يا انتظار السنين ويا حلم العُمر

= يـ انتظار السنين ويا حلم العُمر 40 =

= يـ انتظار السنين ويا حلم العُمر 40 =
'
'
الكل كانو جالسين يفكرون فجاه لخل الدكتور و توجه لعندهم وهو مبتسم : بدا علاجه وفي شخص تبرع له الحمدلله ،
الكل فزو بصدمه : مينن؟ هيام وقفت وهي تنتظره يقول ،
الدكتور : للاسف ما نقدر نقول اسمه بناء على طلبه بس نقدر نقول فاعل خير و قرر يتبرع له واتمنى يجي احد يوقع ،
محسن مشى معه وهو مصدوم الكل كانو منصدمين ،
'
عزيز كان منسدح على السرير و مغمض عيونه بعد ما خلص عمليته و تبرع لـ سيف تنهد وهمس : وش راح يفرق اذا تبرعت بـ كليتي قلبي وهو قلبي اخذوه قبل لا اتبرع فيه لاحد اخذ قلبي بدون رضاي وهالمره اخذ كليتي برضاي اهخ منك يا سيف غمض عيونه وهو على السرير ، فجاه دخلت هناء و امه لعنده وهم منصدمين وناظرو فيه : شسويتتتت انتتت؟؟؟؟
عزيز صد : تبرعت له ما سويت شي غلط ،
ام عزيز و دموعها تنزل : ليه قاعد تسوي كذا بنفسك!
هناء : بدون ما تعلمنااا ركضت جيت هنا بعد ما خلصت متصل تبي ملابس! انجنيتتت انت ولا ايش ي عزيززز!
عزيز : لو علمتكم ما خليتوني عشان كذا جيت بنفسي ،
ام عزيز بدموع : ليه قاعد تسوي كل هذا علمني!!
عزيز بهدوء : يمه وش يفرق اذا تبرعت له؟ مو هو اخذ قلبي؟ ما صار فيني شي وقف على كليتي الي هو ولاشي عند قلبي!
هناء : لا ي عزيز الظاهر انت انجنيت فعلًا ،
عزيز سكت وهو يبتسم بخفه : لا تخافون مافيني شي بخير انا ،
هناء : صدقني ولا راح يصير لك شي دامك تاخذ قرارت نفس كذا بدون ما تعلم احد وتشوف الموضوع عادييي!
عزيز : هناء خلاص قفلي النقاش تبرعت له وخلصت ،
'
هيام كانت جالسه تدعي اـ سيف وهمست من بين دموعها معرف مين انت الي تبرعت له بس اوعدك لك من دعواتي نصيب طول العُمر انت اليوم انقذت طفلي انقذت ابوه و انقذت لي روحي بحياتي كله دعواتي راح تلاحقك بالخير ،
فجاه دخلو البنات و مشو لعندها كانت جالسه على السجاده تدعي وتبكي ،
'
ريم بعد ما ودعت امها طلعت وهي تشوف سيارة سعود واقف مشت ركبت بهدوء وهمست : وين امك يالكذاب! مو قلت راح تجيبها معك ! وبعدين نروح للمحكمه ،
سعود تنهد : اي قلت بس ما قدرت تجي راحت المستشفى اليوم عملية ولد عمي انا كنت بروح بس جيتك ،
ريم ناظرت فيه وسكتت ، سعود حرك متوجه للمحكه،
'
هيام كانت واقفه مشت احد عامل المستشفى ومدت لها رساله هيام استغربت اخذته اول ما فتحت الرساله انصدمت من الخط! اي خط عزيز تعرفهم زي اسمها كان دايم يكتب لها ويعبر عن حُبه لها برسايل الورقيه و بـ خطه ، هيام وهي تقرا :
شفتك غارقه بهالبحر لوحدك وانا اعرفك زين اعرف انك ما تعرفين السباحه دايم تغرقين حتى ايامنا اذا غرقتي تنتظرين انقذك كل ما طحتي ببحر جيتي تشتكين لي وامسك بيدك واطلعك اي يا هيام انتي نفسها كل مشكله تطيحين فيه تجيني انقذك و احله لك تتوقعين اتركك هالمره تغرقين لوحدك؟ لا يا هيام حتى هالمره جيتك جيت انقذك بس هالمره مو عشانك هالمره عشان طفلك يا هيام انا طول حياتي عشت بدون اب اعرف شعور الفقد واعرف شعور طفل ما يكون عنده اب ما تبرعت لـ زوجك عشانه زوجك! لا عشانه اب للطفل الي ببطنك ، ي انتظار سنين ويا حلم عُمري دايم كنتي تقولينه لي بس ما دريت وقته انك انتي غصة العُمر والسنين بحفظ الرحمن ولو احتجتي المره الجاي لشي انا مستعد اتبرع بكل اعضائي لك ، هيام نزلت دموعها وقامت ترتجف وتبكي ،
'
عزيز قام وناظر للدكتور : ابي اطلع من هنا ،
الدكتور بصدمه : توه كان عمليتك ما يمديك تطلع؟
عزيز بعصبيه : قلتتتت ابييي اطلع سحب المغذيه من يده و رماه بقوه و طلع الابره و يده ينزف ' هناء و امه راحو البيت لانه هو طلب منهم ما قدرون يعاندونه بذي الحاله ،
الدكتور كان منصدم عزيز مشى بدل لبسه وهو يتوجع لكن تجاهل وطلع من المستشفى ومشى ركب سيارته والدم ينزف منه ومكان العمليه بدا ينفتح كان يتالم بس يتجاهل ،
وقام وهو يسوق م مو عارف وين رايح بس يهرب من نفسه ،
'
بعد ساعات طلع الدكتور و بشرهم انه العمليه نجح الكل فرحو ما عدا هيام الي كانت ماسكه الرساله و سانده نفسها على الجدار و دموعها تنزل ، شوق مشت لعندها : هيام؟
هيام كانت ساكته و دموعها بعيونها شوق كانت منصدمه منها وهمست : ترا العمليه نجح سيف بيكون بخير ،
هيام صدت : شوق اتركيني بحالي تكفين ،
شوق هزت راسها بـ اي ومشت بهدوء ،
'
عزيز من قوة الالم والدم الي ينزف منه حس بدوخه ولكن ما وقف كان يسوق ما انتبه للسياره الي قدامه وضغط على السرعه بكل قوته فجاه اصطدم بالسياره الي قدامه و انقلب سيارته ، الناس كلهم تجمعو عليهم وهم يشوفون الحادث ،
السياره الثاني كان فيه شخصين كانو على الارض ،
وصلو الشرطه والاسعاف و اخذوهم ،
'
هناء كانت كلشوي تتصل على رقم عزيز ومقفل قعدت تحاول و ام عزيز كانت جالسه تبكي على حالة عزيز ،
فجاه رد شخص غريب هناء فزت : الووو الو عزيززز ،
المجهول : السلام عليكم صاحب هالجوال صاير معه حادث و اخذوه للمستشفى الـ *** ، هناء انصدمت و تجمدت بمكانها و رمت الجوال من يدها و دموعها تنزل ،
ام عزيز فزت وناظرت لـ هناء : ءءشفيههه عزيززز؟؟؟
هناء بدموع : ءءيمه عزيز بالمستشفى لازم نروح ركضت سحبت عبايتها ام عزيز لبست العبايه و لحقتها و طلعو للشارع وهم يدورون تاكسي بعد مُعاناة لقو و ركبو توجهو للمستشفى وللاسف كان ينتظرهم الخبر الي ما ييسر الحال
هناء ركضت لعند الدكتور : غرفة المريض عبدالعزيز بن حمد ، ناظر في الكمبيوتر للاسم وناظر فيهم : للاسف قبل شوي نقلوه لغرفة الاموات تقدرون تتفضلون تتاكدون اذا هو ولا لا هناء انصدمت ومشت مع الدكتور وهي تدعي مو عزيز
و دخلو وهم يناظرو للشخص الي على السرير و متغطي بالكفن الدكتور قرب و رفعه عن وجهه ام عزيز اول ما شافته طاحت على الارض بكل قوتها من قوة الصدمه وما تكلمت بحرف واحد ولا نطقت كانت ساكته و لا دمعه نزل منها ،
هيام صارخت بكل قوتها وهي تبكي : لاااااا لاااااا مووو عزيززززز لاااا مافييييههه شييي طلعوووههه مننن هنااا اخوييي مافيههه شييييي عزيزززز ماراحح يموتتتت عزيز مافيه شيييي ،
وبهالحظه كان داخل شخص يتاكد من وجه عزيز هل هو من اهله ولا لا انصدم وهو يشوف هالحاله ويشوف هناء طرحتها على الارض و شعرها باين و تصارخ والعجوزه طايحه بالارض و ساكته وقف راكان وهمس : اهدي اختي ما يجوز هالصراخ على الميت ترحمي عليه ترحمي عليه الله يغفر ل... فجاه التفتت له هناء و دفته بقوه : اخوييييي ماااا مات يكذبونننن عليناااا يكذبونننن اخويييي مافيههه شيييي يكذبونن كله كذب ركضت وهي تسحب الكفن عن عبدالعزيز : ماااا مات مااااا مات ،
راكان انصدم ومشى لعندها : اليييي تسوينه غلط اهدييي ،
هناء بصراخ ؛ ابعدددد عنيييي اخوي مافييهه شييي ،
راكان تنهد وهمس للدكتور : في احد محرم معاهم؟
الدكتور هز راسه بالنفي : للاسف مافي احد غيرهم ،
راكان تنهد وهمس : ي بنت الناس وين اهلك عنك ابوك اخوك احد من اهلك! عشان يتدبرون موضوع الدفن ؟
هيام بحدها : هوووو اخويي هو ابوييي هو كل شييي مالنااا اخد غيررهه وهوو ماااا ماات قاعددد يمزح معانااا ما مات ،
راكان تنهد وناظر للدكتور : خلهم ياخذونه لمغسلة الاموات وانا المسؤؤل عن كل شي الظاهر ما معاهم احد ،
'
'
سيف ناظر للكل وهو يدورها وهمس : وينها هيام؟
شوق بهدوء : برا ما تبي تجي ،
سيف استغرب وسكت ، ام سيف قربت وهي تضمه وتبكي،
سيف : يمه مافيني شي بخير انا الحمدلله اهدي ،
فجاه دخلت هيام سيف ناظر فيها كان خشمها احمر و دموعها بعيونها وهمس : انتم روحو للبيت ارتاحو انا بخير ،
هيام مشت جلست على الكنب بصمت ،
الكل طلعو و توجهو للبيت ،
سيف وهو يناظر للسقف : شصاير وش مزعل خاطرك؟
هيام نزلت دموعها : مافي شي مزعل خاطري ماني فاهمه نفسي ماني فاهمه سي ي سيف قلبي من داخلي قاعد يموت الف مره الشخص تلي رميته بالعذاب والجحيم هو جاء ينقذك! بس كيفف وليه مو فاهمه شي ،
سيف فز و التفت لها هيام مشت مدت له الورقه ،
سيف اخذه وهو يقرا وينصدم من كل كلمه ،
'
اذن صلاة الفجر راكان كان واقف و هيام تبكي ، و ام عزيز نفس حالتها ساكته ما تتكلم ولاشي بس ةالسه نفس مكانها ،
راكان استغرب من حالتها ومشى وهو يهزها فجاه طاحت عند رجله راكان فز بصدمه وهو منصدم هناء التفتت وهي تناظر ركضت لعند امها : يممههه يمههه شفيككككِ؟؟؟؟
راكان عرف انه ماتت غمض عيونه بحزن وقرب يده وهو يغمض عيونها كانت باررده اطرافها بارد كانت بحالة صدمه و مصنمه اول ما هزها طاحت بكل ما فيها على الارض ،
هناء كانت تصارخ وتبكي : يمهه لاااااا تروحينننن انتييييي بعددد يمه تكفينننن قومييييييي قومييي لااا تتتركينييييي شوفيييي حتى عزيززز يتركنيييي انتييي لاااا تتركينييي تعرفيننن ماعندييي احددد يمه مالي احد خذونيييي معاكمممم شوفييي عزيز يحبك واخذك وما اخذنييي تكفون خذونييي لاا تترركونيييي لااااا تسون فيني كذا ، قربو الدكاتر وهم ياخذون ام عزيز ، اما هناء كانت منهاره وتبكي وشعرها على وجهها و طرحتها طايح بالارض وتصارخ راكان كان واقف بصمت ،
وناظر للدكتور : الصلاه بيكون عليهم بعد صلاة الفجر افضل ،
الدكتور هز راسه ومشى طلع ، هناء ناظرت لراكان بحقد وقامت مشت وهي تضربه على صدره وتصارخ : انتتتت انت قتلتهاااا انت قفلت عيونهاااا بيدكككك امييي راحتتت بسببكككك كله بسببككك بسبككك انت قعدت تصارخ ،
راكان كان منصدم لكن تركها عرف انها بحالة صدمه كيف تتحمل وفات شخصين لها بنفس الوقت ،
'
'
سيف ترك الورقه من يده : ءءعزيز تبرع لي؟
هيام حطت يدينها على وجهها وهي تبكي ووتتشاهق ،
سيف غمض عيونه والدموع بطرف عيونه ،
هيام بدموع : رغم اني تركته و رغم اخوي غلط معه كثيررر رغم انه كان يشوفك اكبر حاقد له بهالدنيا بس هذا عزيز نفسه الي قلبه طيب اتجاه الكل ما تغير هو ي سيف انا خليته يذوق الموت الف مره بس بهالوقت محد وقف معي غيره! كانت تبكي وهي تحس بشعور ثقيل على قلبها ،
سيف ابد ما خس بالغيره من كلامها لانها فعلًا صادقه انا الي سرقت حبيبته منه اليوم هو انقذني عشان طفلي !
'
بعد ما دفنوهم راكان كان معاهم و صلو عليهم والكل مشى راكان مشى متوجه لبيته ناظر لـ امه كانت جالسه تقرا القران و اخته ملاك جالسه مشى لعند امه وعلمها السالفه كله ام راكان انصدمت وناظرت فيه : وينهاا البنت لا تسوي شي بنفسها!
راكان : بالمستشفى مو راضيه تتحرك كلمتها كثير ،
ملاك بصدمه : يمه كيف تحملت موت اثنين بنفس اليوم ،
راكان رفع كتوفه : حتى هي اتوقع انجن صارت مجنونه مسكتني تقول انت قتلت امي و تمسك اخوها الميت تسحب عنه الكفن وتقول ما ماتو والحين واقفه بالشارع عند باب المستشفى وتلعب بالتراب وتضحك وتتكلم مع نفسها ،
ام راكان حطت يدها على قلبها بصدمه : منجدكك؟؟؟
راكان : اي والله يا يمه اخذو الجنازه يصلون عليهم و طلعت معاهم شافتني قامت ترمي علي الحجر وتضحك وتبدا تبكي وترجع تضحك ما عرفت لها ،
ملاك تجمعت الدموع بعيونها : يمه يقلبي عليها ،
ام راكان وهي تقوم : امشي ياولدي خذني اشوفها ،
راكان صد : لا ي يمه غبيه خليها لا تسوي فيني شي ،
ام راكان : قم اقولك بسرعه ،
'
هناء كانت جالسه عند باب المستشفى وتتجمع حجار من الارض ناظرت لشخص كان طالع من المستشفى قامت ترمي عليه الحجر وتضحك و رمت الحجار من يدها وبدات تبكي ،
و رجعت انسدحت بنص التراب و طرحتها بالارض و شعرها مفتوح و كشخه و عبايتها كلها تراب و نعالها واحد برجلها وواحد بعيد عنها اول ما وصل راكان شافته قامت تضحك بقوه وهي تقول : ءءقاتلللل قاتل قعدت تضحك بصوت عالي،
ام راكان مشت لعندها : كيفك يا بنتي ، هناء دفتها بعصبيه وناظرت فيها : لا تلمسيني انتي مو هذيك الي تحبني و قربت وهي تناظر فيه انتي قتلتي هذاك؟ هذاك؟
راكان تنهد وهو يناظر فيها و صد ،
ام راكان ابتسمت : قومي معي اخذك لمكان حلو ،
هناء وهي تاشر على نفسها : ءءانت تاخذيني؟ وبدات دموعها تنزل وقامت تضحك بقوه راح تقتليني صح؟ تقتلينييي.
راكان : يمه اتركيها مجنونه ناخذها شنسوي فيهااا؟؟؟
ام راكان بحزن : طب خلنا ناخذها للدكتور ونشوف.
هناء كانت تضحك واخذت حجر من الارض و رمته على راكان ، راكان فز وهمس : قسم بالله انجنت هذي صدق امشي يمه،
ام راكان مشت للمستشفى وهي تنادي دكتور ، جاو و اخذو هناء لداخل راكان و ام راكان مشو معاهم ،
'
'