يا انتظار السنين ويا حلم العُمر

= يـ انتظار السنين ويا حلم العُمر 30 =

= يـ انتظار السنين ويا حلم العُمر 30 =
'
'
هيام قامت وهي تشوف الدنيا صباح وناظرت لـ سيف كان نايم وواضح عليه التعب قامت مشت غسلت وجهها و صحصحت ودخلت المطبخ فتحت الثلاجه وهي مو عارفه ايش تطبخ سحبت بيض ومشت كسرته بعد دقايق طبخت وخلصت حطتهم بالصينيه ودخلت للغرفه انصدمت وهي تشوف سيف جالس على السرير و منزل راسه تركت الصينيه و ركضت له بخوف : سيف شفيك؟؟
سيف بتعب : معرف ايش هالالم اسفل ظهري مو قادر اتحمل،
هيام باستغراب : الم في اسفل ظهرك؟ طيب ليه؟
سيف : يمكن بسبب كثرة النوم راح اتحسن لا تخافين ،
هيام : طب نام خلني ادهن ظهرك بـ كريم او شي عشان يخف؟
سيف هز راسه بالنفي : لا ماعليكِ مافيني شي ،
هيام تنهدت بضيق : طيب قم تعال جهزت لك الاكل ،
سيف بهدوء : مالي نفسي مو مشتهي اكل ،
هيام صدت : يعني ترد فيني حركاتي؟
سيف رفع نظره لها : لا ما ارد حركاتك انا فعلًا مالي شهيه للاكل وميت من التعب ابي ارتاح بس ،
هيام صدت : بكيفك وقامت طلعت من الغرفه ومشت للصاله
سيف بصراخ : طيب خذي الاكل كلي هناك ،
هيام مشت جلست على الكنب وهي مقهوره منه ومن حركاته
سيف سحب المُخده حطه ورا ظهره وانسدح وهو تعبان ،
'
'
خالد كان جالس بغرفته وهو يفكر ايش بيكون صاير لـ ريم اخذ جواله وهو يتصل عليها ما ردت رجع يحاول بعد دقايق ردت،
وهمست بهدوء : هلا؟
خالد : كيفك طمنيني عنك وكيف عمي؟
ريم : اسئلتك ماله اي جواب عندي ،
خالد : عشان ابوي رفض اني اخذك؟
ريم بسخريه : ليه مين انت بالضبط ي خالد؟ تحسبني ميته عليك؟ وميته ليه ما وافقت علي؟ بالطقاق ما دريت عنك ،
خالد : خلينا من كل هذا صارحيني الي كان معك مين؟
ريم بقهر : معرفههه كم مررره اقول!
خالد : ما اظن ما تعرفينه مستحيل شخص غريب يمسك يدك كذا؟ حاولي تذكري يمكن تعرفينه ،
ريم : معرف شي ولا اعرف عنه شي قفل السالفه لو سمحت ،
'
'
سيف طلع من الغرفه ومشى طلع للصاله وهو يناظر لـ هيام كانت منسدحه على الكنب مشى بهدوء جلس جنبها هيام ناظرت فيه وقامت جلست وهي تناظر بالارض ،
سيف التفت لها : ليه ما جيتي للغرفه طول الوقت؟
هيام : بس كذا مالي خلق لشيء زيك ،
سيف ابتسم بخفه : اوه الموضوع كذا يعني؟
هيام كانت ساكته تناظر بالارض سيف ابتسم وحط يده على يدينها وهو يلمسهم : قومي تجهزي بنطلع لمشوار ،
هيام : مالي خلق مابي امشي لمكان ،
سيف : خلاص طيب اسف على حركاتي قومي يلا ،
هيام ناظرت فيه والدموع تتجمع بعيونها : ليه ما تصارحني وتقول لي شفيك وليه كل هالتعب فجاه؟
سيف رفع كتوفه بهدوء : انا بنفسي مو عارف شي لكن اكيد تعب بسيط من تغير الاجواء والنوم الطويل ،
هيام : بس مو لهدرجه يغيرك ويغير ملامحك حتى!
سيف بضحكه : طيب خلاص قومي نطلع انسي كل شيء ،
هيام هزت راسها وقامت مشت تتجهز سيف كان ينتظرها وفجاه حس بكتمه وهو يحاول يلقط انفاسه لكن للاسف كان يحس بضيق في التنفس حط يده على صدره و رفع راسه وهو يحاول يتنفس هيام كانت لابسه جاكيت وطالعه من الغرفه تجمدت بمكانها وهي تشوفه بذي الحاله رمت الشنطه من يدها و ركضت لعنده : ءءسيففف ءءسيف شفيك؟؟
سيف كان يحس بدوخه وهو يهز راسه بالنفي : مافينيءءشي،
هيام ركضت جابت له مويا وقربت منه وهي تشربه ،
سيف شرب بهدوء وهمس : خلاص بخير مافيني شي ، وقام وناظر فيها يلا نمشي كان كل شي حوله يدور وهو يحس بدوخه لكن كان يحاول يقاوم وما يهتم لاجل ما تخاف ما حس على نفسه الا وهو طايح على الارض هيام فزت وصرخت بكل قوتها من منظره اول ما طاح ! كان واقف بكل حيله وقوته فجاه يطيح كذا وكانه جثه هامده نزلت دموعها وهي ماتدري شتسوي ركضت وهي تصحيه وهي تبكي سحبت المويا وهي تكب عليه سيف فتح عيونه بشويش وهو يناظر فيها تصارخ وتبكي حاول يخلي الوضع طبيعي وابتسم : مافيني شي قاعد امقلبك ي خوافه ، هيام كانت تعرف مستحيل مقلب ! و سيف رغم تعبه وبالقوه يقدر يقاوم برضوا كان يبتسم لها لاحتى ما تخاف رغم دوخته وتعبه كان يمثل عليها ،
هيام نزلت راسها وهي تبكي سيف قام جلس : شفيكِ؟
هيام ببكاء : الله يخليك سيف علمني شفيك؟
سيف صد : مافيني شي ي بنت الحلال قاعد استهبل معك ،
هيام هزت راسها بـ لا : لا تكذب علي انت فيك شي وتخبي عني، سيف ناظر فيها بهدوء هيام حطت يدها على وجهها وهي تبكي سيف مسك يدينها : الي فيني حُبك وبس ،
هيام كانت تناظر فيه وتشوف واضح عليه التعب من ملامحه
سيف فتح يدينه : خلاص تعالي عندي واصير بخير ،
هيام ارتمت بحضنه وحطت راسها على كتفه و دموعها تنزل ،
سيف كان يحس بالم شديد باسفل ظهر لكن يتجاهل ويقاوم،
'
'
شوق بعد ما استشورت وخلصت من شعرها قامت مشت فتحت الدولاب ولبست فستان لونها بيج و اكمامها طويل ومشت لعند سهام دقت الباب بهدوء : سهاممم ،
سهام قامت من نومها ومشت فتحت الباب : هلا؟
شوق : يمه كنتي نايمه؟ اسفه والله ما دريت بس كنتي ابي مناكير ، سهام صدت وهي ترجع تنام وهمست : ادخلي خذي من التسريحه انا بنام ، سوق مشت اخذت وطلعت لغرفتها، كانت جالسه على السرير وتحط مناكير احمر برجلها فجاه انفتح الباب ودخل طلال وناظر فيها ابتسم ومشى وهو يرمي شماغه على الكنب وينسدح شوق فزت : طلاللللل ،
طلال : بسم الله اهجدي شسويت؟
شوق بقهر : مافيك تجلس بهدوء خربت علي المناكير ،
طلال : يلا بس جاي من الدوام تعبان وبعز الحر وهذي مبسوطه وتحط مناكير قومي سوي لي اكل وقهوه بسرعه ،
شوق : طب اصبر ينشفون واقوم ،
طلال : فيني نوم ترا اخلصي اكل و انام ،
شوق سحبت مناديل مزيل المناكير بقهر وهي تمسح ،
طلال سحبه منها : ياهوه اتركي عنك شصاير خليهم ،
شوق : طلاللل رجعععع لييي امسحهم ،
طلال : خليهم ينشفون طيب وبعدين قومي ،
شوق بحدها : طلالللل قلتلكككك هاتتت ،
طلال انصدم من عصبيتها : استهدي بالله شسويت؟
شوق صدت عنه بقهر والدموع تتجمع بعيونها ،
طلال رمى عليها : خلاصصص خذييي بطلي هالدموع ،
شوق سحبت وهي تمسح المناكير  و دموعها تنزل مدت يدها مسحت دموعها وقامت مشت عند التسريحه رفعت شعرها ،
طلال باستغراب : ليه ترفعينهم مو استشورتيهم يخربون كذا ،
شوق ما ردت عليه ومشت فتحت الدولاب وهي تطلع لها ملابس طلال بصدمه : ياهوه خلاص واتركي لا تغيرين فستانك حلو عليكِ خليني اتاملك شوي ، شوق ما ردت ومشت اخذت بجامة نوم وطلعت لبرا ، طلال استغرب من حركاتها ،
بعد دقايق دخلت وبيدها القهوه وصامولي بالجُبن ومشت حطت الصينيه قدامه وصدت مشت عند التسريحه وهي تمسح مكياجها طلال ناظر فيها : توي جيت ما شفتك زين حتى ليه معصبه و تمسحين كل شي؟ شوق كانت ساكته تمسح بهدوء ، طلال اخذ الصامولي وهو ياكل ويراقبها بصمت ،
شوق فتحت شعرها وهي تمشطهم عشان يروح الويفي ،
طلال : خليهم كذا حلوين لا تخربينهم ،
شوق انقهرت وهي تشوف شعرها يرجعون يصيرون ويفي عجزت ترجعهم زي قبل وقامت اخذت قرورة المويا وهي تكب على يدها وتمسح على شعرها طلال ضحك على حركاتها وترك القهوه من يدها ومشى لعندها : خلاصصص خليهممم ،
شوق بقهر : ماراح اخلي اي شي يعجبك فيني راخ اخربهم ،
طلال ضحك وهو يمسك يدينها : شدعوه ما سويت شي؟
شوق سحبت يدينها منه : اترككنييي ،
طلال تركها وهو يضحك : ابشري بس يلا بنام ،
شوق انقهرت انها سوت كل شي وتجهزت عشانه وهو كذا ردوده وتعامله صدت وطلعت لبرا ،
طلال مشى انسدح على السرير وغمض عيونه بتعب ،
'
'
سيف كان جالس وهيام جالسه قدامه وبيدها الملعقه وتشربه الشوربه الي سوتها لانه ماله شهيه لشيء قررت تسوي له شي بسيظ سيف اكل من يدها وهمس : خلاص شبعت ،
هيام بقهر : ايش الي شبعت ما اكلت شي غير ملعقتين ،
سيف : والله يا هيام مو مشتهي شي واكلت عشان خاطرك ،
هيام بهدوء : مو متطمنه متاكده انه في شي وتخبي عني ،
سيف ابتسم : والله مافيني شي اكيد من المطاعم الي كنت اكله فيه اربع وعشرين ساعه ،
هيام : بس ما يوصلك لذي الحاله مستحيل مطاعم!
'
'
هذي البارت عيديه لكم وعيدكم مُبارك 💙💙💙