يا انتظار السنين ويا حلم العُمر

= يـ انتظار السنين ويا حلم العُمر 36 =

= يـ انتظار السنين ويا حلم العُمر 36 =
'
'
ريم كانت جالسه دخل طلال لعندها : خالد برا ،
ريم ناظرت فيه و دموعها بعيونه طلال كان ساكت و وافق
و التفت لها : قاعد اسوي كل هذا عشان خالتي وامي و بنسبه كـ اخ لك بس لا تتوقعين ننسى الحركه الي صارت ،
ريم : معرفه والله يا طلال معرفه.
طلال تنهد وهمس : طيب يلا امشي خالد ينتظر برا ،
ريم هزت راسها وقامت بتمشي طلال كان وراها ريم وقفت وهي تناظر لـ امها مشت حضنتها وهي تبكي ،
طلال كان جالس يناظر فيهم بعد ما ودعت امها التفتت لـ طلال ، طلال همس لها : يلا الحقيني ومشى ، ريم مشت وراه وطلعو لبرا خالد كان واقف عند باب سيارته ،
طلال مشى لعنده : معرف شقول ي خالد بس اوصيك عليها وابغاك تنسى كل الي حصل ذيك الليله وصراخ عمي... قاطعه خالد وهو يتكلم : شف ي طلال انا اخذتها عشان خاطر عمتي يعني عشان خاطر امك ف مابي اوعدك بشيء كذب ولا انا مُستحيل انسى ذيك الليله لين يوصلني كل شي منها وصد ،
طلال تنهد وهمس : طيب بس تفاهمو ي خالد مابي تاذيها ،
خالد : اذا انجبرت ف راح اسوي هالشيء ومشى ركب سيارته،
'
'
شوق كانت سرحانه وجالسه فجاه دخلت سهام وناظرت فيها باستغراب ومشت لعندها : شفيكِ كذا؟
شوق ابتسمت : ولاشي بشريني شصار على ريم؟
سهام بهدوء : مدري يقولون خلاص خالي وافق انه خالد ياخذها واليوم راحو يخطبونها وماندري شيصير عاد ،
شوق : الله يجيب الي فيها الخير اخوكِ من امس مشغول بهالسالفه ماعاد صاير يجلس بالبيت حتى ،
سهام بحزن : قلبي مع ريم والله ما تستاهل كل الي صار ،
شوق : انا منصدمه من ابوها كيف في اب كذا؟
سهام : هذا هو شنقول ،
'
'
هيام التفتت وهي تناظر لسيف كان منسدح وساكت ابتسمت وهمست : ايش قاعد تفكر؟
سيف هز راسه بالنفي : ولاشي انتي ليه تطالعيني كذا؟
هيام : قاعده اطالع و اضحك على نصيبي اضحك اني بيوم كنت ادعي على هالنصيب بس شف وش سوا فيني؟
سيف بضحكه : يلا زين اقتنعتي فيه عالاقل ،
هيام : لو رجع فيني الزمن لوراء ما غلطت غلطتي ،
سيف بهدوء : تشوفينه كان غلطتك ذاك الشخص؟
هيام صدت وهي تهمس بقلبها ماكان غلطتي ولا مُمكن بيصير غلطتي لكن هذا نصيبي ماراح اجحد بيوم كل شي سواه لي و التفتت لـ سيف ينتظر جوابها وهمست : ما عاد يهم شي ،
سيف : ودك ترجعين لاهلك؟
هيام ابتسمت : ليه ارجع الحين؟ وقت كنت ابكي و اترجاك ما كنت تاخذني ايش الي غيرك هالحياه ولا انا؟
سيف بهدوء : حُبك ما غيرني شي غيره وما قتلني غيره ،
هيام تنهدت وهي تنزل راسها : ليه ما جيت من زمان؟ ليه كتمت هالحُب بداخلك؟ مو كنا قريبين من بعض وحنا اطفال؟ و مو حنا كبرنا وكنا دايم نتجمع ببيت جدي وين كنت؟
سيف : معرف كنت عايش بخيالي انه مهما صار بتكونين لي كنتي داخل قلبي كنتي معي بخيالي طول الوقت ايش عرفنا وقته انك لهدرجه كبرتي و لقيتي الي ودك فيه وحبيتي ،
هيام صدت وهي ساكته سيف سكت وهو يناظر فيها ،
هيام بهدوء : تاخر الوقت تنام ولا تسهر؟
سيف : ابي جوابك لكل اسئلتي اليوم مالك مهرب مني ،
هيام : قاعد ترجعني لماضي ما ودي فيه قاعد ترجعني لحياة شخص الي  بالقوه طلعت منه ! ليه تتعمد تسوي هالحركه! مو انا حبيتك وتركت كل شي بالماضي؟ ايش تبغى اكثر من كذا؟ انا نسيت كل شيء ي سيف ماعاد ابي شي غيرك ،
سيف ابتسم : تمام قومي بنطلع لبرا قاعد اختنق بين هالاربع جدران وقام ومشى وهو يلبس الجاكيت ، هيام مشت وقفت عنده وسحبت الجاكيت منه وقربت وهي تلبسه ،
سيف : قلنا تعبان بس مو لهدرجه اني ما اقدر البس؟
هيام بهدوء : اعرف انك تمثل عشان اهتم فيك ،
سيف وهو يقلدها : ماني ميت على اهتمامك وضحك هيام ضحكت وهي تصد وتسحب جاكيتها : لا تقلدني ،
سيف : انتي بعد قاعده تقلديني ،
هيام : انت بديت هالحركه وقلت اني امثل وقت تعبت ف  ارده فيك ،
'
خالد كان يسوق و ريم جالسه وتناظر بصمت للشارع ،
خالد بسخريه : صارحيني ليش سحب عليكِ؟
ريم كانت ساكته و مقهوره ومالها حيل ترد عليه كانت تفكر بـ امها وخايفه ابوها يسوي فيها شيء ،
خالد : ايش تفكرين لا يكون بعد عطتيه العنوان؟
ريم بدموع : خالد تكفى اسكت مابي اسمع شي يكفي الي فيني يكفي الي قاعد يمر بقلبي ارحمني واسكت ،
خالد صد وهو يسوق بهدوء ،
'
غسان بصدمه : جدي كيف يفكر كذا ي محسن؟
محسن رفع كتوفه : معرف وبنفس الوقت احس وسكت ،
غسان : لا تقوب انك تحس قراره صح! مُستحيل ي محسن امي تتزوج منه مُستحيل هي متعوده علينا وعلى هالبيت ،
محسن : بس لين متى يا غسان؟
غسان بسخريه : اشوفك ما صدقت على الله؟
محسن صد : يخي مافي شي كذا بس اشوف جديد قراره صح،
غسان صد ومشى بقهر ،
'
غاده كانت جالسه تجهز اغراضها دخلت لعندها امها وناظرت فيها : بتروحين ؟
غاده بهدوء : اي غسان اتصل قال تجهزي ،
ام سعود : ما احس اخوكِ بخير تعرفين فيه شي؟
غاده صدت : ما ينعرف لولدك هذا ي يمه ،
ام سعود : بس متغير هالايام ما اشوفه نفس قبل ،
غاده قامت بتتكلم فجاه رن جوالها اخذته وهمست : اكيد غسان جاء قربت حضنت امها وهي تودعها وطلعت لبرا ردت عليه : هلا جيت؟
غسان : اي جيت انزلي انتظرك ،
غاده همست : جايه الحين ، ومشت وهي تودع ام شوق والجد وهمست : يلا انا رايحه انتبهو على نفسكم وطلعت وهي تناظر غسان كان نازل من السياره وينتظرها استغربت من حركته كالعاده داخل ينتظرها مشت لعنده : شصاير؟
غسان : مو صاير شي اركبي ابي اخذك لمشوار ،
غاده استغربت و ركبت غسان مشى ركب وقفل الباب ،
غاده ناظرت فيه : اي ايش المشوار و زين دليت الباب وجيتني ولا الـ لندن  والبنات الي فيه نسوك غاده و طوايفها ،
غسان ابتسم : لا مافي شي كذا رحت لـ شغلي و رجعت ،
غاده بهدوء : اشوفك تبتسم و مبسوط بشرني شصاير؟
غسان : ولاشي خلصت دوامي بدري واخذت راتبي قلت بنطلع نتمشى شوي واخذك تشترين الي بخاطرك ،
غاده ابتسمت وهي تناظر فيه ، غسان كان يسوق بهدوء ،
'
'
هيام كانت واقفه تحت المظلة تناظر لـ سيف ، سيف كان واقف والدنيا مطر وناظر فيها وهمس : ليه واقفه تحت المظله ارميه وتعالي شوفي المويا بارد ، هيام هزت راسها بالنفي ،
سيف ضحك ومشى لعندها و سحب منها المظله و رماها على الارض هيام كانت تهز راسها بـ لا وهي بردانه سيف مسك يدها وهو يسحبها له : منجدك تخليني افوت هالاجواء معك؟
هيام ابتسمت سيف مسك يدها وهو يدور فيها والدنيا مطر
هيام كانت تضحك سيف وقفها وهو يضحك من ضحكتها ،
هيام فتحت يدينها وغمضت عيونها وهو تدور بالمطر
سيف ابتسم : اذا مرضتي لا تهاوشيني ماراح اهتم فيكِ ،
هيام ابتسمت وهي تنطنط تحت المطر سيف كان يضحك ،
'
'
خالد نزل عند الفندق و ريم معها مشو دخلو لداخل فتح باب الشقه وناظر فيها بحده : ادخلي ، ريم دخلت وهي ساكته خالد قفل الباب بقوه ريم فزت ومشت فصخت عبايتها و حطته على الكنب مشت وهي تناظر نفسها بالمرايا فجاه انفتح الباب و دخل خالد : دفعت الفلوس شهر كامل تجلسين هنااا لاعاد اشوف وجهك ولا ابي احد يعرف مكانك ،
ريم فزت وهي تناظر فيه بصدمه ، خالد قام بيمشي ،
ريم ركضت وهي تمسك يده خالد دفها بقوه : ابعدييي عني!
ريم بدموع : الله يخليك لا تسوي ءءكذااا رجعني لـ امي ،
خالد : مو هُم رموكِ عند رجولي! ف ليه ارجعك لهم؟؟
ريم انصدمت من كلامه وهي تناظر فيه بدموع ،
خالد دفها وقام بيطلع فز اول ما شافها رمت نفسها على الارض بقوه وقامت تضرب بيدها على الارض وهي تبكي ،
طلع وقفل الباب بقوه كان يسمع صراخها عند الباب ،
ريم ببكاء وصراخ : مالي ذنب والله ماليييي ذنب بشيييي ماااا سويتتت شييي انا معرفهه والله معرفهه ،
'
سعود كان منسدح وهو يفكر فيها تنهد بضيق وهو كلشوي ياخذ جواله ويشوف انها ما فتحت الرسايل ولا ترد تنهد و ترك جواله من يده فجاه امه لعنده : انت للحين صاحي؟
سعود : اي الحين انام ،
ام سعود : ما احسك بخير قل لي يا ولدي شفيك؟
سعود صد : مافيني شي بخير انا ؟
ام سعود تنهدت وهي تعرف انه اكيد في شي ،
'
'
عزيز ناظر لـ هناء : في اخبار عنها؟
هناء بقهر : مافي ولو في يارب يكون خبر شر مو خير ،
عزيز بحده : هنااااء وقفيييي ايش هالكلام!!!
هناء : لاااا تجيب طاريهااا قدامييي وقامت مشت بقهر ،
عزيز تنهد وغمض عيونه وهو يسند راسه على الكنب وهو يتذكرها ابتسم وهو يتذكر لما كانت تفتح الشباك وتراقبه مين يرجع ومتى يروح ابتسم وهو يتذكر كل ذكرياتهم مع بعض
ولما كان يجيب لها شي يحطه عند الباب وتاخذهم تنهد وهو مغمض عيونه ويتذكر ،
'
هيام كانت ماسكه يد سيف : اوف برد متى نوصل ،
سيف : تستاهلين قلتلك لا تتراكضين كذا ،
هيام : خير انت الي سحبت عني المظله ،
سيف : كنت ابيكِ تستانسين شوي مو هالكثر ما تحركتي لين وقف المطر ، هيام ابتسمت وهي تحط راسها على كتفه ،
بعد دقايق وصلو للبيت و دخلو لداخل ،
'
طلال دخل للبيت و التفت لـ شوق كانت جالسه مع سهام يتابعون مسلسل مشى لعندهم : ما شاء الله صاحين؟
شوق قامت وقفت و سحبت جوالها ومشت لغرفتها ،
طلال باستغراب : ايش فيها؟
سهام : زعلانه بسببك مشغول بسالفة ريم ما تعطيها وجه ،
طلال هز راسه ومشى للغرفه شوق كانت منسدحه واللحاف عليها مشى حط اغراضه وسحب المُخده وحطه ورا راسه وانسدح ، شوق حست عليه وعرفت انه ماراح يراضيها قامت صدت وسحبت مُخدتها وحطته بالارض وانسدحت ،
طلال فتح عيونه من عرف انها قامت لكن تجاهل وغمض عيونه وهو يحاول ينام ،
'
ريم كانت تبكي على الارض وعيونها حمرت من البكاء حطت يدها على وجهها وهي تبكي و مسحت دموعها و انسدحت بالارض ما حست على نفسها ونامت نوم عميق ،
خالد فتح الباب اول ما دخل ناظر فيها كانت مرميه نفسها بالارض والشعر على وجهها و خشمها احمر من البكاء ،
صد و طلع وقفل الباب وسند نفسه على الجدار وهو يفكر ،
'
'