يا انتظار السنين ويا حلم العُمر

= يـ انتظار السنين ويا حلم العُمر 35 =

= يـ انتظار السنين ويا حلم العُمر 35  =
'
'
هيام كانت منسدحه بحضنه سيف كان ساكت ويناظر بالسقف
هيام التفتت له وهي تناظر فيه : ليه ساكت كذا يوجعك شي؟
سيف هز راسه بالنفي : لا ما يوجعني شي دامك معي ،
هيام بهدوء : اعرف انك تخبي عني كل وجعك بس لا تحسب اني ما احس فيك! احس بكل دقه بقلبك بعد ،
سيف ابتسم بخفه : من متى صرتي تحبيني هالكثر؟
هيام صدت : ما يهم من متى المهم اني احبك ،
سيف ناظر فيها : طيب ابي انام وارتاح خذي جوالي و روحي كلمي مع البنات سولفي معاهم اكيد انك مشتاقه لهم ،
هيام بهدوء : شكلك طفشت مني تبغى تفتك؟
سيف بضحكه : لا والله بس ابي ارتاح روحي كلمي شوق من فتره تراسلني وتسب فيني بالواتس وتدعي علي ،
هيام بضحكه : هذي ماراح تتغير ، سيف مد لها الجوال ،
هيام اخذته وقربت باست جبينه : اذا احتجت شي ناديني ،
سيف ابتسم وهز راسه : ابشري ، هيام مشت وقفت عند الباي وهي تناظر فيه سيف كانت مبتسم ويناظر لها هيام طلعت وقفلت الباب ومشت جلست على الكنب ،
اول ما طلعت سيف سمح لنفسه انه ينهزم قدام هالالم الشديد الي يحس فيه غمض عيونه وهو يضغط بيده على مكان الالم ما قدر يتحمل وحاول يقوم يتوجه للحمام لكن ما كان قادر من قوة الالم انهد حيله وترك نفسه على السرير ولدموع تتجمع بعيونه كان ساكت يناظر بالسقف ويحاول يتحمل اكثر حس انه انفاسه ينقطع سحب القروره من الطاوله وهو يكبه على نفسه كل السرير صار مويا وكل ملابسه تبلل ،
'
هيام اخذت الجوال وهي تشوف مكالمات كثير من الكل و رسايل بالواتس ومن اهلها ما يرد عليهم تنهدت وهي تضغط على الرقم كان مكتوب شوق بنت عمي ،
شوق كانت جالسه بالصاله لوحدها و سرحانه اول ما رن جوالها فزت وهي تشوف رقم سيف اول ما شافت اسمه تذكرت هيام اخذته و ردت بقهر : الله ياخذك يالسافل ي جعلك ما تشوف الخير بعد الي سويتها في هيام ،
هيام انصدمت وهمست : خلاص استجاب دعواتكم ،
شوق تجمدت بمكانها من الصدمه : ءءءهيام!!
هيام بهدوء : اي انا طمنيني كيفكم وكيف البنات؟
شوق بندم : بخير حنا بس كيف اتصلتي من جواله؟
هيام : من كثر دعواتكم عليه انهد حيله ما صار سيف الي قبل كليوم اشوفه يموت قدامي ي شوق و ما بيدي شي ،
شوق بصدمه : ءءهيام شصاير و شقاعده تقولين؟؟؟
هيام : لا تعلمين شيء لاحد اتصلت عليكِ عشان انسى كل الي قاعده امر فيه تعبت من كل ي شوق ،
شوق بحزن : من بعد عزيز اك...قاطعتها هيام وهمست بهدوء : ماعاد له مكان عندي نسيته انتهى كل شي ،
شوق : يعني خلاص تقبلتي سيف؟
هيام : الدنيا ما توقف على احد كل نهايه تفتح طريق لبدايه جديد وكل شعور قديم يختفي بوقته و ينولد شعور جديد اتجاه اشخاص ثانين ما يبقى الشعور نفسه للشخص القديم ،
'
'
الجد ناظر لـ ام سيف : بنتك غلطانه ي بنتي هي غلطت بحق وحده مسكينه مالها  ذنب بشيء ولا تدري بشيء ليه تبي تطردها من بيتها؟ تدرين زوجها الله يرحمه كان صاحبي من ايام طويل ولما صار عنده عيال وعدني ما ياخذون الا من احفادي وفعلًا طلب غاده لـ غسان كانت صغيره شافها بالصدفه وقال اذا كبرت ماراح تتزوج الا من ولدي ، واما عن مزون ف ابو سيف وهو قررو كان رجال ونعم فيه وللحين عياله ما ينادوني الا جدي من وهم صغار تربو قدام عيوني الثنتين يعتبروني جدهم لاول مره محسن مسك يدي بهالقساوه والسبب بنتك ي ام سيف !
ام سيف بحزن : ما كنت ادري ي يبه والله ما كنت اعرف مزون ما قالت لي كل هالشيء كذبت علي ،
الجد تنهد وسكت وهو يفكر وهمس : كان ابو غسان رجال طيب تزوج و ربي ما رزقه باطفال و تزوج مره ثانيه ربي ما رزقه و توفاة زوجته و تزوج وبعد مُده طويل ربي رزقه كان يجي ويشوف عندي احفاد كان يقول ادعي ربي يرزقني بعيال.ابتسم وهو يتذكره ،
'
'
ام خالد و ام سهام توجهو لـ بيت ام ريم بعد دقايق وصلو وخالد معاهم دخلو لداخل لعند ام ريم ،
خالد مشى جلس بالمجلس وطلال معه فجاه دخل ابو ريم،
طلال بهدوء : السلام ...قاطعها وهو يتكلم بحده : اذا جاين عشان ذيك الكلبه تاخذونها ف خذوها الحين وبهالوقت وقام طلع من البيت ، خالد ناظر بطلال ، طلال صد بقهر ،
خالد : ما فهمت يعني كيف اخذها كذا؟
طلال التفت له : ليه تبي ترقص و تطبل ولا ايش؟
خالد : لا بس..فاطعه طلال : روحو للمحكمه من هنا ،
'
ام ريم بدموع : معرف شقول والله انقذتو بنتي ، قاطتعها ام سهام : لا تقولين كذا ي اختي وكلمي ريم تجي نشوفها ،
ام ريم ابتسمت وطلعت تنادي ريم بعد دقايق دخلت ريم ،
ام خالد : ما شاء الله تبارك الرحمن تعالي ي بنتي اجلسي،
ريم مشت جلست بهدوء وهي تحاول تمسك نفسها ،
ام سهام ابتسمت : ياهلا بعروستنا كيفك يا بنتي؟
ريم بهدوء : بخير ي خالتي ،
'
مزون بدموع : يبه هو بنفسه وافق يتركه هناك حتى اخذه،
الجد بصدمه : محسن اخذ امه هناك وتركها!
مزون بقهر : اييي والحين حط كل شيء على راسي!
ام سيف كلنت ساكته وتناظر بهدوء ، الجد طلع ومشى ةلس على الكنب وهو يفكر كيف يسون بامهم كذا! فعلًا طفشو منها بسبب عقليتها وحركاتها ! مُستحيل احد يسوي كذا!
'
شوق بعد ما كلمت هيام وخلصت مشت للغرفه وهي تشوف طلال مو موجود استغربت واتصلت عليه ماكان يرد ، انقهرت. ومشت جلست وهي تنتظره بعد ساعات فجاه انفتح الباب ودخل طلال مشى وهو يرمي شماغه على السرير ،
شوق : وين كنت تاخرت؟
طلال بهدوء : كنت مشغول بسالفة ريم ،
شوق بقهر : مهتم فيها وفي سالفتها اكثر من اهلها ،
طلال بحده : هي زي اختي سهام نظفي عقلك التعبان ،
شوق صدت بسخريه : صح حتى امك تشوفها لك زي اختك،
طلال وهو يضحك بسخريه : واذا اشوفها بنظره ثانيه ايش راح يتغير؟ الدين حلل لي الشرع بـ اربعه ف ليه انتظر موافقتك؟
شوق بصدمه : ءءيعني..قاطعها طلال : لا تصيحين مافي شي كذا بس اقولك لا تدورين زله علي لاني رفضت وخلصت ،
شوق صدت : اي واضح ، طلال تذكر حملها وتنهد وجلس وهو يتكلم : كنت امزح قومي نمشي نتعشى برا ،
شوق : مالي خلق الشرع حلا اربعه تزوج و خذ وحده منهم،
طلال بضحكه : طيب ابشري ترك جواله و اغراضه على الطاوله وطلع لبرا ، شوق اخذت جواله وهي شاكه فيه فتحته وهي تدخل على الارقام والواتس وتقرا المحادثات ،
'
هيام دخلت الغرفه وانصدمت وهي تشوف سيف مصنم بمكانه ويناظر بالسقف والسرير كله مويا وملابسه مويا ركضت لعنده بخوف : ءءسيفففف سيف شفيك؟؟؟
سيف عرف انها جت وقام يضحك : مافيني شي المويا انكب علي بالغلط كنت بشرب ، هيام كانت منصدمه من منظره ،
سيف حاول يخلي الموضوع طبيعي وحط يده على السرير وهو يحاول يضغط على نفسه ويجلس ، هيام كانت تناظر ومصدومه سيف جلست ومسك يدها : شفيكِ؟
هيام : فيك شي صح؟ سيف هز راسه بالنفي : لا ،
هيام عرفت انه تكذب سحبت يدها منه بقهر ،
سيف بهدوء : شفيكِ قلتلك مافيني شي!
هيام : اي ادري مافيك شي بس خلنا نرجع مو كنت تقول اخذ كل حقوقي منك ونرجع! والحين اخذت وخلصت خلنا نرجع،
سيف ابتسم : اي بس عاجبني وحنا هنا ومالك غيري هنا ،
هيام : اوعدك حتى هناك ماراح يكون لي احد غيرك بس خلنا نرجع مدري ليه خايفه من كل شيء ،
سيف : افااا ي خوافه ما هقيتك كذا؟
هيام : بس نمشي و نرتاح مره وحده تعبت من هالخوف كليوم يلاحقني اذا صار فيك شي وين اروح؟
سيف وهو يضحك : ما يصير فيني شي لين يجينا هيام صغيره،
هيام بعدم استيعاب : هيام صغيره شلون يعني اصيز صغيره؟
سيف ابتسم : لا تجيبين لي هيام صغيره وانساكِ واحبها ،
هيام بصدمه : اهاااا يعني كذا نظامك؟
سيف : اي خلاص ابي هيامي تجي ،
هيام : واذا طلع سيف ؟
سيف : خلاص خذيه لك مابيه انا ابي بنت هيامي ،
هيام : وانا ابي سيف نسخه منك مابي هيام ،
سيف ابتسم : يلا الله يجيبهم بالسلامه ، كان يسولف وناسي الالم من يكون معها ينسى كل شيء ،
'
'
الجد مشى وهو يدق الباب محسن استغرب مشى فتح الباب،
الجد ابتسم : السلام عليكم ياولدي ،
محسن بهدوء : وعليكم السلام يا جدي تفضل تفضل ،
الجد دخل لداخل غسان كان جالس بالصاله وبيده سما ،
ابتسم وقام وهو يسلم على الجد ، الجد اخذ سما منه ،
غسان : هالله ياجدي زين دليت طريق بيتنا ،
الجد ابتسم وهو يجلس : اي ياولدي من بعد صديقي ابوكم ماعاد دليت هالباب راح الزين و راح كل شي معه ،
محسن : افا ي جدي وعياله؟
الجد بضحكه : اي ياولدي انتم تجوني واشوفكم و اتطمن عليكم يكفي ، فجاه دخل زياد و ركض لعنده ،
الجد شاله وهو يبوسه ، غسان ومحسن جلسو بهدوء ،
الجد ترك زياد ، و زياد جلس جنبه وسما كانت بحضنه وناظر لـ غسان ومحسن : حيت اكلمكم بموضوع ،
محسن باستغراب : تفضل ايش الموضوع؟
الجد : معرف ياولدي كيف افاتحكم بالموضوع لكن انا جاي اتقدم لـ امكم على سنة الله و رسوله ، غسان انصدم وتغير ملامحه وجهه ، محسن تجمد بمكانه من الي سمعه ،
الجد : ابوكم كان صديقي وكان رجال طيب ما انكر هالشيء لكن هو توفا وهي بقت وحيده من بعده وانا زوجتي توفت وانا مالي احد والزواج مو عيب ي ولدي صحيح هي امكم ومالكم غيرها بس اوعدكم اني احطها بعيوني ، غسان ناظر لمحسن الاثنين كانو منصدمين كيف يزوجون امهم !
'
'