يا انتظار السنين ويا حلم العُمر

= يـ انتظار السنين ويا حلم العُمر 18 =

= يـ انتظار السنين ويا حلم العُمر 18 =
"
"
سعود ركب سيارته وهو يلحق سيارة طلال عارف انه راح ياخذ ريم من بيت الجد ماراح يتركها بعد الي صار !
وفعلًا طلال كان رايح ياخذ ريم وقف سيارته وهو يتصل عليها ماهو دقايق الا و ريم نزلت ومشت ركبت وناظرت فيه كان معصب وهمست : كيفها شوق؟
طلال بصراخ : لاااا تجيبينننن طاريهاااا مابييي اسمع عنها شي!
ريم فزت بخوف و سكتت طلال حرك سيارته ،
سعود كان يلاحقهم وهو كل همه يعرف وين مكان ريم!
ريم بهدوء : ابوي متصل انه بالطريق يجي ياخذني ممكن ترسل له العنوان يجي ياخذني من هنا ؟
طلال صد : جاي لبيتنا ياخذك من هناك.
ريم سكتت وهي متوتره طول الطريق كل همها شوق ،
'
'
ام محسن كانت تتابع افلام كرتون بالتلفزيون وبالها بـ غسان
و محسن كان جالس معها بالصاله ويطقطق بجواله
فجاه انفتح الباب ودخلت مزون و سما بحضنها زياد ركض لعند محسن ، محسن ابتسم و شاله وهو يبوسه ام محسن قامت تصفق بفرح زياد ركض لعندها وحضنها
ام محسن بفرح : زيادددد خليت لك حلويات كثيرررر ،
زياد ابتسم : وانا جبت معي حلاوه لك ،
مزون ناظرت بقهر وسحبت سما ومشت لغرفتها محسن لحقها
ودخل لداخل اخذ منها سما وهو يبوسها ،
مزون : قل لهالعجوزه لا تخرب ولدي!
محسن تنهد وهمس : اهدي ارتاحي توك جايه ليه معصبه ،
مزون : وانا قد شفت راسه بهالبيت؟
محسن تنهد وطلع وهو شايل سما ،
زياد : تيته ليه ما جيتي معانا هناك ،
ام محسن : ما اخذتني انت ،
زياد : هناك ما كان حلو لانك انتي مو في هناك ،
العامله كانت مبتسمه وتناظر فيهم ،
ام محسن : وهنا ماكان حلو لانك ما كنت في ،
زياد : اروح اجيب الالعاب ونلعب ،
ام محسن ابتسمت بفرح وهي تصفق : يلا يلا نلعب نلعب ،
زياد ركض لفوق دخل للغرفه محسن كان منسدح على السرير
وسما نايمه جنبه و مزون تعدل شعرها هنا التسريحه
زياد دخل ومشى فتح الدولاب وهو يطلع العابه ،
مزون التفتت له بصراخ : لاااا تطلعععع شي الحيننن ناممم!
زياد بعناد : ما انام العب مع تيته ونتابع توم وجيري ،
مزون بحدها : قلتلكككك ناممم و اترك هالعجوزه المريضه ،
محسن كان ساكت وهو متعود يسمع هالكلام عن امه من زوجته ويسكت ! اما غسان الي يقوم الارض اذا احد تكلم عن امه ! محسن تنهد وهمس : تعال ي بابا زياد نام يلا ،
مزون : الف مره اقولك طلعهاااا من هالبيت خذها دار المسنين و فكناااا منها خذها لاي مكان ،
محسن فز بصدمه : مزوننننن!!!!
مزون ناظرت فيه : ماقلت شي غلط ايش فايدتها في هالبيت علمني! مالها اي فايده بس طايحه في رقبتنا ،
محسن : بس هي امي ي مزون!
مزون مشت جلست جنبه : ادري هي امك ي محسن بس وين الغلط اذا حطيتها في دار العجز مافيها شي زيها كثير هناك ،
محسن ناظر فيها و بدا يقتنع بكلامها وسكت وهو يفكر ،
مزون : صدقني ي محسن مافيها شي ترا وما يسمى عقوق ،
محسن صد وهو يفكر مزون جلست قدامه ومسكت يده وهي تهمس : عشان نعيش حياتنا سوي هالشيء وكمان الحين فرصتك وغسان مو موجود ،
محسن تذكر غسان وناظر فيها : وش اقول له اذا سال؟
مزون سكتت وهي تناظر فيه وهمست : قل لها ماتت ،
محسن انصدم و سحب يده منها : شقاعده تقوليننن!
مزون رجعت مسكت يده : مافي الا هالحل عشان ماعاد يفكر يرجعها او شي تكفى عشان خاطري ي محسن ولا طلقني !
محسن سكت وهو يناظر فيها بهدوء ،
'
'
غسان كان جالس بالطياره وكل باله بـ امه ابتسم بخفه وهو يتذكرها ويتذكر حركاته واول ما يدخل البيت لازم يكون بيده حلويات تنهد وغمض عيونه وهو مبتسم ويتذكر كل حركاتها ،
'
ام محسن كانت بغرفتها والغرفه ظلام وتتذكر غسان وهمست من بين دموعها ..غسان غسان غسان نزلت دموعها وللاسف غسان راح ! وينك ي غسان امك تناديك ي غسان وينك!
نزلت راسها و دموعها بعيونها ، فجاه دخلت العامله مريم و شغلت الضوء و ركضت لها ام محسن ناظرت فيها وهي تبكي وهمست : وين غسان ابي غسان وينه غسان ،
العامله مريم ابتسمت : غسان راح يجيب حلويات ،
ام محسن ابتسمت : غسان يجيب حلويات ؟
العامله مريم هزت راسها بـ اي ،
'
سعود كان واقف ينتظر عند باب طلال فجاه وقف سياره و ريم طلعت ومشت ركبت عرف انه اكيد احد من اهلها وجلس يراقب السياره ، ريم كانت جالسه و ابوها يسوق بصمت ،
بعد ساعات وصلو للبيت ريم نزلت دخلت لداخل ،
سعود كان يراقب ابتسم براحه وأخيرًا عرفت وين بيتها!
'
'
سهام بحزن : وهي كيفها طيب الحين؟
طلال بحده : ما يهمني كيف تكون ماعاد لها وجود عندي ،
ام سهام بصدمه : كيف مالها وجود هي زوجتك ي ولدي!
طلال : والي سوتها وقتلت طفلي!!!
ام سهام بهدوء : يمكن مالها ذنب بشيء!
طلال : يمه راسي راح ينفجر ماعاد ابي اسمع شي ومشى ،
'
'

سيف فتح باب الغرفه هيام فزت وجلست سيف قفل الباب ومشى جلس على السرير وناظر فيها : نامي ،
هيام صدت عنه : مابي انام ،
سيف : من اليوم تنامين معي و تصحين معي فاهمه! وتسوين كل شي زي ما اقولك !
هيام ناظرت فيه : حتى ب نومي تتدخل!
سيف ناظر فيها : بكل شييي اتدخل بكل شي فاهمه!
هيام كانت ساكته تناظر فيه سيف سحب المخده و رمى عليها نامي هنا جنبي و انسدح على السرير ،
هيام قامت سحبت المخده وقامت بتقوم تنام بالارض سيف مسك يدها و شد عليها : قلت جنبي يعني جنبي!!!
هيام : اترك يدي مابي انام جنبك ،
سيف : شوفي ي هيام انا ماسك نفسي ولا اسوي لك شي نصيحه اسمعي الكلام عشان ما اسوي شي ما تعجبك ،
'
'
محسن نزل لتحت مشى لغرفة امه ناظر فيها كانت نايمه تنهد بضيق وهو يناظر فيها ومشى طلع للمطبخ ناظر للعامله مريم وهمس بهدوء : جهزي ماما تيته وكل اغراضها الصباح اخذها لمشوار ولا تعلمين شي لغسان ، العامله هزت راسها وهي مو متطمنه منه ومشت وهي تجهز اغراضها ،
غسان طلع لعند مزون وهمس : اخذها الصباح ،
مزون ابتسمت وهي مبسوطه : تمام اروح اجهز اغراضها مع مريم ونزلت لتحت ناظرت لمريم كانت تجهز اغراضها ناظرت يمين يسار ماكان في احد مشت مسكت العامله من يدها وناظرت فيها بحدها : ياويلككك تعلمينننن شي لاحد فاهمه! اي احد يسال وين ماما تيه قولي ماتت فاهمه!!
العامله كانت منصدمه منه والدموع تتجمع بعيونها ،
مزون دفتها و سحبت اغراضها و حطت بكيس الزباله " يكرم القارئ " وهمست الحمدلله افتك منها و ارتاح ،
'
'
غاده كانت جالسه وكلشوي تتصل على غسان لكن ما يرد استوطن قلبها الخوف وينه وش بيكون صاير ما يرد!
تنهدت بضيق وهي تراسله بالواتس وتتصل ،
اما شوق كانت بغرفتها تبكي و كلهم عندها يواسونها ،
فجاه رن جوال غاده ناظرت للاسم كانت مزون طلعت و ردت عليها : زين اتصلتي بالله وينه غسان ما يرد؟
مزون : قال انه مسافر ل كم يوم خلينا منه عندي لك خبر ،
غاده باستغراب : ايش الخبر؟
مزون : هالعجوزه المعتوهه وأخيرًا بنفتك منها ،
غاده بصدمه : ما فهمت كيف نفتك منها؟
مزون : محسن بياخذها ل دار العجز و نرتاح منها ،
غاده : محسن وافق؟؟؟
مزون : اي مو زي زوجك المهم لا تعلمين شي ل غسان نقول له انها ماتت ،
غاده بصدمه : يمه ي مزون كيف خططتي لكل ذا؟
'
'
طلال كان منسدح بغرفته غمض عيونه وهو يتذكر شوق تنهد وقام سحب مفاتيحه و طلع لبرا وناظر لـ سهام وهمس : نظفي غرفتي انا جاي ، وطلع لبرا سهام استغربت منه ومشت تنظف
طلال ركب سيارته وهو يسوق بعد دقايق وصل لبيت الجد مشى وهو يدق الجرس طلع سلمان لبرا ،
طلال بهدوء : قل لـ شوق تجي انتظرها ومشى ركب سيارته ،
سلمان مشى لعند امه ام سلمان كانت تفكيرها كله بـ هيام فجاه دخل سلمان وهمس : يمه طلال جاء يبغى شوق ،
ام شوق كانت جالسه و سمعت وناظرت فيه : وينه هو!
سلمان : راح ل سيارته مو عند الباب ،
ام شوق : ماراح ياخذها دامه قايل ماعنده مكان لها ،
ام سلمان : خلاص يختي اكيد لحظة غضب خليها تروح تتفاهم معه و يتفاهمون ،
سلمان : صحيح خالتي كلمي شوق وهي تقرر ،
'
'
غسان كان بالشركه جالس وهو يشوف مكالمات غاده قفل جواله وحطه على الطاوله وهو يحاول يخلص شغله باسرع وقت ابتسم من جاء على بالها امه اخذ جواله وهو يتصل على العامله مريم لكن للاسف ما ترد تنهد وترك الجوال من يده ،
'
سعود كان جالس بسيارته وهو يفكر بـ ريم حرك سيارته متوجه لبيتها وهو مو ناوي خير ،
'
'