يا انتظار السنين ويا حلم العُمر

= يـ انتظار السنين ويا حلم العُمر 20 =

= يـ انتظار السنين ويا حلم العُمر 20 =
"
"
سعود ابتسم وهو يشوف كلشوي تتصل على الرقم قفل جواله وسند ظهره على السرير وهو مبتسم : مو قلتلك راح اخليكِ تندمين ي ريم هذي كله ولاشي باقي بتشوفين كثير ،
'
ريم كانت مصدومه وجالسه بغرفتها وهي خايفه ابوها لا يدري بشيء او احد يعلمه بشيء تنهدت بضيق وهي تبي تعرف مين هالشخص! مستحيل تشك بـ سعود ولا تتوقع انه يسوي كذا! واذا سعود طيب كيف يعرف بيتي ويعرف كل شي عني؟
'
ابو شوق بجده : كيفففف سمحتو لها اروح معه بعد افعاله!
الجد بغضب : قلتلكم اذا جاء قولو له ماراح تمشي معك ،
ام شوق بهدوء : بالنهايه هو زوجها ليه نسوي مشاكل ؟
الجد صد بقهر ، ابو شوق كان جالس وهو متنرفز ،
اما ام سلمان كانت بعيده عن سوالفهم كل همها هيام و ايش بيكون صار معها بغت تتصل لكن تذكرت ابو سلمان منعها!
'
هيام فتحت عيونها وانصدمت وهي تشوف سيف قاعد يحط كل اغراضها و اغراضه بالشنطه فزت وهي مصدومه : سيف!
سيف بحده : طالعين من هنا وهالمره ماراح اسمع لصياحك!
هيام : ماراح اطلع من هنا ماراح امشي معك لمكان ،
سيف بصراخ : تجلسيننننن هناااا عشانننن الكلبببب!!!
هيام بدموع : ماني جالسه عشان احد مابي اروح لمكان ،
سيف : راح تمشين وغصبن عنك فاهمه!
هيام بحدها : ماراح امشي لمكان ،
سيف : بنشوف كيف ماراح تمشين ،
'
'
عزيز دخل للبيت ومشى جلس بهدوء على الكنب ،
هناء ناظرت فيه : وين كنت طول الوقت؟
عزيز رفع كتوفه : معرف بس مابي اشغل بالي بـ هيام ،
هناء : سهام واهلها ينتظرون الرد مننا ،
عزيز : مالي حيل لشيء ي هناء سوو الي تبون ،
هناء : بس هذي مو معناته نجيبها للبيت على كيفنا وما تتقبل بوجودها وهي الي راح تتعذب !
عزيز : ماني عارف ي هناء كل بالي بـ هيام ،
'
هيام كانت طالعه من الحمام " يكرم القارئ " ومشت وقفت وهي تجفف شعرها التفتت يمين يسار استغربت سيف ماله وجود ولا حس! لكن بنفس الوقت تنفست براحه انها تقدر تاخذ راحتها رفعت شعرها لفوق فجاه انفتح الباب التفتت وناظرت لـ سيف دخل وبيده صينية توست و جُبن وعسل ناظر فيها : تعالي افطري مافي وقت بنطلع طيارتنا بعد شوي ،
هيام صدت : قلتلك ماراح امشي والله اذا اخذتني بالغصب راح اصارخ بالطياره وبالشارع اخليهم يجتمعون عليك واقول انك واحد متحرش و تتحرش فيني ،
سيف ابتسم وهو يناظر : صحيح باقي ما اخذت حقوقي الزوجيه واذا تحرشت؟ عادي زوجتي و حلالي والدليل اوراق النكاح تلقينهم ب جيبي ، هيام تغيرت ملامح وجهها من كلامه وناظرت فيه : ماراح يفيدك هالاوراق خذهم و شقهم و ارميهم باقرب زباله عندك لانه ما يهمني هالدليل التافه ،
سيف : ليه تعاندين وانتي تعرفين اسوي الي براسي؟
هيام : ابي اعرف ايش تبغى مني؟ طلبت انسى عزيز ما اجيب طاريه نسيته ولا اتذكره ! طلبت اني انسى اهلي نسيتهم ايش تبغى اكثر من كذا؟ سيف كان ساكت وهو يناظر فيها ،
هيام : تبغاني اذبح نفسي بعد! قل ترا راح اسويه والله ،
سيف بهدوء : اي نسيتي عزيز عُمرك ومناكِ صح؟
هيام التفتت له بصدمه وهي تناظر فيه كيف عرف بهالكلام !
سيف قام وهو يسحب مفاتيحه : اجي القا الصحن فاضي اخلصي اودع امي واخوي وارجع لك وطلع لبرا.
هيام جلست على الكنب والدموع تتجمع بعيونها وهي تلعن نفسها انها تركت الاوراق بيدها اكيد شافهم عشان كذا قرر يطلعها من هالبلد ! ناظرت بالاكل و انسدت نفسها وصدت ،
'
'
سيف وهو مبتسم : اي يمه خلاص الحين تروحين مع سالم ،
سالم دخل وهو يضحك : اي خلاص الحين تبي الفكه مننا ،
سيف : ابي الفكه منك انت بس صدقني ،
ام سيف : اقول متى ترجعون من شهر العسل ،
سيف : والله شهر بالكثير او شهرين ما ادري متى ،
سالم : خاف ربك ي ظالم ايش شهرين ،
سيف صد وهو يضحك : خلني ارتاح منك ياهو ،
سالم : مو غريب انها زوجتك للحين ما جت تودع امي؟
سيف : قاعده تفطر راح تجي بعد شوي ،
ام سيف : من يوم ما جيت من عند جدك وهي ما جت ولا شفتها من يوم ما جت بهالبيت شفيها كذا؟
سيف رفع كتوفه وهمس : يمكن عشانها مو متعوده ،
سالم صد وهو يعرف اكيد في شي دام الوضع كذا ،
'
'
طلال كان جالس على الكنب والاوراق على الطاوله والكمبيوتر بيده وجوال على كتفه ويسولف مع صاحبه ،
شوق كانت منسدحه على السرير تمثل النوم فتحت عيونها شوي وناظرت كان مشغول مو مهتم لها تنهدت بقهر وقامت جلست على السرير طلال رفع عيونه لها و رجع يكمل شغله
شوق رفعت شعرها لفوق وسحبت جوالها وطلعت من الغرفه
طلال كان يراقبها بس ما حب انه يتكلم معها بهالوقت ،
شوق مشت لغرفة سهام ناظرت كانت نايمه والضوء طافي انقهرت ومشت جلست بالصاله فجاه دخل ابو طلال وناظر لـ شوق كانت جالسه لوحدها ابتسم ومشى : هلا ب بنتي كيفك شخبارك ؟ ان شاء الله تحسن حالتك؟
شوق همست بهدوء : الحمدلله بخير ي عمي ،
ابو طلال حط جواله على الكنب وجلس : معرف ي بنتي ب اي وجه اقابل ابوكِ وجدك بعد تصرفات طلال ما دريت انه يتصرف كذا اعرف انه غلط بحقك كثير ومافي اهل يرضون هالغلط على بنتهم وانا مع شغلي والشركه مالقيت وقت حتى اجي ازورك بالمستشفى او اروح لاهلك واعتذر منهم نيابه عن طلال ما ينتهي شغلي الا اخر الليل استحي ارووح بهالوقت كلمي جدك وابوك يوم الجمعه نروح لهم واعتذر منهم ،
شوق بصدمه : لا ي عمي لا تقول كذا والله مالك ذنب بكل الي صار وكلنا نعرف طلال يقول اي شي وقت الغضب محد زعل لا تشيل بخاطرك ولا تشيل هم شيء انتبه لشغلك بس ،
ابتسم ابو طلال : بس ي بنتي من الاصول اننا نعتذر عن الغلط وانا من زمان ما شفت جدك وابوكِ خليهم يرضون يجون وانا اتصل اعزمهم ان شاء الله ،
شوق ابتسمت : ان شاء الله تبغى اسوي لك شاي ولا قهوة؟
ابو طلال : ماودي ارفضك ي بنتي بس خالتك جهزت القهوة كلمتها قبل اوصل واكيد جالسه تنتظرني انتي غريبه هنا؟
شوق : اي كنت فاضيه شفت سهام نايمه جيت اتصل على بنت عمتي وانت عادي روح اكيد خالتي بانتظارك ،
ابو طلال هز راسه ومشى ، شوق ابتسمت وجلست انقهرت انه طلال ما فكر فيها ولا طلع يدورها ! يالله لهدرجه ما همه وجودي وعدمي عنده واحد! لا ماراح اروح لين يجي بنفسه كل شي الا كرامتي انا الي زعلانه مو هو المفروض هو يجيني ،
'
'
سيف فتح الباب و دخل ناظر فيها كانت منسدحه والاكل قدامها مشى جلس على الطرف السرير وهو يناظر بالصينيه و رفع عيونه لها : ايش قلتلك قبل اطلع؟
هيام : مالي خلق لشيء ولا ابي اكل مو مشتهيه ،
سيف : طيب كلي شوي لانه ورانا سفر طويل ،
هيام : لا تخاف ماراح اجوع وحتى لو اموت من الجوع ما اطلب منك ف لا تشيل همي بزياده ،
سيف : اقولك كلمه تردين علي بعشره كل غلط منك سجلته عندي خلينا نوصل و اعاقبك على واحد واحد ،
هيام فزت بخوف : ءءليش ايش سويت بعد؟
سيف : نتفاهم هناك قومي روحي لعند امي تنتظرك ،
هيام صدت : مابي اشوف وجهها حتى ،
سيف بحده : هياممم! التزمي حدك و قومي يلااا ولا شرايك اتصل على اهلك واقولهم بنتكم مانعتني عن حقوقي تصرفو معها ي..وسكت عالعموم تعرفين شيسون هُم ،
هيام بقرف : ما تستحي وانت تقول لهم هالكلام!
سيف : ليش استحي؟ حقوقي و شرع الله ليه استحي وانا اطالب فيه؟ ولا اقول تدرين اذا مو بالطيب اقدر اخذ حقوقي بالغصب بعد بس انا ساكت صدقيني سكوتي ماراح يطول اكثر من كذا اذا مو اليوم ف بكره اذا مو بكره ف الي بعدو ،
هيام سحبت نفسها ومشت بتطلع وقفها صوته التفتت له
سيف سحب الطرحه من الكنب و رماها عليها : اخوي برا ،
هيام رجعت لوراء : اجل ماني رايحه لين يمشي ،
سيف اخذ ملابسه وناظر فيها : رايح اخذ لي شاور على السريع اطلع اشوفك ودعتي امي وخلصتي والشغله الثانيه تكونين متجهزه والثالثه تلمين عفشك باسرع وقت ويلا دقايق واطلع ومشى دخل وقفل الباب ، هيام انقهرت من حركاته جلست تلعنه لبست طرحتها وطلعت وهي تتمنى ما تشوف سالم طلعت للصاله استغربت ما لقت احد وقامت بترجع فجاه سمعت صوت ام سيف : اهلين ي بنتي تعالي هنا ،
هيام فزت وهي تهمس بقلبها : بسم الله ذولا جن ولا ايش توها ما كانت موجوده كيف طلعت بسرعه! مُستحيل ذولا بشر. و ابتسمت و التفتت لها : هلا خالتي ومشت جلست ،
ام سيف وهي مبتسمه : هاه كيفك ي عروستنا ؟
هيام همست بقلبها اي عروسه و اي بطيخ ابي الفكه من ولدك النجس وابتسمت : حلو ،
ام سيف : اي سيف قال انكم طالعين الحين بعد شوي؟
هيام : اي وطلب مني اتجهز جيت قلت اشوفك و اتجهز ،
ام سيف : تمام ي بنتي قومي تجهزي لا تتاخرين عليه ،
'
'
طلال رفع راسه وهو يحس بالم بظهره طول الوقت كان جالس يشتغل قفل الكمبيوتر ترك كل شي من يده مشى ينسدح فجاه انفتح الباب و دخلت شوق طلال ناظر فيها بهدوء : وين كنتي؟
شوق صدت عنه وهمست بقهر : بجهنم لو يهمك كان جيت عالاقل و تطمنت وين انا بس هذا انت ماراح تتغير همك شغلك ونفسك ولا اهتميت بلي صار فيني و ب..سكتت اول ما تذكرت بسبب الطفل حط كل اللوم عليها و صدت ودموعها بعيونها طلال كان واقف و ساكت يسمع لها شافها تبكي صد عنها وهمس : يعني لين متى هالحركات ابي افهم؟ كان هرمونات حمل و انتهت ليه للحين مستمره على هالحركات؟
ولا كان تمثيل مافي لا حمل ولاشي؟ ما اذكر قد رحتي معي للدكتور دايم تروحين مع بنات عمك واهلك !
شوق فزت بصدمه من كلامه : ءءءشقاعد تقول! تشك فيني!
طلال صد : ما شكيت عالعموم رايح انام بالصاله مشى سحب جواله وطلع لبرا ، شوق كانت منصدمه من كلامه وتبكي ،
'
'
سعود كان منسدح وهو ينتظر رساله منها لكن للاسف ماعاد رسلت ابتسم بخفه وقام تجهز وطلع اخذ باقة ورد وكالعاده كتب بالرساله احبك ومشى لعند بيتها دق الباب طلعت العامله وعطاها الورد وهمس : وصليها لـ ريم ،
العامله هزت راسها وقفلت الباب واخذت الورد ريم كانت طالعه من غرفتها اول ما ناظرت للورد فزت و ركضت سحبتهم من العامله ومشت بغرفتها قفلت الباب وهي تلقط انفاسها براحه انه محد شاف! يارب لك الحمدلله محد شاف ،
'