= #يـ_انتظار_السنين_ويا_حلم_العُمر_بارت 5 =
'
'
ام سلمان : ابوك الي قال ارد لهم و اقول اننا موافقين ،
سلمان بصدمه : يمه هياممم مو راضيه فيه ولا ودها !
ام سلمان : هي صغيره وما تعرف الصح والغلط ولا انت شرايك افضل لها ولد عمها ولا احد غريب!
سلمان : هالقرار لها هي مو لي انا او لكم انتم ،
ام سلمان بهدوء : اعرف انك تحب اختك وما تبيها تتضايق بس هذي مو معناته نخليها على كيفها ولا نهتم لمستقبلها!
سلمان تنهد بضيق : يمه تكفين راجعي عن قرارك و اجلسي معها و شوفي وش سبب رفضها ووش بخاطرها وليه ماتبي سيف بعدين خذي قرارك و ردي لهم ما امنعك انا ،
ام سلمان : انا قدني رديت لهم الخبر ومقدر ارجع عن قراري مابي اسود وجهي يكفي خلاص انهي الموضوع ،
سلمان انقهر وقام طلع لبرا ،
'
'
سيف : هيام مو راضيه ي مزون مابي اكسر قلبها وقلب عزيز،
مزون : تمام اجل قل لامي ترفض بعد ما تكلمو وخلصو ،
سيف اروح اشوف و اكلمها ترفض هي قام طلع لبرا مشى لغرفتها دق الباب بهدوء هيام كانت منسدحه و دموعها بعيونها قامت فتحت الباب سيف ناظر فيها بصدمه
هيام بحدها : وش تبييي جاي!!
سيف بهدوء : مابي شي جيت اقولك ارفضي ،
هيام : لو بيدي رفضت بدون ما انتظر تجي تعلمني ،
سيف : انا حاولت ارفض بس امي عاندت و خطبتك برضو ،
هيام : ليه طفل انت عشان امك تعاندك وتمشي كلامها!
سيف تنهد وهمس : الموضوع بيدك وانتي بكيفك ،
هيام : كله من مزون لو سكتت ماكان صار كل ذا!
سيف بحده : مزون ماله دخل بشيء وما علمت احد غيري!
هيام : اجل خلها هي الي توقف كل الي قاعد يصير ،
سيف : لا تدخلين اختي بشيء مالها يد فيه ،
هيام بدموع : والي يخليك ي سيف كلم امك تنهي كلشي ،
سيف هز راسه بهدوء وهمس : راح اسوي الي علي والباقي على نصيبك ، ومشى ،
'
'
غاده كانت جالسه بالصاله فجاه انفتح الباب و دخل غسان
وناظر فيها : تجهزي بنروح للبيت امي طلعت من المستشفى.
غاده هزت راسها بهدوء وقامت بتمشي غسان تنهد ومشى لعندها ومسك يدها ووقفها : اسف اني صارخت عليكِ ،
غاده بهمس : لا عادي تعودت ،
غسان بندم : طيب أوعدك بعد ما تشوفين امي راح أخذك لأهلك تجلسين عندهم متى ما بغيتي ارجعك تمام؟
غاده : خلاص خلص عيدهم اصلًا اروح وش اسوي خلني أقابل هالجدران و عيدي بيكون سعيد نزلت دموعها صدت ومشت،
غسان تنهد بضيق وهو يناظر فيها ،
'
'
شوق : مزون حقيره ي بنات ما توقعتها كذا والله ،
ريم : شايله هم هيام شيصير محد منهم يرفض سيف ما يقدر عشان خاطر امه وهي ماتبي ترفض بوجه ابوها ،
شوق : بس يخي ليه من البدايه ما فهم امه وخلص الموضوع،
ريم : مزون الحيه الي لعبت براسه اكيد ،
فجاه دخل الجد وهمس : وش جالسين تسون ،
شوق فزت : ولا حاجه جالسين نفكر وين نروح ،
الجد باستغراب : الا صح ليه ما مشيتو للصلاة؟
ريم : هيام كانت تعبانه ف خالتي جلست معها وانا بعد كنت معها اما باقين راحو مع سعود ،
الجد : اي استغربت لما طلع سلمان ماكان معه احد ،
دخل سعود للبيت وناظر فيهم : سلام ، الكل ردو السلام ،
شوق : توك تجي امي كانت تسال عنك ووين مختفي ،
سعود : كنت مع سلمان برا ليه وش تبي؟
شوق : شعرفني روح اساله ،
'
'
ام سيف بحدها : عطيت كلمتي وانتهى يوم ردو الخبر قالو موافقين نروح نرفض! انت بوعيك ولا لا ي سيف!
سيف : هيام ما تبيني ي يمه افهمي مانقدر نجبرهاااا ،
ام سيف : رضت ولا ما رضت اهلها موافقين وانتهى ،وطلعت.
مزون كانت جالسه وناظرت فيه : اذا هي فعلًا مو راضيه كان رفضت بس واضح تدور سالفه غصب ،
سيف : لا تجحدين ي مزون وانتي قايله بلسانك هي رافضه وبينها وبين عزيز علاقه ولا نسيتي؟
مزون : امها قالت بلسانها لامي تروح لولد عمه القريب ولا تروح تضيع بين الغريب و عزيز وش يقرب لها بالضبط!
سيف : مزون والي يخليكِ خليني لحالي ضايع بين النارين اخذها ولا ألقى الحُب والمشاعر منها ولا ما اخذها و اجرح امي و تصير فضيحه و زعل بين الكل ولا وش اسوي!
مزون : خذها ي سيف خذها ومع الأيام كل شي ينتهي ،
'
'
هيام نزلت دموعها وهي تناظر فيه : تكفى لا سلمان ،
سلمان رفع كتوفه : حاولت ي هيام حاولت لين وصل لخشمي محد فاهم خلاص هذا نصيبك و ارضي فيه و أوعدك ع زواج محد يجبرك متى ما حسيتي انك مُستعده راح نحدد الوقت ،
هيام بدموع : تحددون موعد دفني!
سلمان : هيام والي يرضى عليكِ خلاص مو بيدي شي والله ،
هيام صدت : طب بنرجع للبيت احس تعبت هنا ما ابي نروح لمكان ولا حاجه بس نرجع للبيت ،
سلمان : تمام يلا اكلم امي ونمشي تجهزي ،
'
أنت تقرأ
يا انتظار السنين ويا حلم العُمر
Ficção Geralحين سالتني من انا؟ فـ قُلت لك انت " انت انتظار سنيني وحلم عُمري" لم ادرك حينه انك انت = غصةُ العُمر والسنين = حساب الكاتبه في الانستا = arwicx =
