يا انتظار السنين ويا حلم العُمر

= يـ انتظار السنين ويا حلم العُمر 26 =

= يـ انتظار السنين ويا حلم العُمر 26 =
'
'
خالد بصدمه : عمي انا مالي ذنب هي..سكت اول ما سمع صراخ ابو ريم وهو يقول : اوصصص مابي اسمع ولا كلمه الحين اتصل على ابوك واخليييهه يجي يشوف سواد الوجه،
ام ريم كانت واقفه ومنصدمه من كلام زوجها معروف انه شخص عصبي بس ما توقعت انه يضرب خالد!
ريم سحبت نفسها و ركضت لغرفتها مرام ركضت معها ،
ريم رمت العبايه على السرير ومشت وهي تاخذ جوالها ،
مرام بخوف : ريم شتسوين لا تخوفينييي ي بنت!
ريم كانت دموعها تنزل وهي تدور رقم طلال ،
'
'
شوق فتحت الهديه انصدمت لما شافت طقم ذهب وناظرت لطلال وهمست : ءءطلال هذي نفس الي ...قاطع كلامها طلال وهو يقول : اي نفسه رحت جبت لك نفس الي ضيعتيه و حط يده بداخل جيبه وهو يطلع الخاتم : يقولون الشرع حلل اربعه وانا هذي اتوقع ثمانيه خاتم البسه لك المفروض تقتنعين انك كل زوجاتي الاربعه و زود مافي احد غيرك بحياتي ،
شوق ابتسمت ومدت يدها طلال لبسها الخاتم شوق مشت وهي تلبس الطقم وناظرت فيه : شرايك؟
طلال ابتسم باعجاب : لما اخذته ما حسيته حلو لكن الحين لما شفته عليكِ اهخ بس ي شوق جبتي راسي ،
شوق بضحكه : اروح اوريهم لـ سهام ومشت طلعت ،
طلال سحب المخده وانسدح وهو يسمع صوت جواله كانت تحت اللحاف استغرب ومشى اخذه وهو يشوف مكالمات من ريم قام بيفتح الجوال رجعت اتصلت علطول رد : هلا ريم؟
ريم بدموع : طلال الله يخليك قل لـ عمي يجي وينه ما يرد تكفى خليه يجي يفهم بابا انه خالد ما سوا شي ،
طلال باستغراب : صبر ليه تبكين و ايش فيه خالد؟
ريم ببكاء : بس خلي عمي يجيي تكفى مو وقت اني اشرح ،
طلال بخوف : تمام تمام الحين جاين حنا انتظري ، وقام طلع من الغرفه و توجه لغرفة امه وابوه و دق الباب ودخل ،
ام سهام التفتت له : هلا هلا تعال شصاير لك؟
طلال بتوتر وناظر لابوه : يبه بسرعه البس ثوبك وامشي معي،
ابو سهام فز بخوف : شصاير يا ولدي وين امشي معك؟
طلال : مدري ي يبه عمي مدري شصاير له ريم اتصلت وهي تبكي انه يسوي شي بخالد امشي و راح نعرف السالفه ،
ابو سهام : و خالك وينه؟؟
طلال : مدري ما فهمت التفاصيل بس خلنا نمشي ،
ام سهام : الله يستر ايش بيسوي في خالد ووينه اخوي عنه!
" ملاحظه ام سهام و ام ريم خوات وخالد يصير ولد اخوهم"
ابو سهام قام وهو يلبس ثوبه وناظر فيها : تمشين انتي؟
ام سهام : اي اكيد بمشي معرف شصاير فيهم ،
'
'
سهام : والله مستانسه لهالدرجه عشانه جاب لك طقم وخاتم؟
شوق : ي عدوة الفرح امدحي وانتي ساكته!
سهام : شوفي عاد اخوي اول شي ذوقه ما يعجبني  ثاني شي رومنسيتكم النايم خلوه بغرفة نومكم واذا تنتظرين مدح لاخوي و ذوقه روحي عند امي ما تقصر هو لو جاب لبن امي تحسب جاب الماس من تحت الارض تقعد تمدح حتى اللبن،
شوق : واضح انك مقهوره منه انا الغلطانه الي جيتك ،
سهام بضحكه : وانا صادقه من زين ذوقه عاد ،
شوق : بروح اوري لخالتي عشان تمدحني وتمدح ذوق ولدها،
فجاه دخل طلال : شوق انا رايح تمام؟
شوق : بسم الله وين؟
طلال : عند عمي مدري شسالفه عالعموم انتبهي على نفسك و على سهام واذا احتجتو شي اتصلو علي ، وقام مشى ،
'
'
فجاه اندق الباب ام ريم لبست طرحتها ومشت فتحت الباب وهي تشوف اخوها ' ابو خالد ' وناظر فيها : السلام عليكم ،
ام ريم همست : وعليكم الس...قاطعهم صراخ ابو ريم وهو يقول : اي سلامممم و اي كلام بعد سواد الوجه!!
ابو خالد دخل وناظر لخالد وناظر لابو ريم : شصاير؟
فجاه انفتح الباب ودخل طلال : السلام عليكم ،
الكل التفتو لهم طلال ناظر لـ ام ريم : خالتي ابوي بيدخل ،
ام ريم هزت راسها ومشت لداخل الغرفه ام سهام دخلت لحقتها ومشت معاها للغرفه تفهم منها السالفه ،
ابو سهام دخل وناظر : السلام عليكم شصاير صراخك وصل لبرا يابو ريم استهدي بالله وعلمنا شصاير عشان نتفاهم؟
ابو ريم بحده : هالكلب و ابنه الكلب تركووو شي نتفاهمم فيه!
ابو خالد بعصبيه : الزم حدكككك!!!
ابو سهام : صلو على النبي واجلسو قولو شصاير؟
خالد كان واقف طلال مشى وقف قدامه : شمسوي؟
خالد : ياخي ماني مسوي ورب الكعبه مدري شفيه !
طلال : اجل ليه يسب ابوك كذا وانت مو مسوي شي؟
ابو ريم بحده : اخذذذ بنتيييي للسوق و الله اعلم شسوا فيها هناك والكل تجمعو عليهم ما بقى احد ما شافهمممم!
ابو سهام : اذا ما تدري شصاير وليه تجمعو ليه تطول السالفه! صل على النبي وخلنا نفهم السالفه من خالد ،
ابو خالد : اذااا ولدي ناوي يسوي فيها شي ف ليه ياخذها للمول ويسوي فيها هناك!
طلال بهدوء : خالي هد اعصابك خلاص نفهم من خالد ،
'
'
سيف ناظر لـ هيام : انا رايح اودع صاحبي واجي ،
هيام : حتى هنا عندك اصحاب؟
سيف : اي وصل قبلي و شفت صدفه انه هنا ،
هيام هزت راسها بهدوء : تمام ، سيف وقف وهو يلبس الجاكيت و التفت لها : وانتي كيف حالتك تحسنتي؟
هيام : اي خلاص ماني بحاجة اهتمامك ،
سيف : اي خلاص انتهى التمثيل شكله ،
هيام : لو شفتني اموت قدامك لا تدفنني عشان لا تقعد تذلني بعدين انك دفنتني ،
سيف : افا اجل وش اسوي فيكِ هنا مالك احد؟
هيام : عادي ارميني في اي مكان الكلاب ياكلوني وافتك ،
سيف : راح اذلك برضوا اني اخذتك للكلاب ياكلونك ،
هيام صدت عنه : روح بس لا يمشي عنك الولد ،
سيف ضحك ومشى طلع وقفل الباب ،
هيام تنفست براحه ومشت عند الدولاب و دخلت يدها وهي تطلع جوالها شغلته وهي تشوف اتصالات كثيره من عزيز ،
'
'
سهام : امشي نتابع مسلسل خلاص اتركي هالطقم والخاتم ازعتجينا فيهم وليت ذوقه حلو عاد ،
شوق : سهاممم بذبحك اتركيني فرحانه فيهم خليني!
سهام : اوكيه طيب لا تصيحين امشي للمطبخ معي نطبخ شي ونتابع نسلسل نسوي فشار ولا بطاطس؟
شوق : مابي اكل شي لين يجي طلال ،
سهام : يليل الخفيفه ذي راح يتاخر يمكن امشي اذا ما تبين تاكلين انا ابي اكل تعالي سوي معي ساعديني ،
شوق : صدق سهام لو طلال مو زوجي كيف كان قدرت اعيش؟
سهام : يلا خذلك مالت عليكِ انا رايحه الحقيني وطلعت لبرا،
شوق بقهر : شفيها هذي يختي امدحي سلكي لي احبه شسوي والله احس اني من صرت زوجته وانا اسعد انسانه ،
'
'
ام عزيز : متفشله منهم ومستحيه حتى اتصل عليهم ،
هناء بهدوء : مدري ي يمه ودي خلاص نرد لهم ونسوي الخطوبه عشان ينسى هيام و اشكالها بس اخاف انه يقلب حياتها جحيم ووتتعذب معه خصوصًا انه عزيز مزاجه يتقلب في دقيقه وحده عجزت اعرف ولدك ي يمه ،
'
'