يا انتظار السنين ويا حلم العُمر

= يـ انتظار السنين ويا حلم العُمر39 =

= يـ انتظار السنين ويا حلم العُمر39 =
'
'
غسان كان جالس وسرحان غاده جلست جنبه وناظرت فيه ومسكت يده ؛ تكفى غسان لا تزعل مني اسفه والله ،
غسان ابتسم : مو زعلان منك زعلان انه مخبي عني كل الي صار ولا كلف على نفسه وعلمني ،
غاده : يمكن ماكان يبيك تتضايق خلاص انسى الموضوع ،
غسان : و امي و جدك ي غاده شسوي عليهم؟
غاده : مابي اعطي رايي عشان ما تفهمني غلط ،
غسان : اعرفك ي غاده اعرفك زين وانك كنتي تكرهين امي بسببي وبسبب حركاتي بس يلا عوافي ماعاد ابيكِ تكررين هالحركات و تخليني ازعل منك اكثر ،
غاده ابتسمت : لا توبه ارجع اسوي كذا وعد ،
'
شىوق قامت من النوم وناظرت طلال ما كان موجود مشت غسلت وجهها و صحصحت ووقفت عند التسريحه عدلت شعرها وبدلت ملابسها ومشت بتجلس فجاه انفتح الباب و دخل طلال وبيده صينية اكل و كاسة حليب ومشى حطهم على الطاوله وهمس : تعالي هنا عندي ،
شوق صدت : مالي خلق للاكل ،
طلال : وانا ما قلت لك كلي تعالي هنا عندي قلت ،
شوق قامت بقهر ومشت : هاه شتبي؟؟
طلال بحده : اجلسي وانتي ساكته شوق جلست بنرفزه ،
طلال : اخلصي اخذ شاور واجي اشوف الصحن فاضي و امي تقولك اشربي حليب زين لصحة الطفل اخلصي الكاسه ،
شوق : وانا قلتلككك مابيي اتركنييي ،
طلال : فييي ستين ي داهيه انتي بس طفلي لا يصير فيه شي!
شوق تجمعت الدموع بعيونه : تمام وصدت وهي تمسك نفسها طلال ناظر فيها : خلاص بطلي حركات الدلع ،
شوق كانت ساكته ، طلال مشى لبرا يجيب جواله ،
شوق نزلت راسها وهي تبكي فجاه دخلت سهام وانصدمت منها و ركضت لعندها : يمه شوق ليه تبكين؟؟؟
شوق ببكاء : نفسسس الشييي ي سهام نفس الشيي كلهم همهم الطفل محد يهتم لي محد يحس فيني حتى طلال تغير علي ما صار يراضيني ما صار يحس فيني تدرين قبل شوي قال بوجهي روحي في ستين داهيه بس ابي طفلي! ليه يسوي معي كذا ي سهام انا ما قصرت معه بشيء ليه يجرحني ليه يكسرني ليه يكسر بخاطري شسويت انا! طول عمري اركض ورا رضاه طول عمري تحت اوامره اي شي يطلب اقول تم ف ليه الحين يسوي فيني كذا! طلال كان واقف عند الباب ويسمع ،
سهام تجمعت الدموع بعيونها من كلامها : خليكِ منه ،
شوق : كيف خليني منه! كيف ي سهام علميني! انا احبه ي سهام هو زوجي ينحرققق قلبي وانا اشوفه يتعامل معي كذا! ابي اعرف ايش غلطتي ايش ذنبي عشان استاهل انه يسوي فيني كذا! ابي اعرف سبب واحد بس! فجاه دخل طلال وناظر اـ سهام وهمس : اطلعي برا ابي اكلمها ، سهام طلعت بهدوء،
طلال قفل الباب ومشى جلس قدامها : ما خلصتي الصحن!
شوق بدموع : الحين اخلص ، طلال سكت وهو يناظر لها ،
شوق مدت يدها وهي تمسح دموعها وقربت تاكل و دموعها تنزل لا شعوريًا طلال ناظر فيها و مد يده مسح دموعهز بهدوء شوق دفت يده وهي تبكي ، طلال بعد الطاوله وقرب منها وهمس : جرحتك بكلامي و زعلتك و ضايقتك صح؟
شوق : لا بالعكس فرحتني مره ،
طلال : ماراح اقول اسف وبنفس الوقت معرف وش اقول ،
شوق كانت ساكته طلال ابتسم : خلاص اجيب لك خاتم؟
شوق : ماعاد صار له قيمه عندي ،
طلال : افااا طب وش بخاطرك؟
شوق : ماعاد صار عندي خاطر هدمته انت ،
طلال : لهدرجه زعلانه؟
شوق صدت طلال قرب وهو يبوس يدها : اسف والله ،
شوق كانت ساكته طلال قرب وهو يسحبها له شوق حطت راسها على صدره وهي ساكته طلال : سامحتيني؟
شوق : لا ما سامحتك لا انا ولا طفلك ،
طلال : اوه يعني انتم الاثنين زعلانين علي طب وش يرضيكم؟
شوق : ما يرضينا شي بعد حركاتك ،
طلال : انا اعرف طفلي راح يرضى اذا رحنا السوق و تجهزنا له؟
شوق صدت : لا تحاول ماراح ارضى،
طلال : المفروض ترضين كذا اكيد سهام خربتك ،
شوق ابتسمت : محد خربني بس ماراح ارضى كذا ،
طلال : ي خفيفه اعرفك رضيتي والله ،
'
سيف و هيام اول ما وصلو سيف مشى انسدح بتعب
هيام ناظرت فيه : واضح انك تعبت نام وانا ارتب الاغراض،
سيف : اي طول السفر كنتي نايمه علي وقعدت احرصك،
هيام بضحكه : لا راح يخطفوني يعني؟
سيف : يمكن ليش لا ، وغمض عيونه اول ما حس بالم خصوصًا انه طول الطريق كان جالس وتعب اكثر تنهد وهو يحاول ما يبين ما قدر يتحمل وصارخ بالم هيام فزت ركضت له وبهالوقت سالم كان واقف عند الباب جايب معه عشاء عشان يتعشون و دق الباب هيام ركضت له وهي تبكي ،
سالم بصدمه : ءشصايررر؟؟
هيام بصراخ : ءءسيفففف سيففف،
مسالم فز و ركض لداخل انصدم وهو يشوفه بذي الحاله ،
علطول اتصل على الاسعاف و توجهو للمستشفى بعد ساعات طلع الدكتور ووجه ما يبشر بالخير : للاسف عنده مرض بالكليه وانتم تاخرتو كثير وحالته ابد مو زين ونحتاج احد يتبرع له ،
هيام تجمدت بمكانه وناظرت لـ سالم الي كان منصدم ،
هيام : ءءدكتور ءءهو هو بخير؟؟
الدكتور بهدوء : للاسف مو بخير ليت لو انتبهتو من قبل حاليًا حالته مو زين ولازم يكون تحت انظارنا اربع وعشرين ساعه اذا تبون تاخذونه لمستشفى ثاني او تطلعونه براحتكم لكن بهالحاله ما انصحكم تاخذونه ،
سالم : اكيد ماراح ناخذه و ابداو بعلاجه سوو اي شييي ،
الدكتور : نحتاج احد يتبرع له بـ كليته ياليت تدبرون الوضع باسرع وقت بيكون افضل لحياته ومشى بصمت ،
هيام حطت يدها على وجهها وهي تبكي ،
سالم اخذ جواله وهو يتصل على الكل ويعلمهم ،
الكل انصدمو انه سيف وهيام وصلو وكيف ومتى ابد ما خطر ببالهم هالسوال لانه صدمتهم كان اكبر من هالاسئله اول ما عرفو بـ وضع سيف الكل توجهو للمستشفى ،
'
شوق بدموع : ءءءطلاللل هيام و سيف وصلو بس سيف..
طلال بخوف : شفيه سيف شصاير؟
شوق : سيف مريض ي طلال يحتاجون احد يتبرع له بـ كليته،
طلال بصدمه : متى وصل هو اصلًا مو كان برا؟
شوق بدموع : مدري مدري معرف شي بس الله يخليك خذني اكيد هيام حالتها ما تكون بخير ،
طلال : تمام يلا تجهزي ومشى سحب ثوبه وهو يلبس ،
'
ام سيف قعدت على الكرسي وهي تبكي و مزون تهدي حالتها
اما هيام كانت منهاره والبنات معاها و ام سلمان كانت حاضنتها وتمسح على راسها ، هيام كانت منصدمه ،
محسن بهدوء : يقولون لو ندبر الموضوع باسرع وقت بيكون احسن وانا افكر مافي احد غيري يتبرع له ،
ام هيام بدموع : انتظرو شوفو يمكن يلقون له علاج ،
الجد : هُم قالو بالكلمه الواحد ماله علاج غير احد يتبرع له،
'
ام سعود ابتسمت : والله ولدي كلمني ما قدرت ارفضه ،
ام ريم بهدوء : ان شاء الله نفكر و نرد لكم خبر ،
ام سعود هزت راسها بـ اي ،
سعود كان تحت بالسياره ويكلم ريم : ليههه ما تدخلين لعندها؟؟؟
ريم : مابي ادخل لعندها مابي اشوفها ،
سعود : ريم هي امي وتبي تشوفك روحي لها ،
ريم : بس ما ابيك يخي ليه ما تفهم!
سعود : بيكون الافضل تسمعين كلامي و روحي لها ،
ريم بدموع : اي طبعاً شد حيلك علي لانك تعرف انها ماما راح توافق عشان ما يرجع ابوي و يشوفني ،
سعود تنهد : ي بنت الحلال والله ماراح اخذك الا بموافقتك ،
ريم : لو الموضوع كذا كان ما وصلتني لذي الحاله ،
سعود : حُبك الي وصلني لهالحاله لو ما رفضتي ماكان صار كذا جيت اعترفت لك كنت ناوي اخطبك بنفس اليوم ،
'
الكل كانو جالسين يفكرون اما هيام كانت جالسه و دموعها تنزل وحست بدوخه فجاه طاحت على حضن امها الكل فزو بخوف وهم يصارخون شصار فيها : هيامممم هياممم ،
سلمان : يمه خليني اناددي الدكتور و ركض ينادي احد ،
بعد دقايق اخذوها لداخل الكل كانو يبكون وجالسين ،
طلعت الدكتوره وهي مبتسمه : مبروك هي حامل ،
هيام بعد ما سمعت هالكلمه ما انهز فيها شي لا فرحت ولا استانست كانت ساكته تفكر بـ سيف ، بينما الكل فرحو للحظه ثم تغير ملامح وجههم اول ما عرفو بحالة سيف ،
الجد تنهد : يلا يابوكم اليوم جمعه و يوم خير خلونا نصلي الفجر و ندعي امشو معي يلا ، الكل مشو معه العيال ،
اما الحريم بعضهم راحو البيت وبعضهم جلسو ،
ام سيف و ام هيام كانو جالسين ،
ام هيام اخذت جوالها : اليوم جمعه راح انشر واقول يدعون له انتي بعد انشري عسى الله يشفيه يارب ،
'
هناء كانت جالسه تصب قهوه لعزيز ومدت له
وجلست وهي تشوف حالة واتس انصدمت وهي تشوف ام سلمان نازله دعاء وكاتبه ادعو لولدنا سيف بين الحياه والموت فزت بخوف وهمست : يمهه ،
ام عزيز ناظرت فيه وعزيز ناظر فيها : شصاير؟
هناء بخوف : ءءلا يءءكون بسبب دعواتنا؟
عزيز : ايش تهبدين دعوة ايش؟
هناء : ءءشف ايش منزله مدت له الجوال ، عزيز اول ما قرا تجمد بمكانه وانصدم : هذي مو ام هيام !
هناء : ءءاي و سيف هو تزوج هيام !
ام عزيز ما كانت فاهمه شي اخذت جوالها وهي تشوف رساله من ام سلمان وكاتبه ادعو لولدنا سيف وكاتبه رساله طويله وناظرت فيهم : حتى عندي رسلت لي؟
عزيز كان ساكت وناظر لـ هناء : تكفين هناء تواصلي مع احد شوفي شصاير ووينها هيام؟؟؟
هناء بهدوء : معرف احد منهم غير اخت غاده مره رحت عند هيام كانت هي موجوده عندها واخذت رقمي ،
عزيز : طيبب اتصلييي و شوفييي ؟؟؟
هيام اخذت جوالها وهي تتصل عليها ،
غاده كانت مع البنات وكلهم جالسين و متضايقين ،
غاده ناظرت للرقم وقفلت الخط هناء رجعت اتصلت ،
غاده تنهدت و ردت : هلا ؟
هناء : السلام عليكم انا هناء ي غاده صديقة هيام ،
غاده بهدوء : اي عرفتك و جارتها بعد كيف اتصلتي بهالوقت؟
هناء كانت فاتحه السبيكر وهمست : بس حبيت اتطمن على هيام و اسالك عنها ؟
غاده : بهالوقت هيام مو بخير زوجها مريض و هي حامل يعني معرف شقولك بس ما تقدرين تتواصلين معها بهالوقت ،
عزيز تجمد بمكانه وهو يسمع انها حامل و سيف مريض ،
'
ريم كانت منسدحه بعد ما امها اجبرتها توافق فجاه رن جوالها اخذته و ردت : هلا اعتقد وصلك جوابي ليه متصل؟
سعود : اي وصلني بس متى اجي اخذك؟
ريم صدت : معرف اسال من امي ،
سعود : سالتها وانا جاي اخذك اليوم بالليل تجهزي ،
ريم بصدمه : اليوممم؟؟؟؟؟
سعود : اي وما يحتاج تطولين السالفه اخلصي علي ،
'
'