يا انتظار السنين ويا حلم العُمر

= #يـ_انتظار_السنين_ويا_حلم_العُمر_بارت 14 =

= #يـ_انتظار_السنين_ويا_حلم_العُمر_بارت 14 =
'
'
سيف وقف سيارته ونزل مشى فتح باب السياره و مد يده لهيام وهمس : يلا انزلي هيام صدت وهي تتمسك بباب السياره وتنزل سيف قرب و سحب يدها بقوه ومسكها وناظر فيها : ارجعك اقول اذا ودك يعيش حياته ف عدلي حركاتك!
هيام ناظرت فيه وسكتت سيف سحبها معه و دخلو لداخل الفندق طلع المفتاح من جيبه ومشى للشقه فتح الباب ودخل لداخل هيام دخلت وراه وهي متوتره ،
سيف ناظر فيها : الغرفه قدامك خذي راحتك عندي اتصال اخلص واجي وطلع لبرا ، هيام تنفست براحه و فصخت العبايه ناظرت لنفسها وللفستان الي امها غصب لبستها! ركضت فتحت شنطتها و غيرت ملابسها بسرعه ولبست شي بسيط و ساتر وكأنها في بيتها  فجاه انفتح الباب غمضت عيونها وهي تدعي يصير شي ويجيه مكالمه عشان يطلع سيف دخل استغرب ما لقاها ومشى لغرفته ناظر فيها و عقد حواجبه وهمس : غيري ملابسك مو عاجبني ،
هيام قامت وناظرت فيه : ماراح اغيرهم احس ببرد ،
سيف : راح اطفي المكيف طيب ،
هيام : برضوا احس ببرد ، سيف سكت وهو يناظر فيها ،
هيام قامت مشت تسحب عبايتها تلبسها سيف قرب و سحب العبايه منها : مجنونه انتي مهبوله؟ تهربين ولا ايش؟
هيام ناظرت فيه : لا ابي عبايتي ،
سيف : انا زوجك افهمي واخلصي يلا على المطبخ ،
هيام : ماعرف اطبخ روح اطبخ لنفسك بنفسك ،
سيف : طيب يعني تبين تجربين طبخ يدي؟
هيام ناظرت ليدينه بقرف و صدت : لو مت ما جربت ،
سيف : طيب شرايك نلعب لعبه الي بيفوز على الثاني يطبخ؟
هيام : روح العب مع غيري ماني طفله عندك ،
سيف : اوه اجل خلاص دام ما ودك بالطبخ ننام؟
هيام فزت وناظرت فيه : لا ودي اطبخ ، وقامت طلعت من الغرفه وهي تسب فيه ومشت للمطبخ سيف دخل وراه ،
هيام ناظرت فيه : اتركني لحالي اطبخ ،
سيف : بس وش يضمن انك ما تقتليني؟
هيام اخذ تنهيدة طويله وهي تهمس : يارب صبرني على هالبلاء يارب صبرني اتحمل وجوده بحياتي ،
'
'
طلال دخل و ريم و شوق مشو ركبو و بيدهم اكياس ،
طلال التفت لشوق : هاه خلاص ولا أخذكم للمطعم؟
شوق : لا مالي خلق للمطعم خلاص اكل من هالخرابيط ،
ريم شهقت : اوف ي شوق خافي ربك بطفلك حتى في بيت جدك ما بلعتي الا حلويات العيد وما اكلتي شي بالبيت بعد ،
طلال التفت لشوق : حلو لا تأكلين خلي يصير شي لطفلي بس،
شوق بقهر : كذابه ريم تصدقها وما تصدقني؟
طلال كان ساكت و يسوق بهدوء شوق كان بيدها عصير و مدت له : جرب ترا مره طعمه حلو ،
طلال صد وهمس : شيلي يدك من قدامي لا اكسره لك ،
شوق تنهدت بضيق : اسفه ماعاد اكرر هالحركة وعد ،
طلال كان ساكت و يسوق بهدوء اخذ جواله وهو يشغله ،
شوق : يعني كذا زعلت مني و تنشغل بجوالك؟
طلال : الحيننن اكلم الدكتوره و احجز موعد والله ي شوق ان سمعت منها شي ما يصير لك خير ،
شوق : طيب خلاص ابي اكل نروح مطعم ،
ريم بضحكه : الحين تبين تأكلين يوم عرفتي انه يقفطك ،
طلال : لا تأكلين خليكِ بعد الموعد نشوف ،
شوق : احس بالجوع يعني حتى طفلك يحس ! صدق انك اب فاشل من الحين ما تهتم فيه ،
طلال : اخلصي وش تأكلين؟
شوق : مدري اي شي انت تأكله راح اكل معك ،
طلال : انا مالي نفس بسرعه اخلصي تأخرت على الدوام ،
شوق : اجل حتنا مالي نفس خلاص ،
ريم بقهر : طيب اسالو مني ترا لي نفس ،
طلال : ايش تأكلين طيب؟
ريم : احس بخاطري شاورما و بطاطس ،
طلال ناظر لشوق : هاه انتي بعد زيها؟
شوق : قلتلك مالي نفس تأخرت على استراحة جدي ،
طلال صد وكمل يسوق و رجع ناظر فيها كانت ساكته مد يده ومسك يدينها : اسف اذا زعلتي من كلامي قبل شوي لما قلت اكسر يدينك كنت امزح ي جعلني ما انحرم من هاليدين ،
شوق : لا ما زعلت واعرف انك تمزح ما يحتاج تقول ،
طلال وقف سيارته :يلا اروح اخذ واجيكم ونزل من السياره ،
ريم ناظرت لشوق : ي حظك فيه ي شوق احسدكم والله ،
شوق شهقت بخوف : اعوذ بالله منك اذكري ربك ،
ريم بضحكه : والله انك محظوظه فيه رغم حركاتك الخايس الا انه تعامله معك حلو يارب يرزقني واحد زيه ،
شوق : الله يرزقك بواحد افضل منه بس شيلي عينك عننا ،
فجاه طلال فتح باب المتجه لشوق : انزلي تمشي شوي هنا ،
شوق : طلال ماله داعي تعب ارجع اركب وانزل ،
طلال : انزلي كذا تتعبين وانتي جالسه طول الطريق ،
شوق تنهدت ونزلت وهي تناظر للشمس : اوفف حر ي طلال ،
طلال قام بيتكلم فجاه رن جواله شوق كانت تناظر فيه
طلال ناظر للرقم وقفله وهمس : تحركي مو قلت اوقفي، مسك يدها وسحبها معه : تدرين  زمان زمان وقت امي خطبتك لي وكنا ننتظر ردك وقته هنا بهالشارع سويت حادث كله بسببك كنتي شاغله بالي ،
شوق بضحكه : لا تكذب على اساس كنت تعرفني ،
طلال : سهام وامي كنت كل ما ارجع من الدوام يتكلمون عنك و يمدحونك وعاد اخذتي عقلي و سويت حادث هنا ،
شوق بضحكه : ي حياتي خالتي و سهام ،
طلال : وانا مو حياتك ؟
شوق : الا بس تخيل كنت بسالك شبيصير على سهام؟
طلال رفع كتوفه : مدري ابوي الي يقرر ،
شوق : يعني انت موافق وماعندك مانع؟
طلال : ولد خالتي والنعم فيه بس عاد افعاله زمان كان مو زين يلا الحمدلله بما انه تعدل وش يمنع اننا نوافق عليه،
'
'
غسان وقف سيارته عند بيت الجد وهو يتصل عليها لكن ما ترد! تنهد بقهر واخذ جواله وهو يتصل على سعود ماهو الا دقايق و رد ، غسان همس بهدوء: السلام عليكم ،
سعود : وعليكم السلام ي هلا ،
غسان : بسالك انتم بالبيت ولا طالعين لي ساعه واقف محد يرد؟ دقيت الباب محد يرد؟
سعود : لا حنا رحنا لاستراحة جدي محد موجود بالبيت ،
غسان : اوه غريبه غاده ما كلمتني مو مشكله عطني العنوان عشان ارجعها ،
سعود : توه جينا جدي مستحيل يسمح غاده تمشي لكن اذا انت ودك تجي ف ابشر راح اعطيك العنوان ،
غسان : تمام انتظرك ،
'
'
هيام كانت واقفه و بيدها البيض وكل تكفيرها بـ عزيز ما انتبهت الا والبيض طاح من يدها سيف كان واقف وراها و فز وناظر لها : وينننن عقلككك ما تشوفيننن!!
هيام ناظرت فيه برجفه : ءءءما انتبهت ،
سيف : اييي لانهااا عقلك مو هنااا عقلك عند ابن الكلب صح!
هيام بدموع : ءءلا كنت افكر ءءب امي ،
سيف : اي اعرف انك تفكرين بامك نظفي بسرعه واخلصي ،
هيام تنهدت بضيق وهي تحاول تمسك نفسها ،
سيف ناظر فيها و صد وهمس : خلاص لا تسوين شي روحي ارتاحي وانا بنظف ، هيام هزت راسها وطلعت مشت ،
'
'
ام عزيز : وش راح ارد على اختي تقول انهم موافقين؟
هناء : مدري ي يمه بس عزيز الحين حالته مو زين ابد ،
ام عزيز : ليتني ما تسرعت بسببه وبسبب عناده ،
هناء : انا قلتلك انه قال كل هالكلام بلحظة غضب ،
ام عزيز : الحين وش نسوي ؟
هناء رفعت كتوفه : مدري مو عارفه ي يمه بس لا تردين على خالتي ولا تتصلين عليها الحين ،
'
'