يا انتظار السنين ويا حلم العُمر

= يـ انتظار السنين ويا حلم العُمر 43 =

= يـ انتظار السنين ويا حلم العُمر 43 =
'
'
= بعد 9 اشهر =
'
هيام كانت بالمستشفى وقت ولادتها و سيف برا متوتر وينتظر و ام سيف و ام هيام كانو معه فجاه طلع الدكتور وبيده ولد يصيح ويبكي مشى و مده لـ سيف ، سيف اخذه وهو يضحك وناظر للدكتور : نقدر نشوف الام؟ الدكتور هز راسه بـ اي ،
ومشو لداخل هيام ابتسمت وهي تناظر فيهم ،
ام هيام مشت وهي تبوس جبينها : مبروك ي بنتي ،
ام سيف : اي ايش قررتو تسمونه؟
سيف وهو يناظو لولده وهمس : عبدالعزيز ،
هيام فزت وناظرت لـ سيف ام هيام انصدمت من الاسم ،
سيف وهو يبتسم : من اليوم ما تنادونه الا عزيز ،
هيام ابتسمت ونزلت راسها بحزن ،
'
'
هناء بصدمه : ءءشلونننن اهلي ماتو يعني تكذبون علي كل هالفتره!! مو قلتووو ماما سافرت مع عزييزز؟؟؟؟
راكان بهدوء : كذبنا لانك كنتي تعبانه اوعدك اعلمك كل بس هدي حالك ، هناء حطت يدها على راسها وهي تبكي وجلست على الكنب راكان جلس جنبها وهو يعلمها كل شي هناء كانت منصدمه انه كيف ما يعرفونها و اهتمو فيها كل هالوقت!
ام راكان بهدوء : وانا من هاليوم اعتبرك زوجة ولدي ،
هناء ناظرت فيه بصدمه و التفتت لـ راكان ،
ام راكان ابتسمت : اي ي بنتي مالك مكان غيرنا ولا لك احد غيرنا وافقي و تزوجي من ولدي ،
'
شوق كانت ماسكه ديمه وهي تحاول تنومها دخل طلال وعلى صوت الباب قامت ديمه تبكي ، شوق ناظرت لطلال بقهر وهمست : ماكان فيك تفتح الباب بشويش!
طلال ضحك وهو يرمي شماغه على السرير وياخذ ديمه منها وابتسم : هلا ببنتي الدلوعه هلا بروحي و اميرتي ،
شوق : يع خلاص ايش هالدلع ،
طلال بضحكه : افااا يالغيوره تغارين من بنتك ؟
شوق صدت وهي تجلس : شصار على سهام؟ مو خالك جاء خطبها لـ خالد ؟ ايش قررت؟
طلال بهدوء ؛ خلاص الماضي تركناه في الماضي وامي وافقت عشان خاطر اخوها فانا ماعندي مانع ،
فجاه دخلت سهام : بابا بالصاله يبي ديمه ،
طلال ضحك قام وهمس : يلا تعالي الصاله ومشى لبرا ناظر لابوه يلا يبه جتك الاميره ، ابو سهام ضحك وهو ياخذها و يبوسها : من جت والبيت فيه فرح من ازعاجها و صياحها ،
'
غاده كانت متوتره حطت لبس الاطفال بالكرتون وحطت تحليل الحمل وحطتهم على السرير وحط بلونه وري و ازرق
فجاه انفتح الباب و دخل غسان استغرب وهو يشوف ،
غاده ناظرت فيه وهي تمد له الكرتون : افتحه ،
غسان استغرب اخذه وجلس وهو يفتحه تجمد بمكانه وناظر لـ غاده ، غاده تجمعت الدموع بعيونها ،
غسان : ءءانتي ءءحامل؟؟؟ غاده هزت راسها بـ اي ،
غسان انصدم والفرحه مب سايعته وقرب حضنها بقوه ،
'
ريم بقهر : خير سعود والله حرام عليك خالتي اتصلت تقول هيام ولدت والكل يتجمعون هناك خلنا نروح حنا بعد ،
سعود : انا قلتلك امس بكره ورانا شهر عسل ،
ريم ؛ شعرفني انها راح تولد اليوم ولا كان رفضت ،
سعود وهو ينسدح : مالي دخل نامي ورانا سفر ،
ريم تنهدت بقهر ومشت انسدحت سعود ضحك و سحبها لحضنه : خلاص ي طفله راح تشوفينه اذا رجعنا ،
'
مزون وهي تشوف سما تمشي : محسنننننً،
محسن فز بخوف و ركض لها لكن انصدم لما شاف سما تمشي وضحك : هلا هلا بلي صارت تمشي ،
مزون بضحكه : يقلبييي الي بدات تمشي ،
زياد كان واقف عند الباب ويطالع فيهم ،
محسن لاحظ عليه وهمس : لاعاد ولدي الي كفو مشى قبلها مو هذي النتفه مشى وهو يشيل زياد و يبوسه ،
زياد ابتسم وحضنه محسن ،
مزون وهي تضحك : ابوك يالغيره ،
محسن : افكر اروح اليوم ازور امي ،
مزون ابتسمت ؛ تمام وانا بمشي معك العيال اشتاقو لها ،
'
الجد كان مشغل شيلة المولود و يصفقون انه هيام ولدت
الجده كانت تضحك و تصفق معه و مبسوطين ينتظرونهم.
رغم انها الجده ما كانت فاهمه بس كانت تصفق مع الجد ،
ام شوق مشت وهي تحط القهوه والحلا ،
و ام سعود تبخر البيت و مبسوطين كلهم ،
'
'
راكان ناظر فيها بهدوء : امي حددت موعد عرسنا ،
هناء ابتسمت : اي ملاك علمتني ،
راكان : يليل هذي ملاك راح اذبحها الملقوفه ،
هناء ضحكه : شدعوه ما سوت شي ،
راكان : امشي نروح اليوم تاخذ فستان للعرس ،
هناء : بس اليوم كنت بطلع مع ملاك للمول ،
راكان : يعني زوجك مو مهم اخته مهم؟
هناء ابتسمت : اي هي قالت قبلك ،
راكان : اسحبي عليها امشي معي ،
'
'