك عند الباب بسرعه اطلعي ،
هيام : لا انت روح نام انا بطلع وبنام ،
سيف : بلا عناد ي هيام ويلا بسرعه انتظرك ،
هيام مشت سيف فصخ جاكيته ومشى وهو يعدل شعره عند التسريحه وتنهد وهو ياخذ جواله ويناظر رسايل من مزون ومن امه استغرب شصاير كل هالاتصالات كان يرجع يتصل فيهم فجاه طلعت هيام سيف فز وناظر فيها : تحسنتي؟
هيام هزت راسها بـ اي سيف مشى لعندها ومسك يدها وهمس : يلا تعالي انسدحي ، هيام مشت جلست بهدوء ،
سيف : من فتره ما تاكلين شي الا خفيف خليني اقوم اجيب لك حاجه تاكلين وتنامين ، هيام هزت راسها بالنفي : مابي ،
سيف صد عنها وقام : ماراح اسمع كلامك من اليوم و رايح انتي الي تسمعين كلامي وبس مشى للمطبخ وهو يطلع من الاكياس الاغراض الي اخذهم وطلع الفواكه وتوست وجُبن وحطهم بالصحن و توجه لعندها : قومي يلا ،
هيام ناظرت فيه وقامت جلست مدت يدها تاكل ،
سيف بعد يدها : انتي اجلسي وبس انا راح اسويه لك ،
هيام سكتت وجلست ، سيف حط الجُبن على التوست طبقتين ومده لها : خذي كلي على بال ما اقطع لك الفواكه ،
هيام : سيف خلاص مافيني شي انام و اتحسن ،
سيف قام وهو يهمس : اي ادري مشى جاب عصير وهو يفتحه لها : اعرف راح تتحسنين بس برضوا كلي شي ،
'
'
مزون كانت بغرفتها تبكي و تشيل اغراضها محسن كان واقف بعصبيه ويطالع فيها : اخلصييي و اوراق الطلاق يوصلك بكره فاهمه! ولا عاد اشوف وجهك بهالبيت !
مزون بدموع : بس عيالي راح اخذهممم ،
محسن : تخسينننن تقربين منهم حتى !
مزون بصدمه : تحرمني ءءمنهم!
محسن : وانتي مو كنتي ناويه تحرميني من امي! صحيح بسببك عقلي تشوش واخذتها لين هناك وتركتها لكن وش مفكره انتي اني تحملت على بُعدها! لا ما تحملت بنفس الوقت رحت طلعتها واخذتها لبيت غسان وكلمت مريم تقول لاختها تجي هناك تنتبه لها !
'
'
شوق كانت جالسه بالصاله مع سهام يتابعون مسلسل ،
شوق : يع يقهر وهي بعد حماره ليه تلحقه وهو ما يبي!
سهام : مافي كرامه وعاد من زين وجهه عشان تلحقه ،
شوق : شوفي الحين صحبتها راح تتزوج منه عشان تقهره ،
سهام : يع انقهرت مابي اكمله تابعيه لوحدك وصدت مسكت الجوال وهي تطقطق فيه وفزت : يمه شوق طلال صاحي شوفي متصل بالواتساب! شوق فزت وناظرت فيها
وهمست : وينن توه قبل شوي كان نايم؟
سهام : الله اعلم يكلم مين بالواتساب شفته متصل ،
شوق : اوريه الحيوان قدامي مسوي نايم ،
سهام : لا تقولين اني علمتك بشيء ، شوق مشت لداخل وفتحت الباب طلال غمض عيونه بسرعه وهو يمثل النوم ،
شوق صدت ومشت وهي تفتح باب الدولاب وتحوس بالاغراض طلال تحرك : شوقق طفيييي الضوء ،
شوق : لا تخاف ماراح اشوفك كلم الي تبي تكلمها بالواتس ،
طلال كتم ضحكته وهو يقوم : ايش تقولين؟
شوق : اييي روح كلم البنات ما صدقت على الله اني طلعت من الغرفه منسدح وتسولف معاهم ومبسوط ،
طلال : شسوي هي اتصلت ، شوق فزت وناظرت فيه ،
طلال : اقصد هو مو هي بس فيني نوم و لخبطت ،
شوق : طلال قل الصدق لا يكون تسوي كذا!
طلال : طيب تعالي هنا شوفي ايش في تحت اللحاف كانه في حشره عجزت انام ،
شوق : ان شاء الله يقرصك ويدخل فيك ، مشت وهي تسحب اللحاف انصدمت وهي تشوف باقة ورد و هديه مغلف وناظرت لطلال الي كان يضحك و رجعت ناظرت لباقة الورد والهديه وهمست : ءءءطلال ايش ذا؟
طلال : مو انا قلتلك قولي ايش بخاطرك وانا اقولك سم و لبيه وحاضر ومن عيوني الثنتين؟ شوق نزلت دموعها ،
طلال قام وهو يضحك : يليل البكايه ،
شوق : ءمتى سويت كل ذا؟ ما شفت انك طلعت؟
طلال بضحكه : سهام ما تقصر خليتها تناديكِ عشان تتابعون مسلسل واخليها تكذب عليكِ اني متصل بالواتس كنت ادري انك راح تجين ، شوق ضحكت وضربته على صدره بخفه ،
'
'
عزيز كان ساند نفسه على الجدار و سيارته قدامه وواقف يدخن وغمض عيونه : وينك قطعتي الاتصال من ذاك الوقت ماعاد لك حس؟ خايف مسوي فيكِ شي؟ خايف انه يعذبك ليه ي هيام قاعد اعيش هالعذاب لوحدي؟ وينك طمنيني عنك و ريحيني من هالعذاب والله تعبت من بعدك ! انا كنت انتظار سنينك وحلم عُمرك والحين اعيش بغصة العُمر والسنين ،
'
'
هيام بهدوء : شكرًا على كل شي ي سيف ،
سيف صد وهو يهمس : مابي اسمع هالكلمه انتي زوجتي وانا من واجبي اهتم فيكِ بكل حالاتك ويلا بس لا يعجبك الوضع واهتمامي وتسوين نفسك تعبانه اكثر انتظرك تتحسنين و تطبخين لي لا تمثلين علي بالتعب ،
هيام بقهر : من زين اهتمامك تحسبني ميته على اهتمامك الخايس مسوي مهتم وهو سوا قهوه بس ،
سيف : اي ادري انك كذابه و تمثلين علي بالتعب ،
هيام : اي كذابه و امثل عليك لا تهتم فيني مانت مجبور ،
سيف كتم ضحكته وهو يجلس : الا مجبور للاسف عقد النكاح موجود انك زوجتي اذا صار فيكِ شي شسوي؟
'
'