يا انتظار السنين ويا حلم العُمر

= يـ انتظار السنين ويا حلم العُمر 23 =

= يـ انتظار السنين ويا حلم العُمر 23 =
'
'
سيف ابتسم : شوفي المكان هناك حلو نروح نجلس؟
هيام : مو انت قلت انك تبغى تاكل فـ ليش نجلس!
سيف : طيب ناكل وحنا واقفين؟ اكيد نجلس يلا امشي ،
هيام مشت معه و جلسو سيف همس له : الاجواء برد اجيب قهوة ساخنه لي ولك انتظريني هنا ،
هيام فزت وقامت : لا ما بجلس هنا خذني معك ،
سيف : كله كم دقيقه وارجع اجلسي ايش بلاكِ خايفه ،
هيام : مالي دخل راح امشي معك ،
سيف تنهد : صدق انك بزره يلا قومي مسك يدها ومشت معه،
'
عبدالعزيز كان جالس ويناظر بالارض وهناء تصب القهوه
ام عزيز همست : الا صح ما قلت لي شقول لـ اهل سهام؟
عبدالعزيز رفع كتوفه : مدري ماعرف ،
ام عزيز : بس ياولدي هُم منتظرين شسوي؟
هناء : قلتلك يمه ولدك من حرقة قلبه اخذ هالقرار ولا هو للحين همه هيام الي ما درت عنه وسافرت شهر العسل بعد ،
عزيز بصدمه : وين سافرت! شهر العسل! مين قايل لك؟
هناء صدت : ما يحتاج احد يقول عرفت كل شي بنفسي ،
عزيز بحده : تستهبلينننن صحح!!!
هناء : ما استهبل اذا مانت مصدق بكيفك ،
عزيز غمض عيونه بقهر وهمس : تمام يمه ردي لهم نبي العرس اليوم قبل بكره ابيهااا معيييي اليومممم !
هناء بصدمه : شفيك انت تحسبها لعبه ! تنقهر منها تاخذ قرار غلط وحنا الي نتحمل!
'
'
ريم كانت جالسه فجاه انفتح الباب ودخلت مرام ريم فزت بفرح : ي حيوانههه متى جيتيييي؟؟؟
مرام بضحكه : الحين جيت يلا بسرعه البسي عبايتك خالد تحت ينتظرنا بنمشي للسوق ويالله خليت ابوكِ يوافق ،
ريم ابتسمت بحماس : تمام انتظريني تكفين بلبس واجي ،
مرام : يلا وانا تحت مع خالتي استعجلي ، ونزلت لتحت
ام ريم : ابوها ما وافق الا عشانك ف انتبهو على بعض ،
مرام : ادري ريم مجنونه بس ماعليكم انا عاقله ،
ام ريم بضحكه : اي واضح انك عاقله ي بنتي طمنيني عن امك بس وينها مختفيه ما جت عندنا بالعيد؟
مرام : خالد كان مشغول والصدق هالعيد كان غريب ،
ام ريم : صادقه ي بنتي حتى عمك كان تعبان وما جينا عندكم و ريم راحت عند بنت خالتها سهام جلست كم يوم هناك ،
مرام : اي قالت و صورت لي كل شي حيوانه استانست اكثر مني وانا الي قابلت اربع جدران ،
'
'
سهام مشت دقت الباب بهدوء شوق استغربت وقامت تفتح الباب و طلال كان واقف يعدل شماغه عند المرايا ،
شوق ابتسمت : اهلين ادخلي تعالي ،
سهام : لا بس جيت اقول ماما تنتظركم تحت نتقهوى ،
طلال التفت على صوتها : اوه سهام تعالي وراكِ واقفه برا ،
سهام دخلت وهي مبتسمه : اي كنت اقول امي تنتظركم تحت وانت وين رايح؟ امي رفضت ابوي يروح الدوام تقول اليوم كلنا نتجمع ونسولف ،
شوق صدت : بيموت لو ماراح خليه يمشي ولا يطلع ضغوطات الدوام على راسي ليل ونهار ،
طلال رفع عيونه لها و صد : تمام جاي انتي روحي ،
سهام : تمام بس بسرعه الحلا حقي لا يسيح ويخرب ومشت،
طلال فصخ الشماغ و رماه على السرير : ما انتهى زعلك؟
شوق : ايش يفرق معك اذا انتهى ولا لا ومشت عند المرايا وهي تعدل شعرها ، طلال التفت وهو يناظر فيها تنهد بضيق وهمس : اوكيه خلاص غلطت غلطه واعرف حجمه ارضي عني خلي الدنيا يبتسم بوجهي ترا مشتاق حيل لضحكتك ! ماودك ترضين عني وتنهين هالشوق الي بوسط صدري؟
شوق ناظرت فيه : وانت متى ودك تبطل  تزعلني ؟
طلال : من هالليله ابطل ازعلك واعصبك انتي بس قولي وش بخاطرك؟ وانا بقولك سم و لبيه وحاضر ومن عيوني الثنتين ،
شوق : مابي منك شي غير تحبني ابي منك حُبك وقلبك مابي منك الزعل والضيق والهم ! طلال ابتسم وقرب حضنها ،
'
'
هيام كانت تشرب القهوه وهي تناظر بالناس رايحين جاين
سيف كان جالس ياكل بيتزا والتفت لها : يجنن تجربين؟
هيام صدت : لا مو مشتهيه ولا بخاطري اكل شي ،
سيف : شرايك طيب نغير مزاجك ونروح لسوق ؟
هيام ناظرت فيه : متوقع انه السوق يغير مزاجي؟
سيف : مادري بس قولي ايش يغير مزاجك وانا هنا واقف البي كل طلباتك قولي لي ايش يغير مزاجك ي ست هيام؟
هيام : معرف ي سيف بس متضايقه من كل شي افكر ليه حتى اهلي نسوني ما اتصلو ولا سالو عني ليه كذا؟
سيف ابتسم : انا اهلك وناسك وانتي تضايقين؟ اسكنك بداخل ضلوعي واخبيكِ عن اهل وضيق  الدنيا ابني لك بيت وقصر بوسط صدري محد يسكن فيه غيرك ولا تزعلين لا اشوف الضيق يقرب صوبك ولو بيدي اخذته وحطيت ضيقتك بوسط قلبي و انوم جروحك على صدري المهم ما اشوفك كذا ،
هيام بدموع : ولو اقول كل الي يصير لي بسببك؟
سيف تغير ملامح وجهه وترك الاكل من يده وتنهد تنهيده طويله وهمس : مدري يا هيام بس والله اني ما نويت اوصلك لهالحاله لو تبين هالليله اعترف لك بشيء واقولك عن حُبي؟ ف اي والله يا هيام انه حُبك كسرت ضلوعي ي هيام تخيلي المسافات بيننا قد ايش كان طويل اجي من المدينه عشانك ترا مو عشان ازور عمي كنت احاول اكسب رضاه كنت ابيكِ لي بس بعد ما مزون قالت لي عنك وعن عزيز يمكن تغير شعور اتجاهك لكن بعد كلام عمي وانك راح تصيرين لي والله انه ردة روحي ي هيام ، هيام صدت وقامت وقفت وناظرت فيه وهمست : ابي نروح البيت ممكن؟
سيف انصدم منها لكن تنهد وقام : تمام يلا ، هيام سبقته بالخطوات وقامت تمشي بسرعه سيف ركض لحقها ومسك يدها : اهجدي شصاير لك ؟ هيام كانت ساكته سحبها من يدها و توجهو للفندق ،
'
'
ريم مشت ركبت السياره : سلام ،
خالد : وعليكم السلام يا هلا ،
بهالوقت سعود كان واقف وجاي جايب معه ورده ، انصدم لما شاف ريم توكب السياره وقام يلحق هالشخص ومين هو؟
مرام : خالد خذنا لـ مول حلو ،
ريم : الحين صح تذكرت العيد انتهى نتجهز لـ ايش؟
مرام : لعرسك يعني مافي مناسبات ثانيه بتصير؟
ريم : الا بس مدري عنك مستعجله ومتحمسه كذا ،
خالد كان ساكت ويسوق بهدوء ويسمع لسوالفهم ،
'
'
سهام بضحكه : خير اذا تزوجت يعني تنسوني؟
طلال كان جالس جنب شوق : اي وش نبي فيكِ ،
شوق وهي تصب قهوة لطلال : لا والله انا ابيها اذا زعلت مافي الا هي تستقبلني ، الكل قامو يضحكون ،
ام سهام : الا صح ي شوق غريبه بنت عمك ما سوت عرس؟ سمعت انها تزوجت وما سوو لا حفله ولاشي؟
شوق : اي خالتي زوجة عمي كانت تقول بالاستراحه انهم سوو حفله بسيطه بينهم فقط مدري ليه ما سوو عرس ،
ابو سهام : ليش ي بنتي ما سوو البنت من حقها تستانس و تلبس الفستان الابيض حرام سوو فيها كذا ،
شوق : مدري والله يا عمي هذا الي سمعته بس ،
طلال : يلا بكيفهم حنا ايش علينا منهم ،
سهام : بس هيام ما تستاهل كذا المفروض سوو لها عرس ،
طلال : خلاص ي ملقوفه ايش دخلك فيهم؟
سهام : خير ما قلت شي بس كذا عطيت رايي ،
'
'
هيام دخلت و فصخت الجاكيت و رمته على الكنب سيف كان واقف و مستغرب من حركاتها ، هيام مشت سحبت ملابسها و دخلت للحمام ' يكوم القارئ ' سيف رفع كتوفه باستغراب ومشى انسدح على السرير وهو نعسان انسدح وهو يفكر بـ هيام وكيف راح تتقبل تعيش معه خلاص وتعتبره زوجها بعد دقايق فجااه طلعت هيام سيف رفع عيونه لها ،
هيام مشت سحبت المخده واللحاف وصدت عنه ،
سيف : ما اذكر اني مسوي شي ليه كل هالزعل ؟
هيام ما ردت عليه وانسدحت بالارض وغمضت عيونها ،
سبف همس بهدوء : براحتك بس اخذتي اللحاف كله وانا ميت برد ؟ تعالي خلينا ننام على السرير و اوعدك ما اطالع فيكِ ،
هيام ما ردت عليه كانت مغمضه عيونها وتبكي بصمت ،
سيف : اوكيه اسف اذا اعترافي ازعجك ما دريت والله انك تنزعجين هاللكثر بس كلام بقلبي وقلته لك ،
هيام بدموع : سيف الله يخليك اسكت مابي اسمع صوتك ،
سيف بهدوء : تمام راح اسكت خلاص وانسدح غمض عيونه ،
'
'
خالد : يلا شوفو اي محل يعجبكم و روحو له وانا اجيب لكم قهوه و شي بسيط تاكلونه اذا ضعتو اتصلو علي ،
مرام : تمام يلا وحنا بنروح هالسوق ، خالد هز راسه بـ اي ومشى سعود كان واقف و مقهور ويراقبهم ، خالد مشى بعيد
مرام بعدت عن ريم مشت تشوف الفساتين ،
ريم كانت تحط مناكير على يدها تشوف اللوان ما انتبهت الا و المناكير طاح من يدها و توسخت عبايتها تنهدت بقهر وقعدت تدور مرام ما لقتها ومشت طلعت وهي تدور اقرب مغسله تغسل قبل ينشف المناكير على عبايتها سعود كان يراقبها و ابتسم اول ما شاف انها طلعت من المحل لوحدها ريم كانت رايحه تدور ما حست الا بشخص يمسك يدها بقوه فزت وقامت تصارخ سعود قرب منها وهو متلثم بالشماغ وهمس بهدوء : اسكتييييي لا اسمعععع لك صوتتت!!!
ريم بدموع : اترك يدي شتبي ومين انت! ما عرفته من صوته.
سعود بحده : مينننن هذا الي معك!!! ريم دفته بقوه وهي تصارخ الناس استغربو و تجمعو عندهم ،
خالد كان متوجه للمحل وبيده قهوه استغرب من الناس الي متحمعين لكن ما اهتم ومشى فجاه طلعت مرام و ركضت له وهي خايفه : خالددد ريم مدري وينها مدري وين راحت!
خالد بصدمه : ...
'
'