= #يـ_انتظار_السنين_ويا_حلم_العُمر_بارت 15 =
'
'
سهام كانت جالسه بغرفتها وتطقطق بجوالها فجاه دخلت امها وناظرت فيها مشت لعندها : غريب خالتك من راحت ما اتصلت ولا كلمتني؟ رغم اني لمحت لها اننا موافقين ،
سهام : يمه اكيد مشغولين و تعب النقل وذا خلاص لا تكلمينهم لين بنفسهم يتصلون ولا تشوفوني ثقيله عليكم!
ام سهام: لا طبعًا ي بنتي بس لا تخلين هالموضوع شوق تعرف فيها راح تعلم كل اهلها ،
سهام بهدوء : بس هي تعرف واخوي طلال قال لها كل شي،
ام سهام : هذا اخوك ما يترك حاجه الا و يعلمها ،
سهام : مو مشكله عادي واذا عرفت شيصير يعني؟
'
'
سيف كان جالس بالصاله يتابع تلفزيون استغرب من الهدوء و هيام مالها حس قام مشى فتح باب غرفته ناظر فيها كانت نايمه ابتسم بهدوء ومشى سحب اللحاف و حطه عليها ومشى طفى الضوء وطلع لبرا وهو يفكر شلون راح تقتنع تعيش معه كيف تقتنع بحُبه وتنسى كل الماضي ،
اما هيام كانت تمثل النوم ولا كيف بيجيها نوم وعزيز ماله اي حس! ماله اي خبر وينه في؟ وين راح؟ وش قاعد يسوي بهالوقت؟ تعود بدوني؟ ولا باقي يفكر فيني؟ راح ينساني ولا يضل يحاول لاحتى ارجع لحياته؟ كل هالاسئله كانت تدور في بالها لكن مافي اي جواب ممكن يريح بالها! غمضت عيونها وهي كل همها بهالوقت عزيز ما فرق معها وجودها بهالغرفه ولا اهتمت هي وين وبغرفة سيف ولا غرفتها! كل همها عزيز ،
'
'
وقف سيارة طلال سعود فز و التفت وهو يناظر طلعت شوق و ريم وراها و دخلو لداخل سعود مشى وهو يسلم على طلال ،
ريم لمحته و صدت عنه و دخلت لداخل وهي تسلم على البنات ، بعد ما مشى طلال سعود ابتسم انها رجع لقاها و شافها ! اكيد راح نتفاهم بهالمكان ومستحيل تصدين عني !
'
'
هيام قامت طلعت لبرا وهي تحس بعطش مشت طلعت لبرا وناظرت لسيف كان نايم على الكنب مشت بهدوء لاحتى تشرب سيف حس بالصوت لكن ما تحرك وغمض عيونه ،
هيام بتفكير : لازم اطلععع من هنا هذي فرصتي الوحيده محد موجود اكيد انزل تحت وهم يساعدوني وأقول انه خاطفني قامت طلعت وهي تناظر فيه نايم مشت على أصابع رجولها لاحتى ما يسمع صوت شي ناظرت للطاوله مشت وهي تدور مفتاح الشقه لكن ما لقتهم وهمست اكيد بجيبه مدت يدها وهي خايفه انه يصحى اخذت نفس و مدت يدها لجيبه بتطلعهم سيف فتح عيونه ووجهها مقابل وجهه هيام فزت وقامت بتسحب يدها سيف بحركه سريعه مسك يدها
وهمس : جيتيني بنفسك تتوقعين اتركك؟
هيام كانت تحاول تسحب يدها سيف كان ماسك يدها بقوه وهمس : ...
'
'
سعود كان واقف برا وهو ينتظر ريم تطلع ! مردها تطلع مستحيل تكون طول هالوقت داخل خمس ايام اذا مو اليوم ف اكيد بكره ومشى بهدوء شغل سيارته ودخل جلس وهو ينتظرها ، اما ريم كانت جالسه تسولف مع البنات ،
مزون التفتت لريم : سما كانت عندك وين راحت؟
ريم : اكيد برا تلعب يمكن او عند اخوكِ ،
مزون : روحي شوفي وين راحت طيب ،
ريم هزت راسها وقامت سحبت طرحتها وهي تدورها
ما انتبهت للشخص الي فز اول ما شافها ريم لمحت شي من بعيد و توقعت انها هي سما ! فزت بخوف وقامت تركض اتجاه هالمكان سعود استغرب وهو يشوفها تروح اتجاه هالمكان و طلع من سيارته وهو يلحقها ريم وقفت وهي تسمع خطوات شخص من وراها و التفتت بخوف وناظرت لسعود تجمدت بمكانها وهمست : ءءانتتت!
سعود : اي انا وش تسوين هنا وليه جايه هنا؟
ريم : ارجع اذكرك و اقولك ماهو شغلك فاهم!
سعود قرب مسك يدها بقوه : ارجعي كرري نفس الكلمه!
ريم سحبت يدها منه : قلت ماهو شغلك فاهم ولا لا!
سعود : لا مو فاهم و اليوم راح تسمعين كلامي كله !!
ريم : نسيت الكف ووجعه الظاهر؟
سعود : نفس الكف راح يرجع لك بهالوقت لو علمتهم وين منحاشه بهالوقت و شايفه الساعه كم! وكل العيال هنااا!
ريم ناظرت بخوف وهي تدفه : اتركنييي اروح ،
سعود رجع مسكها من يدها بقوه : قلتتت اسمعي كلامي!
ريم : وش اسمع حُبك وكلامك الخرابيط كله!
سعود : تشوفين حُبي وكلامي خرابيط!
ريم : اي خرابيط لانه الي تسميه حُب هو إعجاب فقط ،
سعود : الإعجاب اني أتعذب هاه! الإعجاب اني افكر فيكِ ليل ونهار! الي تسمينه إعجاب هو حُب ي ريممم ماهو إعجاب؟
ريم صدت عنه : اتركنييي امشييي ،
سعود : ليه ما تحاولين تفهميننن الي فيني؟
ريم : مابي أوجع لك قلبك عشان كذا لو سمحت ابعد عني ،
سعود : راح توجعيني اذا رحتي و تركتيني بهالعذاب!
'
'
أنت تقرأ
يا انتظار السنين ويا حلم العُمر
General Fictionحين سالتني من انا؟ فـ قُلت لك انت " انت انتظار سنيني وحلم عُمري" لم ادرك حينه انك انت = غصةُ العُمر والسنين = حساب الكاتبه في الانستا = arwicx =
