يا انتظار السنين ويا حلم العُمر

= #يـ_انتظار_السنين_ويا_حلم_العُمر_بارت 3 =

= #يـ_انتظار_السنين_ويا_حلم_العُمر_بارت 3 =
'
'
مزون : حيواننهه خوفتيهه وجيتي جلستي هنا ،
هيام : مين قال له يجي قدامي ،
ريم : تستاهلين كنتي بترمينه علي اجل ،
شوق : ماعليه سيف عنده سبع ارواح ما يهز فيه الطراطيع.
مزون : حدك على اخوي عاد ي شوقوهه ،
هيام قامت وناظرت فيها : اقول وين فستان سما من ساعه انتظرك تجيبينه و اروح ،
مزون وهي تبدل ملابس زياد : في سيارة سيف كلميه يجيبه،
هيام : وخري ماراح اكلمه كلميه بنفسك ،
مزون : طيب البسي عبايتك وخذيه من سيارته و روحي ،
هيام مشت سحبت عبايتها : يلا ي شوق امشي ،
شوق : خيررر انا بستشور شعري خذي ريم ،
هيام : اقول امشييي ريم تغسل المواعين بالمطبخ ،
مزون طلعت وهي تصارخ : سيفففف ،
سيف مشى لعندها : وش بك تصارخين؟
مزون : هات مفتاح سيارتك هيام تاخذ فستان سما نسيته بالسياره ،
سيف : مع مين رايحين؟
مزون : رايحين مشي يعني مع مين؟
سيف : انتي شايفه الوقت كم والدنيا زحمه كلميها انتظرها تحت ومشى طلع لبرا ركب سيارته وهو ينتظرها ،
هيام : والله ما بروح معه لوحدي وخري عني ،
مزون : روحييي ترا ماراح يأكلك محد من البنات تمشي معك كلهم مشغولين ،
هيام بقهر : طيب امشي انتي تكفين ،
مزون : انا رايحه اجلس مع خالاتي مع سلامه ومشت ،
هيام  تنهدت بقهر وسحبت فستانها وطلعت ناظرت لـ ام سيف وهمست: خالتي تكفين قولي للبنات يمشون معي،
ام سيف وهي تترك القهوة من يدها : افاا ليه مو ناوين يمشون معك؟ اذا هم ما يمشون انا بمشي معك ،
مزون وهي تناظر لهيام : والله ي يمه شدعوه تروحين معها سيف تحت ينتظرها وهي ع بالها انه مو نآوي خير بعد عمايلها بالطراطيع و ولا بقت ارضه ولا سماه ،
هيام التفتت له : مو شوق قالت انه سبع ارواح ما ينهز فيه شي؟ ف تطمني ما فرق حاجه بين ارضه ولا سماه ،
ام سلمان وهي تضحك : تعوذي من ابليس وش هالكلام ،
ام سيف : والله حشى ولدي قطوه سبع ارواح!
مزون وهي تصب القهوة : خالتي بنتك ناويه ع اخوي ،
ام سيف قامت وهي تسحب عبايتها : يلا حتنا اجيب فستاني وبمشي معك ،
شوق دخلت وهي تضحك : هيام شكلها الخياطه تطردك من امس تحاولين معها وتقولين بس فستان واحد ،
هيام : والله خالتي ام سيف و بنتها ما تركو فستان بالبيت الا و جابوها لو طردتني انتم الي تصلحون فستاني ،
مزون : حشى والله بس جبت فستان سما ،
"
"
سيف كان جالس يطقطق بجواله فجاه انفتح الباب ودخلت هيام و ام سيف : السلام عليكم ،
سيف التفت : وعليكم السلام هلا بالغاليه عسى خير؟
ام سيف ابتسمت : خير ي ولدي تطمن بس هيام تبيني امشي معها ما ودها تجي معك لوحدها ،
سيف حرك سيارته وعينه ع شارع : بعد عمايلها ؟
هيام رفعت نظرها ع كلامه : عمايلي كله خير والشر في جيتك بنص الطريق وانت ادرى ،
ام سيف وهي تناظر لسيف : ع قولتها سبع ارواح ،
سيف : ماني بقايل حاجه ولكن ان كان ودك هالليله ما ينتهي بالخير وودك ياه بالشر ما همني ،
ام سيف : اعاذنا الله من الشر ي ولدي حصل حاجه و انتهى بليله و نهاره وشو له تجيب الشر بمثل هاليوم ،
هيام : خالتي كله كلام ولا هو بشماله والخير والشر بشمال ثاني كلنا عارفين قد ايش شاد حيله بالكلام بدون افعال ،
سيف سكت وهو يوقف سيارته : الأيام بيننا والي يشد حيله بالكلام راح يظهر في وقته ويلا اخلصيني ،
هيام ناظرت فيه وقامت سحبت فستانها ونزلت ،
ام سيف التفتت لسيف : كلامك معها صادق فيه؟
سيف : اي كلام؟
ام سيف : انك تناوي معها الشر؟ اهجد وأعقل و حط عقلك براسك ، هيام من نوع الي تحب تمزح وتتكلم بدون ما تفكر انت اكبر منها بلاش تخلق مشاكل ،
سيف : ورا ما تعلمونها ع طريقة صغر اللسان؟
ام سيف : اترك البنت بخيرها و شرها وانا ناويتها لك عروسه، وانت افعالك تدلني ع انها عدوه لك ؟
سيف : عزة الله اتركها بخيرها و شرها بس ماودي ياها عروسه لي ، خليها لسلمان وفكيني منها ومن عمايلها ،
ام سيف عقدت حواجبها : بنت خير والنعم فيها ايش يمنعك انها تصير عروسه لك؟
سيف : ماودي ياها ولا خاطري فيها ولا ناظرتهاا بذيك النظره حدي و حدها عيال عم وصلى الله وبارك ،
ام سيف التفتت ناظرت هيام كانت جايه وهمست : صلى الله و بارك وعلى بركة الله نبدا الفاتحه واخطبها ،
سيف تنهد و هز راسه بالنفي : ما ينفع معك شي ،
فجاه انفتح الباب و ركبت هيام : حقيررره تخيلي ي خالتي رفضت تعدل لي الفستان قهرتني ،
ام سيف : انتي بعد ي بنتي الله يهديكِ رحتي متاخر ،
هيام : خالتي وش البس الصباح الحين!
ام سيف ابتسمت : ولا عليكِ ي بنتي خلاص انا اشوف في اليوتيوب و اضبطها لك ،
هيام ابتسمت : عشان كذا دايم اقول خالتي ام سيف مافي زيها و احلا وحده ،
"

'
غاده التفتت للباب اول ما انفتح وطلع غسان و رفع نظره لها باستغراب : انتي ما رحتي مع اخوانك؟
غاده بهدوء : لا ما رحت كنت انتظر حضرتك تصحى ،
غسان : محسن تحت انا لي مشوار معه كلمي اخوانك ياخذونك ،
غاده وقفت وهي تناظر فيه : انت الي راح تاخذني.
غسان : من طبعي ما احب اكرر كلامي ولكن راح ارجع اقولك اخوي محسن تحت وانا لي مشوار معه اذا اخوانك ما ياخذونك  ف اقعدي هنا و قابلي هالجدران وعيدك سعيد ، وصد بيطلع وقفته كلام غاده : اعرف وش هالمشوار الي بتروح له ،
غسان التفتت لها وهمس : امي ،
غاده : داريه امك ومن غير هالطفله! صادقه مزون لما حكت لي وقالت مو بس هالعجوزه عقلها عقل طفل لا حتى عياله شاركوها بعقلها الطفولي وما ظنتي انها غلطت بكلام..سكتت اول ما غسان عطاها كف بكل قوته و رفع نظره لها بحده : الااا امييي ي غاده كل شي بهالدنيا برخص التراب عندي الا امي! فاهمه! ان جبتي طاريها على لسانك و بـ حكيك القاسي لا تلقين لك ارض ولا سماء ، وعلى طاري مزون ف مالي حكي معها لانه محسن مو مقصر فيها اما انتي تكررين كلامها ف اخليكِ تشوفين نجوم الليل بالظهر ،
غاده نزلت دموعها وهي تناظر فيه ، غسان قرب منها وهمس : ان ودك تبقين معي بالخير في هالدنيا ف ابلعي لسانك لمصلحتك وان كان ودك بالشر ف ماراح اقصر ، تركها وطلع وقفل الباب نزل لتحت ناظر محسن كان ينتظره مشى ركب بهدوء و رفع نظره له : وينها في؟
محسن التفت له : انت الي علمني غاده الي وينها في؟
غسان : بين جدران بيتها يعني وين بتكون في؟
محسن : ما راحت؟ ولا انت ما ودك ياها تروح؟
غسان : وجودها زي عدمها ما يفرق اذا راحت ولا بقت،
محسن : على خير ان شاء الله ، صح كنت ناوي اقولك وش فكرت بخصوص الوالده ؟
غسان بهدوء : مافي تفكير اتجاها ولا ظنتي بيكون في ، ألي حصل من صدمتها بوفاة ابوي واخواني ،
محسن :بس ي غسان انا تعبت من تصرفات امي عقلها عقل اطفال تتصرف زي الأطفال تتهاوش مع زياد على اللعاب ! وتبي تتابع توم وجيري اربع وعشرين ساعه ! مليت انا ،
غسان بحده : ممحسسننن هييييي امناااا!!! ما نستغني عنها مهما كانت حالتها! والظاهر مزون لعبت بعقلك صح؟
محسن : محد لعب بعقلي بس انت متخيل امي طولها و كبرها تتهاوش مع ولدي على اللعاب!
غسان : شي مو بيدها عقلها عقل طفل ما وصلت لذي المرحله الا من صدمتها! والحين خلنا نمشي لها ،
محسن : تمام بس متى ناوي ترجع وتجيب زوجتك للبيت؟
غسان : خلها تريح عقلها وانا اخلص شغلي الي هنا بالشركه واجي واجيبها معي ،
"