يا انتظار السنين ويا حلم العُمر

= يـ انتظار السنين ويا حلم العُمر 24 =

= يـ انتظار السنين ويا حلم العُمر 24 =
'
'
هيام قامت من النوم وناظرت لـ سيف كان حاضن نفسه ويحاول يغطي نفسه بـ جاكيته ونايم حست بحزن من شافت حالته قامت مشت سحبت اللحاف وغطته باللحاف وقامت بتمشي سيف فتح عيونه ومسك يدها : على وين؟
هيام فزت بخوف : بسم الله انت جن ولا بشر! توك كنت نايم؟
سيف : اذا انا نايم فـ قلبي صاحي يحرصك ويراقبك ،
هيام : وليه يراقبني خايف اهرب؟
سيف هز راسه بالنفي : لا طبعًا ماتقدرين ،
هيام ناظرت فيه : متاكد من كلامك؟ اني ما اقدر!
سيف : واذا كنت غلطان بكلامي و قدرتي تهربين وين بتروحين؟ مالك هنا احد غيري انا وبس ،
هيام صدت عنه : ارض الله واسع اروح لاي مكان ،
سيف : وانا اكون موجود بكل مكان وين ما رحتي تلقيني ،
هيام : اي ماراح استغرب لو لقيتك صرت اشك انك جن ،
سيف : حبك الي وصلني لذي الحاله تصرفي عاد ،
هيام : سيفففف كم مره اقولك لا تحبنيييي مابي حبك ،
سيف : بس مالك الا حبي! ولد فاطمه انسيه خلاص ،
هيام : ما يهمني هو بعد نسيته ،
سيف : كنت راح اصدقك بس تذكرت انك شاطره بالكذب ،
هيام : وانت من متى تعرفني هالكثر؟
سيف : وقفتي بوجهي وكذبتي في بيت جدي انك مانتي قايله شي لـ مزون ولا نسيتي؟
هيام : اي اختك المعتوهه تذكرتها ماني ناسيه وجه البومه ،
سيف بحده : هيام احترمي نفسك وشوفي الي قدامك!
هيام ناظرت فيه : وش اشوف؟ ومين الي قدامي؟ واحد مسمي نفسه زوجي! وانا ما اعترف فيه ولا راح اعتبره زوجي.
سيف ناظر فيها بتحدي وقرب منها وحط يده عند اذنه وهو يهمس : ارجعي عيدي كلامك؟ ما سمعت زين مين الي قدامك؟ هيام صدت عنه سيف ناظر فيها بعصبيه ومسكها من كتفها وهو يشد عليها : ايشششش مفكره نفسككك! سكتت لك كثيرر صايره تتمادين لا تخلينيي ادفنك بهالارض وامشي!
هيام : ادفني طيبببب ليه شاد حيلك بالكلام!
سيف بقهر : شوفي ي هيام انا ساكت ومتحمل افعالك لا تعتبرين طول حياتي اتحمل هالحركات لي صبر وينتهي ف لا تختبرين صبري اكثر من كذا لو انتهى صبري والله ي هيام والله واحلف لك بلي تبين انك راح تندميننن! و رماها من كتفها على السرير وقام مشى متوجه للحمام " يكرم القارئ "
هيام كانت حاطه يدها على كتفها من الالم ودموعها تنزل ،
'
'
ام سهام و ابو سهام توجهو لغرفتهم ينامون ، سهام ركضت جلست جنب شوق : شرايك نروح لمكان؟
طلال كان ساكت ويطقطق بجواله ويسمع لهم ،
شوق ناظرت لطلال وصدت : لا كرهت الطلعات ،
سهام بحزن : شوق تكفين ارجعي زي قبل نبي شوق الي ما تجلس في البيت وكليوم تاخذني معها لمكان ،
طلال ناظر لسهام : خليها تغيرت علينا مسويه ثقيله ،
شوق : اذا تشوف اني تغيرت فـ السبب عندك اما عن الثقل ف مو مسويه نفسي ثقيله يكفي سمعت كلام من بعض الناس لين شبعت ماعاد ودي اعيش نفسي الشعور ،
طلال فهم عليها وقام همس : الحقيني للغرفه انتظرك ومشى.
سهام ناظرت لشوق : حيوانه ليه قلتي كذا خربتي مزاجه ،
شوق : يستاهل قال ضغوطات الدوام قال ،
سهام بضحكه : ي بنت شفيكِ توك كنتي مبسوطه معه؟
شوق : عاد وقته كان شي ثاني كنت تحت تاثير الكلام الحلو منه خلاص راح اثر الكلام ارجع زي ما كنت ،
سهام : افااا ي شوق كلمه توديكِ وكلمه تجيبك !
فجاه سمعو صوت طلال وهو يصارخ باسم شوق ،
شوق فزت وناظرت لسهام : شكلي بنطرد لا تقفلين غرفتك بجي عندك ، سهام ضحكت : تمام تمام يلا ،
'
شوق دخلت الغرفه وناظرت فيه كان واقف عند المرايا مشت بهدوء : شتبي ليه تصارخ؟
طلال بحده : ابيكِ انتي ادخلي وقفلي الباب ،
شوق بخوف : ليه تذبحني ولا ايش! طلال صد عنها ومشى قفل الباب وناظر فيها : صارحيني ايش صاير لعقلك!
شوق باستغراب : ولاشي ليه شسويت بعد؟
طلال : مو انا راضيتك واخذتك معي! ف ليه هالتصرفات!
شوق : الحين كم كلمه من فمك تسميه انك راضيتني؟
طلال : لا والله؟ اجل ايش اسوي عشان اراضيكِ؟
شوق : مدري الناس يجيبون خاتم او اسواره او ذهب او سلسال او حتى كيك او اكل مو كم كلمه يقولون ويسكتون.
طلال : ما شاء الله قبل شوي كنتي مبسوطه من كم كلمه؟
شوق : اي كنت مبسوطه بس راح اثر الكلام خلاص ليه انبسط جيب حاجه يكون اثره طول الوقت في ،
طلال : ماني جايب لك شي رضيتي ولا ما رضيتي بالطقاق ،
شوق بقهر : اجل لا اشوفك تجي تتاسف اطلع عيونك الاثنين.
طلال بضحكه : اجل تبين اجيب لك خاتم ي حيوانه! تذكري يوم خطبتك لبستك خاتم ضيعتيه ومشيته لك وجبت لك واحد جديد رجعتي ضيعتيه وقلتي انه كان كبير عليكِ اخذتك بنفسي للمحل و اشتريت لك خاتم و يوم الملكه بعد عطيتك خاتم و يوم العرس عطيتك طقم كامل اجحدي بعد اشوف!
شوق تذكرت انها بالعيد لبست الطقم كامل و ضيعت الاساور والخاتم نسته ببيت الجد وناظرت فيه : ءءلا ما نسيت ،
طلال بـ شك : شمسويه اعترفي ليه عيونك شوي ويطلعون؟
شوق صدت : مو مسويه شي فيني نوم ما انام يعني؟
طلال : اوووه اكيد انك ضيعتي شي؟
شوق : بسم الله ايش اضيع ما ضيعت شي شفيك؟
طلال : يلا اشوف طلعي كل الي جبت لك!
شوق : يوه طلال مطول انت وانا فيني نوم بنام ،
طلال مسك يدها : اقول طلعيييي وريني اشوف ،
شوق : خير يعني تذلني انك عطيتني!
طلال : والله اذا طلعتيهم ي شوق اخذك لمحل تشترين كل الي بخاطرك وما اقولك لا ولو تشترين لكل قبيلتك ما اقول لا.
شوق همست بقلبها : ياربي هذي فرصتي بس من وين اجيبهم وكيف اقوله ضيعتهم وناظرت فيه : مابي شي ،
طلال : اهااا عرفت يعني ضيعتي؟
شوق : لا ماله دخل شايفني طفله اضيعهم؟
طلال : بكيفك اجل انا بنام واجلسي دوري عندك وقت لبكره.
'
'
خالد مشى متوجه لعندهم سعود اول ما شاف الناس يتجمعون ترك ريم و ركض طلع قبل لا ينكشف ويعرفونه و ينفضح خالد دخل من بين الكل وناظر لريم بصدمه كانت واقفه تبكي مشى لعندها : بنت شفيكِ شصاير؟
ريم ببكاء : ءءءهوءءمسكنيءء،
مرام بصدمه : مينن الي مسككك وينهه؟؟؟
ريم انهارت من البكاء وما قدرت تكمل ، خالد شد على بيده قهر وترك ريم وطلعت لبرا وهو يدور مين هالشخص ،
مرام مسكت يد ريم و ركضت لعند خالد : خالدددد ،
خالد التفت لهم : اوقفو خلوني اشوف ابن الكلب ،
مرام : خالد الله يخليك خلاص لا تسوي شي خلنا نرجع ،
خالد التفت لريم بحده : وانتيييي ايش طلعكككك لوحدكك!
ريم بدموع : كنت ءءبروح اغسل عبايتي ،
خالد : امشييي يلا قداميي بسرعه انتي وياهااا ،
مرام سحبت ريم معها وطلعو من المول خالد كان وراهم و يلتفت يمين يسار وهو مقهور من الي صار ،
ريم ركبت السياره مرام ركبت معها خالد مشى ركب وقفل الباب بكل قوته : ايشششش اقولللل لابوككككِ لو عرف بشيي!
مرام : خالد خلاص لا تزيد عليها وعمي ماراح يعرف بشي،
خالد : كيف ماراح يعرف وبالمول الكل شافو الي صار ولو ما يعرفون ريم لانها متغطيه ف يعرفونييي ويعرفون وجهي ايش اجاوب كنت مع مين! يعرف اني اخذت ريممم!
ريم بدموع : راح يذبحني الله يخليك لا تعلمه ،
خالد : لو هو ما ذبحك انا ذبحتك ! ليههه ما رحتي مع مرام!
'
'
سيف سحب الجاكيت وناظر فيها : امشي نطلع برا ،
هيام كانت ماسكه المنديل بيدها وخشمها احمر وتبكي ،
سيف تنهد : قلتلك قوميييي امشي ما تفهمين!
هيام بهدوء : احس اني تعبانه الله يخليك مابي امشي ،
سيف مشى وقف قدامها وحطت يده على جبينها وناظر فيها بهدوء : مافيكِ شي مجرد سخونه بسبب تغير الاجواء قومي يلا. هيام تنهدت بضيق وقامت مشت تلبس الجاكيت
سيف مشى وقف قدامها ومد يده لورا وهو يلم شعرها ويدخلها بقبعة الجاكيت وهمس : بنمشي؟
هيام هزت راسها بـ اي سيف مسك يدها وطلعو سيف قفل الباب وناظر فيها : اي ايش راح تاكلين؟
هيام بهدوء : الي تبي ،
سيف : تمام ابشري راح اخليكِ تذوقين احلا اكل بس عاد من يديني عشان تتعودين على طبخي ،
هيام ناظرت : اذا من يدينك ف ليش طالعين؟
سيف : نروح لسوبر ماركت ناخذ اغراض للبيت قررت نجلس لـ مُده اكثر ويمكن نستقر للابد ، هيام شهقت بصدمه وناظرت فيه : ءمستحيل سيف الله يخليك لا مابي ،
سيف رفع كتوفه : خلاص قررت وخلصت انتهى ،
'
'
شوق دخلت لعند سهام : سهامممم تكفين ساعديني ،
سهام بصدمه : بسم الله شصاير طردك؟
شوق : لا يخسي يطردني تعالي ساعديني تخيلي يقول اذا جبتي لي كل الخواتم والطقم الذهب الي عطيتك راح اخذك لمحل تشترين الي تبغين وانا حماره ضيعت الاساور في بيت جدي ومدري وين شسوي؟
سهام بضحكه : تكفين شوق منجدك مصدقه طلال انتي؟
شوق : مدري احسه صادق من كلامه و اشك نزل راتبه اكيد خايف اطلب منه يجيب لي خاتم علطول دور له عذر!
سهام : خذيها مني ي حياتي مافي اكذب من زوجك ،
شوق : صادقه صح كذاب قاعد يلعب علي بس تخيلي مو جالس يراضيني ! سلامات ارضى كذا بدون ما يجيب لي شي!
سهام : مالت عليكِ قومي بس ي خفيفه ترضين من اي شي،
شوق : عاد قبل شوي كان تاثير كلامه الحلو الحين لا ،
سهام : اقول اخوي لو قال احبك تدوخين وترضين ي خفيفه،
شوق : ي حيوانه طيب طيب اذا تزوجتي وقته نشوف ،
سهام صدت : فكيني مابي اصير زيك انتي و طلال ،
شوق : واضح انك غيرانه مننا اقول شصار على خطيبك؟
سهام : اي خطيب؟ تقصدين عزيز! قدني نسيته ،
شوق : صح خير فتحو الموضوع و اختفو؟؟
سهام : فكيني اكيد دعواتي استجاب مابي اتزوج وبعدين روحي لزوجك دوري له الخواتم ايش تبين فيني ،
شوق : لا نام وما عطاني وجه هذا وانا زعلانه ،
سهام : سبحان الله الناس يتزوجون يعقلون انتم العكس ،
شوق : واضح انك غيرانه مننا اذكري الله لا تحسدينا!
'
'
ابو ريم دخل بعصبيه وهو يصارخ : ريممممم ،
طلعت ام ريم باستغراب : شسالفه ريم راحت مع خالد ومرام،
ابو ريم : الحينننن خويي متصل يقول انه خالد اخذهم لمول وكل الناس متجمعين عليهم ايش مسوين من فضيحه!!
ام ريم بصدمه : اكيد يكذبون مافي شي كذا راحو يشترون اغراض ويرجعون من وين مطلعين هالكلام؟
ابو ريم : توووه خويييي كان هناككك مع زوجته وشاف كلشي!
ام ريم مشت وهي تتصل على ريم و ابو ريم معصب ،
'
خالد وقف سيارته والتفت : ابوكِ في البيت ،
ريم بخوف : الله يخليك سوي شي مابي اروح ،
خالد تنهد بقهر وفتح الباب وطلع وهو يتكلم : الحقيني ،
ريم ناظرت لمرام : انتي بعد امشي معي تكفين ،
مرام بحزن : تمام يلا امشي وطلعو مشو لداخل ،
خالد وقف وهو يدق الباب ام ريم مشت فتحت الباب ابو ريم مشى بخطوات سريع اول ما خالد دخل ابو ريم عطاه كف بكل قوته : وينننن ماخذ بنتييي شمسوييي فيهاااا!!!
ريم ومرام فزو بخوف ريم ، خالد حط يده على خده بصدمه ،
'
'